Génesis 6:17 - Chayahuita (Shahui)

¹⁷ Aꞌna tahuëri panca pacon aꞌpaarahuë, yaꞌipiroꞌpaꞌ imotarin. Yaꞌipi piyapiroꞌsaꞌ, maꞌsharoꞌsaꞌ, inapita taquiitapi.

Génesis 6:17 ပူးပေါင်းရင်းမြစ်များ

Génesis 2:7

Naporoꞌ Sinioroso Yosë niꞌton, yaniroꞌpaꞌ amocan quëran quëmapi ninin. Nani nisahuaton, nanpicaso marëꞌ pihuinitërin. Inapotohuachina, niirahuaton nanpirin huachi.

Génesis 6:13

Ina nicaton, Noi itapon: “Yaꞌipi piyapiroꞌsa ataꞌhuantarahuë. Paꞌpi co noyahuëꞌ nipi niꞌton, piyapiꞌsa co huachi sano cancantopihuëꞌ. Napoaton yaꞌipiroꞌpaquë yaꞌhuëpisopita ataꞌhuantarahuë huachi.

Génesis 6:16

Naporahuaton, cara paꞌcotë acotëquëꞌ. Pëirapiranso yaꞌcariꞌ, miria mitro aquërinquë huintana acotëquëꞌ. Yaꞌcoanantaꞌ, aꞌnatëran acotëquëꞌ.

Génesis 7:15

Yosë nohuanton, maꞌsharoꞌsa catoya catoya nanchaquë yaꞌconpi.

Génesis 7:17

Catapini shonca tahuëri oꞌnanárin. Pamatohuachina, nanchaso noꞌpa quëran yanponin huachi.

Génesis 7:4

Canchisë tahuëri quëran ca nohuanto oꞌnanapon. Catapini shonca tahuëri, tashirë chachin oꞌnamiatapon. ¡Inapotato yaꞌipi isoroꞌpaquë acorahuësopita ataꞌhuantarahuë!” itërin.

Génesis 9:9

“Niꞌcoꞌ. Ipora canpitaroꞌco anoyatërahuësoꞌ, shiparimapitanta yonquiato, napotaranquëmaꞌ.

Salmos 107:34

Noyaroꞌpanta nipirinhuëꞌ, ina nohuanton nitapirin. Yaꞌhuëhuanoꞌsa co noyahuëꞌ nipiso marëꞌ, anaꞌintaton inapotërin.

Éxodo 14:17

Ca nohuanton iquipitoroꞌsa co natantochináchinhuëꞌ cancantatonaꞌ, imaponëmaꞌ. Napoaponahuëꞌ, cari ataꞌhuantarahuë. Copirno, sontaronënpita, toronanënapita, inapitarë chachin minsëarahuë. Inapotohuato, yaꞌipi iquipitoroꞌsa nitotapi: “Tëhuënchachin israiroꞌsa Yosënënasoꞌ, chini chiníquën nanantërin,” tosapi.

Isaías 54:9

Ina quëran Sinioro taantarin: “Pacon paꞌninso piquëran iráca Noi shaꞌhuitërahuë: ‘Caso Yosëco niꞌto, noꞌtëquën shaꞌhuitaranquën. Ipora quëran huarëꞌ co huachi iso pochin pacon isoroꞌpaꞌ imotaantaponhuëꞌ,’ itërahuë. Ina napotërahuëso chachin canpitanta shaꞌhuitaranquëmaꞌ. Co huachi noꞌhuiantaponquëmahuëꞌ. Co huachi maꞌsha onpotaꞌhuanquëmasoꞌ, shaꞌhuitaantaponquëmahuëꞌ.

Ezequiel 34:11

Naquëranchin Sinioro taantarin: “Ca Sinioroco shaꞌhuitaranquëmaꞌ. Huaꞌanoꞌsanquëmaꞌ. Canpitaso piyapinëhuëpita co noya aꞌpairamahuë niꞌton, cari chachin aꞌpaiarahuë huachi.

Ezequiel 34:20

Naporamaso marëꞌ aꞌna tahuëri noya coisë pochin nicato, amonënoꞌsa anaꞌintarahuë. Nansëyaroꞌsaso nipirinhuëꞌ, catahuararahuë. Ca Sinioroco napotaranquëmaꞌ.

Oseas 5:14

Paꞌpiniꞌ, niirahuaton mapintërinso pochin israiroꞌsaꞌ, Cota huënton israiroꞌsaꞌ, inapita nitarahuë. Cari chachin paꞌsa paꞌsatërëso pochin aparisitarahuë. Inapotahuato patarahuë. Quëpatë pochin nipatontaꞌ, co insonta osërëtiincosoꞌ nanitarinhuëꞌ.

Amós 9:6

Siniorosoꞌ, inápaquë yaꞌhuërin. Isoroꞌpaꞌ aipi piꞌiroꞌtë acorin. Ina nohuanton marë quëran chitoro pipihuachina, isoroꞌpaquë oꞌnanin. Inasoꞌ Sinioro. Ina pochin nohuitërëhuaꞌ.

Romanos 5:21

Oshahuanëhuaꞌ niꞌton, chiminpatëhuaꞌ, parisitomiatacasoꞌ yaꞌhuëpirinhuëꞌ. Yosësoꞌ inaora nohuanton, nosoroatonpoaꞌ, catahuarinpoaꞌ. Sinioro Quisocristo anoyacancantohuachinpoaꞌ, nanpimiatarihuaꞌ.

Romanos 6:23

Piyapi asacatohuatëra, pahuërërëꞌ. Inapochachin co noyahuëꞌ nipatëhuaꞌ, chiminpatëhuaꞌ parisitomiatarihuaꞌ. Yosëso nipirinhuëꞌ, inaora nohuanton nosororinpoaꞌ. Quisocristo imapatëhuaꞌ, ina nohuitatëhuaꞌ, nanpimiatarihua. Inasoꞌ huaꞌanënpoaꞌ. Inasáchin natërëhuaꞌ.

Deuteronomio 32:39

Casáchin Yosëco. Mamanshiroꞌsasoꞌ, co ca pochin nipihuëꞌ. Ca nohuanto piyapiꞌsa nanpirapi, ca nohuanto chiminapi. Ca nohuanto piyapiꞌsa maꞌsha onpopi. Ca nohuanto chachin noyataantapi. Anaꞌintaꞌhuaso chinotohuato, co insonta chaꞌëtarincohuëꞌ. Chini chiníquënco niꞌto, anaꞌintarahuë.

Hebreos 11:7

Iráca Nointaꞌ yaꞌhuëpirinhuëꞌ, aꞌna tahuëri Yosëri itapon: “Co huaꞌqui quëranhuëꞌ maꞌsha onpoaramaꞌ. Co niꞌchinamasohuëꞌ niꞌsaramaꞌ. Naporoꞌ yaꞌipi oshahuanoꞌsaꞌ iiꞌ quëran ataꞌhuantarahuë,” itërin. Coꞌhuara oꞌnayantërasohuëꞌ napotopirinhuëꞌ: “Yosë noꞌtëquën nontërinco,” taꞌton, Noi natëtërin. Shaꞌhuitohuachina, natëton, panca nancha ninin. Ina quëran saꞌin, huiꞌninpitarë chachin chaꞌëpi. Aꞌnapitasoꞌ natanaponaraihuëꞌ, co yanatëpihuëꞌ. Napoaton naꞌinpi. Noiso nipirinhuëꞌ, yaꞌipi cancanën quëran natëtërin. “Noꞌtëquën nontërinco,” topachina, Yosëri noya niꞌnin.

1 Pedro 3:20

Inapitasoꞌ iráca Noi nanpisoꞌ, paꞌpi co noyahuëꞌ cancantopi niꞌton, ina nohuanton, Noi pënëntárin. Pënëntopirinhuëꞌ, co yanatëpihuëꞌ. Yosësoꞌ co aꞌnaroáchin anaꞌintërinhuëꞌ. Noi panca nancha nicasoꞌ, ninarapirinhuëꞌ, co natëpihuëꞌ niꞌton, anaꞌintërin. Ipora huantaꞌ parisitapi. Noisoꞌ nancha tinirahuaton, yaꞌconin. Naporoꞌ posayaꞌpíchin iiꞌ quëran chaꞌëpi.

2 Pedro 2:5

Iráca yaꞌhuëpisopitantaꞌ co nichaꞌërinhuëꞌ. Co noyahuëꞌ nipachinara, Yosë nohuanton, panca pacon paꞌnin. Iiꞌ quëran taꞌhuantopi. Noisoꞌ Yosë imaton, noꞌtëquën pënëntopirinhuëꞌ, co yanatëpihuëꞌ niꞌton, yaꞌipiya taꞌhuantopi. Noisáchin nichaꞌërin. Yaꞌipi quëran posayaꞌpíchin chaꞌëpi.