Génesis 6:16 - Chayahuita (Shahui)

¹⁶ Naporahuaton, cara paꞌcotë acotëquëꞌ. Pëirapiranso yaꞌcariꞌ, miria mitro aquërinquë huintana acotëquëꞌ. Yaꞌcoanantaꞌ, aꞌnatëran acotëquëꞌ.

Génesis 6:16 ပူးပေါင်းရင်းမြစ်များ

Génesis 6:15

Nancha nipatan, iso pochin acoquëꞌ: Pasa cara shonca aꞌnatërápo mitro naporopitërinsoꞌ. Cato shonca cato mitro miria pancanatërinsoꞌ. Shonca cara mitro miria inaparinsoꞌ.

Génesis 6:17

Aꞌna tahuëri panca pacon aꞌpaarahuë, yaꞌipiroꞌpaꞌ imotarin. Yaꞌipi piyapiroꞌsaꞌ, maꞌsharoꞌsaꞌ, inapita taquiitapi.

Génesis 7:16

Nisha nisha nipisopita quëran, aꞌnara quëmapi, aꞌnara sanapi yaꞌconpi. Yosëri Noi camairinso chachin nipi. Nani yaꞌconpachinara, Siniorori chachin nancha yaꞌcoananën oncorapirin huachi.

Génesis 8:6

Inapita yaꞌnohuachinara, catapini shonca tahuëri quëran, Noiso nancha huintananën iꞌsoatërin.

2 Samuel 6:16

Sinioro caposonën Quirosarinquë quëꞌcanconpi. Napohuachinara, Saonocoꞌ huiꞌnin Micaro itopisosoꞌ, huintananën quëran nocotiirin. Nocotopirinhuëꞌ, soꞌinsoꞌ nansaton pashi pashitëriarin. Sinioro chinotaton napóriapirinhuëꞌ, inarisoꞌ co yainyántërahuëꞌ, niꞌnin.

Lucas 13:25

Aꞌna tahuëri huaꞌanëni yaꞌcoananën oncotarin huachi. Naporo huarëꞌ aipiran huanirahuatomaꞌ, yayaꞌconpiramahuëꞌ. “Iꞌsoatocoi Sinioro,” tosapiramahuëꞌ, co nohuantarinhuëꞌ. “Co nohuitëranquëmahuëꞌ. Co canpitasoꞌ piyapinëhuëpitanquëmahuëꞌ,” itarinquëmaꞌ.