Génesis 6:11 - Chayahuita (Shahui)

^11-12 Naporoꞌ yaꞌipi isoroꞌpaquë yaꞌhuëpisopita nitapicancanpi. Paꞌpi co noyahuëꞌ nicatonaꞌ, ahuëtacaisoráchin cancantopi. Napopiso Yosëri niꞌnin.

Génesis 6:11 ပူးပေါင်းရင်းမြစ်များ

Génesis 10:9

Nimorotoso Siniorori catahuarin niꞌton, paꞌpi míso inantërin. Napoaton piyapiꞌsa nonpachinara paꞌyatopi napocaisoꞌ: “Siniorori Nimoroto catahuarin niꞌton, míso inantërin. Inapochachin quëmanta catahuainquën,” topi.

Génesis 13:13

Inaquësoꞌ, yaꞌhuëhuanoꞌsa paꞌpi co noyahuëꞌ nipi. Inapoatona oshahuanpi niꞌton, Yosëri noꞌhuípiro niꞌnin.

Génesis 6:10

Inasoꞌ, cara huiꞌninpita quëmapisáchin yaꞌhuëtërin: Simo, Camo, Cahuito, inapita.

Génesis 7:1

Ina quëran Siniorori Noi itapon: “Yaꞌipi ipora yaꞌhuëpisopita aꞌporinaco. Quëmasáchin nohuantërahuëso ninan. Napoaton iporasoꞌ, saꞌanëꞌquën chachin nanchaquë yaꞌconquë huachi. Huiꞌnanpitantaꞌ, saꞌinarë chachin yaꞌcoinaꞌ.

Éxodo 32:7

Ina nicaton Siniorosoꞌ Moisësë itapon: —Nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, co natëtonacohuëꞌ nitapicancanpi.

Isaías 60:18

Nisha nisha maꞌsha nionpotopisoꞌ, co huachi yaꞌhuëramaquë natantaramahuëꞌ. Noꞌhuitatona ataꞌhuantopisoꞌ, tapitopisoꞌ, inapitanta co huachi natantaramahuëꞌ. Ninanonëma pairanënpitaquë: ‘Yosë nichaꞌërinpoaꞌ,’ taꞌcasoꞌ ninshitaramaꞌ. Yaꞌcoananënpitaquëntaꞌ, ‘Sinioro chinotahuaꞌ,’ taꞌcasoꞌ ninshitaramaꞌ.

Habacuc 1:2

Aꞌna tahuëri Sinioro nontato: “Sinioro. Co napion ancantato catahuancoso marëꞌ nontápiranquënhuëꞌ, ¡co aꞌpanirancohuëꞌ! Naꞌcon maꞌsha onpotatonacoi aparisitarinacoi. Napoaton nichaꞌëancoiso marëꞌ chiníquën nontaranquën. Inapo nontopiranquënhuëꞌ, ¡co nichaꞌërancoihuëꞌ!

Habacuc 2:17

Nipano motopi tanantontarinquë nararoꞌsa tiquiramaꞌ. Maꞌsharoꞌsanta inaquë yaꞌhuërinso tiquiramaꞌ. Ninanoroꞌsa yaꞌhuëhuanoꞌsarë chachin, ahuëatoma ataꞌhuantëramaꞌ. Inaporamasopita naꞌintarinquëma parisitaramaꞌ.

Habacuc 2:8

Naꞌa nacionoꞌsaquë yaꞌhuëpisopita minsërahuatomaꞌ, maꞌshanëna matëramaꞌ. Iporaso napoaponahuëꞌ, inapita yaꞌhuërë canpitanta mataponënquëmaꞌ. Nisha nisha parti isoroꞌpaquë piyapiꞌsa tiquiramaꞌ. Co tënorotochináchinhuëꞌ cancantatoma ninanoroꞌsa ataꞌhuantëramaꞌ. Inaporamaso marëꞌ canpitanta napotarinënquëmaꞌ.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Romanos 2:13

Cotioroꞌsasoꞌ Moisësë pënëntërinsoꞌ natanaponaraihuëꞌ, co natëtopihuëꞌ. Napoaton co Yosëri noya niꞌninhuëꞌ. Noꞌtëquën natëpi naporini, Yosëri noya niꞌitonhuëꞌ.

Romanos 3:19

Tëhuënchachin co noyahuëꞌ nicatëhuaꞌ, yaꞌipinpoaꞌ oshahuanëhuaꞌ. Yosë pënëntërinsoꞌ nitotopirëhuahuëꞌ, co natërëhuahuëꞌ niꞌton, anaꞌintinpoasoꞌ yaꞌhuërin.

Deuteronomio 31:29

Carimaso ipora nani camairanquëmaꞌ, noꞌtëquën imacamaso marëꞌ. Napoaponahuë nani chiminpato, ina aꞌporahuatoma nitapicancanaramaꞌ. Ina marëꞌ aꞌna tahuëri Yosë anaꞌintatënquëma aparisitarinquëmaꞌ. Sinioro niꞌsápirinquëmahuëꞌ, co noyahuëꞌ nisarama niꞌton, chiníquën anoꞌhuitaramaꞌ,” itërin Moisësëri.

Jueces 2:19

Napoaponahuëꞌ, ina huaꞌan chiminpachina, naquëranchin Sinioro aꞌpoantapi. Ina aꞌporahuatonaꞌ, mamanshiroꞌsa moshaantapi. Shimashonëna quëran aquë aquëtë co noyahuëꞌ nicoantapi. Inapoatonaꞌ, co natantonoꞌsahuë pochin cancantopi.