Génesis 50:9 - Chayahuita (Shahui)

⁹ Sontaroꞌsantaꞌ, aꞌnaquën toronanoꞌsaquë, aꞌnaquënso cahuarioroꞌsaquë, Cosi caꞌtanpi. Napoaton huaꞌhuayátërahuë piyapiꞌsa paꞌpi.

Génesis 50:9 ပူးပေါင်းရင်းမြစ်များ

Génesis 41:43

Ina quëran, toronanëhuëquë paꞌpatora, imaquirinso toronanquë ananpëcoꞌ. Inapotahuatomaꞌ, quëpacoꞌ. Ina quëpasëmaꞌ, piyapinëhuëpitari chiníquën shaꞌhuiinaꞌ: ‘¡Isoncoꞌ!’ tëraꞌinaꞌ,” itërin. Ina pochin copirnori Cosi acorin yaꞌipi Iquipito noꞌpaquë, camaitacaso marëꞌ.

Génesis 46:29

Iin cantomarahuaton Cotasoꞌ, paꞌpini nanan aꞌpatërinso shaꞌhuitërin. Shaꞌhuitohuachina Cosisoꞌ, aꞌnaroáchin piyapinënpita camairin toronanën tapacaiso marëꞌ. Inaquë huënsërahuaton, Cotarë chachin paꞌnin. Paꞌsahuaton paꞌpin quënanconpachina, iporin. Iporinquëranchin huaꞌqui naꞌnërárin.

Génesis 50:10

Paꞌsápatonaꞌ, Corin-a-atatiquë canconpi. Inaquë niyontonatona panca sëtopi. Inaquë Cosi paꞌpin marëꞌ canchisë tahuëri sëtërinsoꞌ, naniantarin. (Corin-a-atatisoꞌ, trico toꞌnorapiquë) Ina noꞌpa quëransoꞌ, Cortaniiꞌ piꞌi yaꞌconinso parti acorin.

2 Reyes 18:24

Ina natanaton, Isiquiasëso tosarin: ‘Iquipitoquë cahuarioroꞌsa maꞌpatarahuë. Sontaroꞌsanta cahuarioquë paꞌpisopita inaquë maꞌpatarahuë,’ topachin, topinan quëran napoarin. Napoaton maꞌpatopirinhuë tërantaꞌ, co nanitarinhuëꞌ Asiria sontaroꞌsa nitaꞌatacasoꞌ. ¡Apinapicha nininsoꞌ huaꞌan tëranta co nitaꞌatarinhuëꞌ!

Éxodo 14:17

Ca nohuanton iquipitoroꞌsa co natantochináchinhuëꞌ cancantatonaꞌ, imaponëmaꞌ. Napoaponahuëꞌ, cari ataꞌhuantarahuë. Copirno, sontaronënpita, toronanënapita, inapitarë chachin minsëarahuë. Inapotohuato, yaꞌipi iquipitoroꞌsa nitotapi: “Tëhuënchachin israiroꞌsa Yosënënasoꞌ, chini chiníquën nanantërin,” tosapi.

Éxodo 14:28

Yaꞌipi sontaroꞌsaꞌ, toronanënaꞌ, cahuarionënaꞌ, inapitarë chachin iiri imotërin huachi. Co aꞌnaya tëranta chaꞌërinhuëꞌ.

Éxodo 14:7

Yaꞌipi toronanoꞌsa Iquipitoquë yaꞌhuërinsoꞌ, quëparapi. Huaꞌanoꞌsantaꞌ, saota pasa toronan noya noya nininsopitaquë paꞌsapi. Aꞌnaya aꞌnaya toronanquë aꞌnara sontaro huaꞌan paꞌsarin.

Hechos 8:2

Nani Istipan tëpahuachinara, Yosë chinotopisopitari paꞌpitopi. Sëtatonaꞌ, naꞌnërápi.