Génesis 50:3 - Chayahuita (Shahui)

³ Catapini shonca tahuëri quëran nonën tapapi huachi. Ina nápo tahuëri nohuantërin tapacaso marëꞌ niꞌton, ina nápo tahuëri sacatopi. Iquipitoroꞌsasoꞌ, canchisë shonca tahuëri Cacopo marëꞌ sëtopisoꞌ imapi.

Génesis 50:3 ပူးပေါင်းရင်းမြစ်များ

Génesis 50:10

Paꞌsápatonaꞌ, Corin-a-atatiquë canconpi. Inaquë niyontonatona panca sëtopi. Inaquë Cosi paꞌpin marëꞌ canchisë tahuëri sëtërinsoꞌ, naniantarin. (Corin-a-atatisoꞌ, trico toꞌnorapiquë) Ina noꞌpa quëransoꞌ, Cortaniiꞌ piꞌi yaꞌconinso parti acorin.

Génesis 50:4

Ina tahuëriꞌsa naꞌhuëhuachina, Cosisoꞌ huaraon catahuapisopita huaꞌanoꞌsaꞌ, nontërin: —Tëhuënchachin noya niꞌpatamaco, ca marëꞌ huaraon nontooncoꞌ. Naporin Cosi: “Coꞌhuara tata chiminyátëraponhuëꞌ, camairinco Yoscoarëꞌ taꞌto natëcaꞌhuasoꞌ: ‘Nipaꞌpitaꞌhuaiso marëꞌ taparahuëquë chachin, poꞌmoontaco. Inasoꞌ, Canaan parti yaꞌhuërin,’ itërinco. Quëtoco paato tatahuë paꞌpitontaꞌi, topirahuë. Nani paꞌpitontahuato, oꞌmantarahuë tënin,” itocoꞌ, itërin.

Números 20:29

“Aaron chiminin huachi,” taꞌtonaꞌ, israiroꞌsasoꞌ naꞌcon sëtopi. Cara shonca tahuëri ina marëꞌ naꞌnërápi.

Deuteronomio 34:8

Cara shonca tahuëri israiroꞌsaꞌ, Moisësë chimininso yonquiatonaꞌ, naꞌnërápi. Moapo inotëro parti napopi. Inachintopiso niꞌton, inanapo tahuëri naꞌnëtopi.