Génesis 50:25 - Chayahuita (Shahui)

²⁵ Ina quëran iinpita camairin: “Yoscoarëꞌ taꞌtomaꞌ, nohuantërahuëso nitoco,” itërin. Napotohuachina: “Yoscoarëꞌ nohuantëransoꞌ, nisarai,” itopi. Naporoꞌ Cosiri itapon: “Tëhuënchachin Yosë oꞌmararin catahuainquëmaso marëꞌ. Ina tahuëri nanihuachin, nansënëhuë isëquëran quëpanantamaso yaꞌhuërin,” itërin.

Génesis 50:25 ပူးပေါင်းရင်းမြစ်များ

Éxodo 13:18

Ichipëshonahuaton, conicaiso marëꞌ Quëhuaiꞌ marë parti quëparin. Inotëro parti ira paꞌninso paꞌtopi. Sontaroꞌsa pochin, israiroꞌsa Iquipito quëran pipipi.

Éxodo 13:19

Yapipipona pochin, Moisësëri aꞌnara camairin Cosi nansëquën quëpacaso marëꞌ. Inaso iráca coꞌhuara chimiyantëraponhuëꞌ, iinpita shaꞌhuitërin: “Tëhuënchachin aꞌna tahuëri catahuainpoaso marëꞌ Yosë oꞌmararin. Ina nanihuachin, nansënëhuëpita Canan parti quëpamaso yaꞌhuërin,” itërin. Iinpitari naporo aꞌpanipi niꞌton, shinpitari quëparapi huachi.

Hechos 7:16

Cacopo chiminpachina, nonën isëquë chachin quënantapi paꞌpitacaiso marëꞌ. Siquimoquë paꞌpitopi. Ina noꞌpa chachin iráca Apraani, amororoꞌsaꞌ paꞌantërin.

Hebreos 11:22

Cosintaꞌ chiminaquë huarëꞌ Yosë natërin. Yachiminpachina, quëmopinënpita shaꞌhuitërin: “Iquipito parti ipora yaꞌhuërëhuaꞌ. Aꞌna tahuëriso nipirinhuëꞌ Yosë nohuanton, yaꞌipi israiroꞌsaꞌ isëquëran pipiapi. Noꞌpaꞌ Yosë quëtërinpoaquë chachin quëpantarin yaꞌhuëcaiso marëꞌ. Naporoꞌ nansëhuëpita quëpaꞌinaꞌ paꞌpitinacoso marëꞌ,” itërin. “Yosë co nonpintarinpoahuëꞌ,” taꞌton, naporin.

Josué 24:32

Cosi nansëquën Iquipito quëran quëpisontaꞌ, Siquimo ninanoquë paꞌpitopi. Ina noꞌpasoꞌ, Cacopori iráca Siquimo paꞌpin Amoro itopisoꞌ huiꞌninpita paꞌantërin. Pasa coriqui marëꞌ paꞌantërin. Ina noꞌpasoꞌ Cosi shinpitanquën quëparitërin.

Rota naporinso' 1:6

Aꞌna tahuëri Noimisoꞌ, yacapatërinquë nanan natantërin: “Siniorori israiroꞌsa nosoroantarin. Ina nohuanton cosharo noyataantarin,” topi.