Génesis 50:1 - Chayahuita (Shahui)

¹ Paꞌpin chiminpachina Cosisoꞌ, ina nonën iporin quëran naꞌnërin, apinorin, napotërin.

Génesis 50:1 ပူးပေါင်းရင်းမြစ်များ

Génesis 23:2

Ina quëran Quiria-arpa ninanoquë chiminin. Ina ninanosoꞌ, Ipron itopi antaꞌ. Inaso Canaan parti yaꞌhuërin. Saꞌin chimininso marëꞌ Apraansoꞌ, sëtaton, naꞌnërárin, ayanárin, naporin.

Génesis 46:4

Canta quëmaroꞌco Iquipitoquë, paꞌmarahuë. Naporahuaton ca chachin, ina noꞌpa quëran shiparinpita ocoiarahuë. Inaquë chiminpatan, Cosi nocoarinquën, itërin.

Génesis 49:33

Cacoposoꞌ huiꞌninpita camairinso tonitohuachina, pëꞌsaranënquë quëhuëantarin. Quëhuënaso chachin, chiminin huachi.

Génesis 50:2

Ina quëran notoronënpita camairin paꞌpincoꞌ nonën tapacaisoꞌ. Camaihuachina, ama chanatacaso marëhuëꞌ taparapi. Paꞌpincosoꞌ, Cacopo itahuatonaꞌ, Israiro itopi antaꞌ.

2 Reyes 13:14

Naporo tahuëriꞌsa Irisiosoꞌ, chiminchináchin caniorin. Ina natanaton, Coasë copirnori paaparin. Quënanconahuaton iporin quëran naꞌnëtërin. Naꞌnëtapon pochin: —¡Quëmasoꞌ tatahuë pochin ninan! ¡Panca sontaroꞌsa huënton pochin nicaton yaꞌipi israiroꞌsacoi paꞌpoyarancoi! itërin.

Hechos 8:2

Nani Istipan tëpahuachinara, Yosë chinotopisopitari paꞌpitopi. Sëtatonaꞌ, naꞌnërápi.

Efesios 6:4

Canpitantaꞌ iyaroꞌsaꞌ, huiꞌnamaꞌ noya pënëncoꞌ. Ama apira apira noꞌhuicosohuëꞌ. Apira apira noꞌhuihuatamaꞌ, co natantochináchinhuëꞌ cancantaponaꞌ. Co noyahuëꞌ nipachinaꞌ, sanoanan quëran pënëncoꞌ noya nicacaiso marëꞌ. Yosë nanamën noya aꞌchintocoꞌ Quisocristo imainaꞌ.

1 Tesalonicenses 4:13

Chiminpisopita maꞌsona onpocaisoꞌ aꞌchinchinquëmaꞌ, nitotocoꞌ. Quisoso imarëhuasopita chiminpatëhuaꞌ, nanpiantarihuaꞌ. Co imapisopitasohuëꞌ nipirinhuëꞌ, quëmopinënpita chiminpachinara, sëtopi. “Co onporontaꞌ quënantarihuahuëꞌ,” taꞌtonaꞌ sëtápi. Ama inapita pochin sëtacaso marëhuëꞌ canpitasoꞌ aꞌchinchinquëmaꞌ.