Génesis 5:5 - Chayahuita (Shahui)

⁵ Yaꞌipiya quëran Atansoꞌ, iscon pasa cara shonca piꞌi icanin. Ina quëran chiminin huachi.

Génesis 5:5 ပူးပေါင်းရင်းမြစ်များ

Génesis 3:19

Paꞌpi chiníquën sacatahuarëꞌ coshataran. Napoin quëran chiminaran huachi. Noꞌpa quëran ninanquën niꞌton, noꞌpa chachin niantamaso yaꞌhuërin, itërin.

Génesis 5:11

Yaꞌipiya quëran Inosësoꞌ, iscon pasa aꞌnatërápo piꞌi icanin. Ina quëran chiminin huachi.

Génesis 5:4

Sito nasitërin piquëran Atansoꞌ, posa pasa piꞌi aquëtë yaꞌhuaantarin. Aꞌnapita huiꞌninpitanta quëmapiꞌsaꞌ, sanapiꞌsaꞌ, yaꞌhuëtërin.

Génesis 5:6

Sito pasa aꞌnatërápo piꞌipitasoꞌ, huiꞌnin nasitërin. Nasitohuachina, Inosë itopi.

Génesis 5:8

Yaꞌipiya quëran Sitosoꞌ, iscon pasa shonca cato piꞌi icanin. Ina quëran chiminin huachi.

Salmos 89:48

Co inso tëranta yaꞌhuëráponhuëꞌ. Co insonta chimirin quëran chaꞌësarinhuëꞌ.

Salmos 90:10

Canchisë shonca piꞌíchin nanpiraiso nanirin. Chiníquënoꞌsasoꞌ, posa shonca nanipi. Ina nápo piꞌipi nanpitona nipaꞌyatopi. Napopirinahuëꞌ, naꞌcon naꞌcon sacai nipi. Naporahuatonaꞌ, aꞌnapitarinta amipi. Naporápirinahuëꞌ, aꞌnaroáchin tahuëri naꞌhuëhuachina, chiminapi anta huachi.

Eclesiastés 12:5

Inapamiachin nanpëhuatan, huëhuëtaran. Iratohuataontaꞌ, aꞌnaroáchin maꞌsha onpoaran. Shinpira yancotërinso pochin motëonta huiritapon. Co huachi chiniatonhuëꞌ, sëquërë tëranta quëquëntaran. Arcapara nara itopiquë ninonënpiranhuë tërantaꞌ, co huachi natëarinhuëꞌ. Nani huachi yaꞌhuëmiatontaranquë yapaꞌsápaton napoaran. Naporaran quëran chiminpatan, naꞌnëroꞌsa noncaropiso natanapi huachi.

Eclesiastés 12:7

Amocan quëran Yosë nininquën niꞌton, chiminpatan nonënsoꞌ, noꞌpaꞌ niantapon. Ispiritonëntaꞌ, Yosëꞌpaꞌ paantapon. Ina quëtërinquën niꞌton, ina chachin mataantarinquën.

Eclesiastés 9:8

Huiritonáchin aꞌmoquëꞌ. Noya huaꞌsaiquë nipashimototáquëꞌ.

Ezequiel 18:4

Yaꞌipi piyapiroꞌsa cari huaꞌanëntërahuë. Mashoroꞌsanta huiꞌninarë chachin huaꞌanëntërahuë. Insosona co noyahuëꞌ nicaton oshahuanpachin, inasoꞌ chiminapon.

Deuteronomio 30:20

Sinioronënpoasoꞌ Yosë niꞌton, inasáchin cancantatoma nosorocoꞌ. Nosoroatoma noꞌtëquën natëcoꞌ. Inapohuatamaꞌ, huaꞌqui tahuëri noꞌpaꞌ quëtarinquëmaquë, yaꞌhuëaramaꞌ. Nani shimashonëmapita Apraan, Isaco, Cacopo, inapita: ‘Caso Yosëco niꞌto, shiparimapita iso noꞌpaꞌ quëtarahuë,’ itërin,” tënin Moisësë.

Hebreos 9:27

Yosë nohuanton, yaꞌipi piyapinpoaꞌ aꞌnaroíchin chiminëhuaꞌ. Ina quëran Yosë chachin coisë pochin nicaton, maꞌsona onpotiinpoasoꞌ noꞌtëquën shaꞌhuipon.