Génesis 5:24 - Chayahuita (Shahui)

²⁴ Inasoꞌ, Yosë nohuantërinsoráchin nininso marëꞌ aꞌnanaya ayarin. Yosëri inápaquë quëparin.

Génesis 5:24 ပူးပေါင်းရင်းမြစ်များ

Génesis 24:40

Napotohuatora, shaꞌhuitërinco: “Niꞌquëꞌ, caso Sinioro iranën noꞌtëquën paꞌtërahuë niꞌton, anquëninën aꞌpararin catahuainquënso marëꞌ. Ina nohuanton, noya paꞌsahuaton sanapi quënamaran. Tatahuëi quëran quëmopinëhuë huiꞌnin chachin, huiꞌnahuë marëꞌ matomaran.

Génesis 37:30

Ina quëran iinpitataquë huënantarahuaton, itiintarin: —¡Iyaꞌhua capa huachi! ¡Maꞌhuantacha caso nisarahuë paya! tënin.

Génesis 42:36

Naporoꞌ Cacopori itapon: —Canpitaso huiꞌnahuëpita tiquitaramaco. Cosi ayarin. Simionta capa. ¡Iporaso Mincanta yaquëpataantaramaco! ¡Yaꞌipi inapita casaꞌ, ahuantaꞌhuaso yaꞌhuërin! itërin

Génesis 5:22

Inocosoꞌ, nani tahuëri Yosë chinotaton, ina nohuantërinsoráchin ninin. Matosarino nasitërin piquëran Inocosoꞌ, cara pasa piꞌi aquëtë yaꞌhuaantarin. Aꞌnapita huiꞌninpitanta quëmapiꞌsaꞌ, sanapiꞌsaꞌ, yaꞌhuëtërin.

Génesis 5:23

Yaꞌipiya quëran Inocosoꞌ, cara pasa saota shonca aꞌnatërápo piꞌipi yaꞌhuëtërin.

Génesis 5:25

Matosarino pasa posa shonca canchisë piꞌipitasoꞌ, huiꞌnin nasitërin. Nasitohuachina, Namico itopi.

Génesis 6:9

Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

2 Reyes 2:1

Panca ihuanquë Siniorori Iniasë quëpacasoꞌ yonquirin. Yaquëpahuachina, Iniasëso Irisiorë chachin Quiricaro quëran pipirapi.

2 Reyes 2:10

—Sacai nininsochi natananco paya. Patasënquën chachin quënanpatanco, natanancoso chachin yaꞌhuëtarinquën. Coꞌsoꞌ napohuatanhuëꞌ, co ina pochin nitarinquënhuëꞌ, itërin Iniasëri.

2 Reyes 2:11

Ninapotatona cato chachin paꞌsapi. Papona pochin ninontërapi. Naporoꞌ aꞌnanaya pën pochin toronan yaꞌnorin. Cahuarionënpitantaꞌ, inapochachin yaꞌnorin. Inari yaꞌcon yaꞌcontahuaton Iniasë chiꞌhuincarin. Inapoaton, inaso panca ihuanquë inápaquë quëpantarin.

2 Reyes 2:12

Ina nicaton Irisiosoꞌ, chiníquën nonin: “¡Maistro, maistro! ¡Quëmasoꞌ panca sontaroꞌsa huënton pochin nicaton, yaꞌipi israiroꞌsacoi paꞌpoyarancoi!” tënin. Ina piquëransoꞌ, co huachi maistronën quënaninhuëꞌ. Ina tosahuaton sëtonënquë aꞌmorinso osharin. Catotë huarëꞌ acorin.

Salmos 73:24

Noya nicaꞌhuaso marëꞌ nani tahuëri ayonquiranco. Aꞌna tahuërintaꞌ, inápaquë quëpantaranco huachi.

Jeremías 31:15

Naquëranchin Sinioro taantarin: “Namaquë chiníquën naꞌnërarin natanahuë. Co napion ancantaton naporin. Naquira huaꞌhuinpita marëꞌ naꞌnërárin. ‘Ama sëtëquësohuëꞌ,’ itopirinahuëꞌ, huaꞌhuinpita chiminpi niꞌton, co natëtërinhuëꞌ.

Lucas 23:43

—Tëhuënchachin iyasha ipora tahuëri chachin carëꞌquën Yosëꞌpaꞌ yaꞌhuëcontaran, itërin.

1 Juan 1:7

Yosësoꞌ noyasáchin ninin. Tahuëri pochin cancantërin. Canpoantaꞌ tahuëri pochin yonquihuatëhuaꞌ, Yosë nohuitarihuaꞌ. Naporahuaton, noya niniꞌtëhuaꞌ yaꞌhuarihuaꞌ. Huiꞌnin chachin chiminin niꞌton, yaꞌipi oshanënpoaꞌ inquitarinpoaꞌ. Huënainën quëran anoyacancantarinpoaꞌ.

Judas 1:14

Iráca Inocori chachin inapita ninorin. Atan shiin inasoꞌ. Atan quëran saota shinpita yaꞌhuërin piquëran Inoco yaꞌhuërin. Ninoton, naporin: “Sinioro chachin oꞌmararin huachi. Huaꞌhuayatërahuëꞌ anquëniroꞌsarë chachin oꞌmararin.