Génesis 49:4 - Chayahuita (Shahui)

⁴ Inapocamaso nipiranhuëꞌ, co huachi inapoaranhuëꞌ. Iꞌ paꞌpi chiniiꞌ nipachina, co onpo asanoirëhuëꞌ. Ina pochachin nicaton cosonanëhuë monshitëran,’ itërin.

Génesis 49:4 ပူးပေါင်းရင်းမြစ်များ

Génesis 35:22

Inaquë huaꞌquimiachin yaꞌhuëpi. Inaquë chachin Nopinosoꞌ, paꞌpin cosonanën Pira itopiso monshitaton, ichihuëꞌërin. Ina natantahuaton, Israiroso paꞌpi noꞌhuitërin. Cacoposoꞌ shonca cato huiꞌninpita quëmapiꞌsa yaꞌhuëtërin.

Génesis 46:8

Isopita, Cacopo quëran pipipisopita Iquipitoquë paꞌmapi. Inapita chachin israiroꞌsa itopi antaꞌ: Paninantërinsoꞌ, Nopino.

1 Corintios 5:1

Aꞌnaquënsoꞌ co noyahuëꞌ nicaton, monshihuanin, topi natantërahuë. Inasoꞌ paꞌpin saꞌin monshitërin. Inapoaton, paꞌpi co noyahuëꞌ ninin. Co imapisopitahuë tërantaꞌ co onporontaꞌ ina pochin nipihuëꞌ.

Deuteronomio 33:6

Nopino huënton israiroꞌsa yonquiaton, Moisësë tapon: “¡Nopino huënton israiroꞌsasoꞌ, ama taꞌhuantatonaraihuëꞌ yaꞌhuëꞌinaꞌ! ¡Ama napoaponahuë naꞌamiachinasohuëꞌ. Chini chiníquën nanantohuachinaꞌ!” tënin.

2 Pedro 2:14

Sanapi quënanpachinara, monshitacaisoráchin yonquipi. Co nanitopihuëꞌ naniantacaisoꞌ. Co chiníquën cancantopisopitahuëꞌ nonpintatonaꞌ, anishacancantapi. Huënsonquë maꞌsha manëso pochin nonpintapi. Maꞌsharáchin yonquiatonaꞌ, noyapatopi. Napoaton Yosëri anaꞌintarin.

2 Pedro 3:16

Naꞌa quirica ninshitaton, nisha nisha ninanoquë yaꞌhuëpisopita aꞌpatërin. Noya pënënpirinpoahuëꞌ, piꞌpian sacaiꞌ yonquicasoꞌ. Aꞌnaquën piyapi co Yosë nanamën nitotatonahuëꞌ, nisha nisha yonquipi. Paono ninshitërinsoꞌ nontopirinahuëꞌ, co noya yonquiatonaraihuëꞌ, maꞌsona tapon naporinsoꞌ anishatopi. Yosë quiricanën iráca ninshitopisontaꞌ anishatopi. Ina marëꞌ Yosëri chiníquën anaꞌintarin huachi.