Génesis 49:33 - Chayahuita (Shahui)

³³ Cacoposoꞌ huiꞌninpita camairinso tonitohuachina, pëꞌsaranënquë quëhuëantarin. Quëhuënaso chachin, chiminin huachi.

Génesis 49:33 ပူးပေါင်းရင်းမြစ်များ

Génesis 15:5

Itahuaton, nëꞌmëtë pëinën quëran ocoirin. Ocoirahuaton, shaꞌhuitërin: —Piꞌiroꞌtë nëꞌpërahuaton, tayoraroꞌsa pichiquëꞌ. Nanitohuatan pichiquëꞌ. Ina nápo shiparinpita yaꞌhuëtarinquën, itërin.

Génesis 25:17

Ismairo pasa cara shonca canchisë piꞌipitasoꞌ chiminin. Chiminpachina, paꞌpitopi huachi.

Génesis 25:8

Nani noyá mashoya nipachina, mashori quëparin. Chiminpachina, shimashonënpita, quënancontarin huachi.

Génesis 35:29

Noyá mashoya nicaquë huarëꞌ chiminin. Chiminpachina, huiꞌninpita Isao, Cacopo, inapitari nipaꞌpichantopisoꞌ naninquë poꞌmopi.

Génesis 49:1

Nani shinpita noya yaꞌhuëcaiso marëꞌ shaꞌhuitohuachina, Cacoposoꞌ yaꞌipi huiꞌninpita amatërin. Huëꞌpachinara itapon: “Amasha yaꞌcarico conparoꞌsaꞌ. Maꞌsona aꞌna tahuëri onpocamasoꞌ, carinquëma shaꞌhuichinquëma natancoꞌ.

Génesis 49:29

Aꞌna tahuëri Cacoposoꞌ, huiꞌnipita camairin: “Co huaꞌquiya quëranhuëꞌ chiminarahuë huachi. Chiminpato, shimashonëhuëpita paꞌpitopiso pirayan poꞌmoontaco. Iti huënton piyapi, Ipron itopisori, ina noꞌpasoꞌ huaꞌanëntopirinhuëꞌ.

Génesis 49:32

Ina noꞌpasoꞌ naninë chachin, Iti huënton piyapiꞌsa paꞌantopi,” itërin.

Génesis 50:1

Paꞌpin chiminpachina Cosisoꞌ, ina nonën iporin quëran naꞌnërin, apinorin, napotërin.

2 Reyes 13:14

Naporo tahuëriꞌsa Irisiosoꞌ, chiminchináchin caniorin. Ina natanaton, Coasë copirnori paaparin. Quënanconahuaton iporin quëran naꞌnëtërin. Naꞌnëtapon pochin: —¡Quëmasoꞌ tatahuë pochin ninan! ¡Panca sontaroꞌsa huënton pochin nicaton yaꞌipi israiroꞌsacoi paꞌpoyarancoi! itërin.

2 Reyes 13:20

Ina quëran Irisioso chiminin. Chiminpachina, quëmopinënpitari paꞌpitopi. Ina piquëransoꞌ Moapo ihuatë huëntonoꞌsari israiroꞌsa ihuacaiso marëꞌ yáhuëcapaipi. Nani piꞌipiquë napopi.

Copo naporinso' 14:10

Piyapiso napoaponahuëꞌ chiminpachina, co aso inapoyátërarinhuëꞌ. ¡Inapohuachina copi tochaanin!

Copo naporinso' 5:26

Sharoꞌsa cayahuachina, manëꞌ. Inapochachin quëmantaꞌ, máshoya nipiranhuëꞌ, chinirápon.

Eclesiastés 12:7

Amocan quëran Yosë nininquën niꞌton, chiminpatan nonënsoꞌ, noꞌpaꞌ niantapon. Ispiritonëntaꞌ, Yosëꞌpaꞌ paantapon. Ina quëtërinquën niꞌton, ina chachin mataantarinquën.

Lucas 2:29

“¡Ma noyanquëncha quëmasoꞌ, Sinioro, niꞌton, aꞌpaimaransoꞌ nani anohuitëranco paya! Napoaton noya ipora casoꞌ chimiin, tënahuë. Shaꞌhuitërancoso chachin nanirin huachi.

Hechos 7:15

“Huëquëꞌ, tata, isëquë yaꞌhuëaꞌahuaꞌ,” itohuachina, Cacopontaꞌ Iquipitoꞌpaꞌ paꞌmarin. Yaꞌipiya paꞌmapi. Inatohuaꞌ Cacopo chiminin. Yaꞌipi shimashonënpoantaꞌ inaquë yaꞌhuërapi quëran chiminpi.

Hebreos 11:22

Cosintaꞌ chiminaquë huarëꞌ Yosë natërin. Yachiminpachina, quëmopinënpita shaꞌhuitërin: “Iquipito parti ipora yaꞌhuërëhuaꞌ. Aꞌna tahuëriso nipirinhuëꞌ Yosë nohuanton, yaꞌipi israiroꞌsaꞌ isëquëran pipiapi. Noꞌpaꞌ Yosë quëtërinpoaquë chachin quëpantarin yaꞌhuëcaiso marëꞌ. Naporoꞌ nansëhuëpita quëpaꞌinaꞌ paꞌpitinacoso marëꞌ,” itërin. “Yosë co nonpintarinpoahuëꞌ,” taꞌton, naporin.

Hebreos 12:23

Huëntonënquë chachin Yosë nani ayaꞌconinpoaꞌ. Inápaquë nininënpoaꞌ nani ninshitërinpoaꞌ huiꞌninpita pochin nicainpoaso marëꞌ. Inatohuaꞌ niyontonarihuaꞌ. Yosë chachin imarëhuaꞌ. Inasoꞌ yaꞌipiya huaꞌanëntaton, co imapisopitahuëꞌ noꞌtëquën anaꞌintarin. Aꞌnaquën imapisopita nani chiminpachinara, huaꞌyanënasoꞌ Yosëꞌpaꞌ yaꞌhuapi huachi. Yosë pochachin cancantopi. Inapitarëꞌquënpoa chachin niyontonarihuaꞌ