Génesis 49:30 - Chayahuita (Shahui)

³⁰ Maquipiraquë nanin yaꞌhuërinso yonquiato napotarahuë. Inasoꞌ, Canaan parti yaꞌhuërin. Mamiri notënanquë yaꞌhuërin. Ina noꞌpaꞌ mini iráca tata mashoco Apraan nipaꞌpitacaiso marëꞌ paꞌanin. Ina pirayan noꞌpaꞌ yaꞌhuërinsorë chachin naporo Ipron paꞌantërin.

Génesis 49:30 ပူးပေါင်းရင်းမြစ်များ

Génesis 23:20

Ina pochin Apraan, noꞌpaꞌ, nanin, inapita paꞌanaton, huaꞌanëntërin. Itiroꞌsari, paꞌantërin nipaꞌpitacaiso marëꞌ.

Génesis 23:3

Ina quëran, saꞌincoꞌ nonën patahuaton, yaꞌhuëhuanoꞌsa nontapon paꞌnin. Yaꞌhuëhuanoꞌsasoꞌ, itiroꞌsa itopi. Huaꞌanoꞌsa nipisopita niyontoyantopiquë, quënanconin. Inaquë nontahuaton itapon:

Génesis 23:4

—Caso co yaꞌhuëhuancohuëꞌ niporahuëꞌ, yacaparanquëmaꞌ. Saꞌahuë chiminin niꞌton, chiminpatamara nipoꞌmoramasoꞌ noꞌpaꞌ paꞌantoco canta topirahuë, itërin.

Génesis 25:9

Huiꞌninpita: Isaco, Ismairo, inapitari, paꞌpitopi. Maquipira naninquë poꞌmopi. Maquipirasoꞌ, shaꞌhuirahuëso chachin, insina nararo Mamiriri huaꞌanëntërin quëran, piꞌi pipirinso parti quëparitërin. Soaro huiꞌnin Ipron itopisoari, ina noꞌpasoꞌ huaꞌanëntopirinhuëꞌ. (Inapitasoꞌ itiroꞌsaꞌ.)