Génesis 49:27 - Chayahuita (Shahui)

²⁷ ‘Quëmasoꞌ Mincamin, paꞌpi mapinton tanan niꞌnira pochin nicapon. Tashiramiachin inaso mapintahuaton, caꞌmiatërin. Naporoꞌ iꞌhuanahuanquë chachin pëꞌsotërinsontaꞌ, aꞌnapitari caꞌpapi. Inapochachin quëmantaꞌ, yaataꞌhuantëransopita nitaran. Inapotahuaton maꞌshanënantaꞌ, nipatomatapomaꞌ,’ ” itërin.

Génesis 49:27 ပူးပေါင်းရင်းမြစ်များ

Génesis 35:18

Napotopirinhuëꞌ, Naquirasoꞌ yachiminin huachi. Nani yachiminahuasoꞌ, huaꞌhuin nininën acotërin: Pin-oni itërin. Itopirinhuëꞌ, Cacoporisoꞌ, Mincamin itërin.

Génesis 46:21

Mincamin huiꞌninpitantaꞌ, Pira, Piquiri, Asipiri, Quëra, Namano, Iqui, Nosi, Mopimo, Opimo, Arato, inapita.

Génesis 49:26

Tata mashocoroꞌsa iráca, noya yaꞌhuëcaꞌhuaso marëꞌ shaꞌhuitërinaco. Carinquënsoꞌ, ipora noya noya shaꞌhuitaranquën. Motopiroꞌsa yaꞌhuërárinso taꞌhuantaquë huarëꞌ, Yosë catahuaráponquën. Aꞌnapita iyanpita quëran, noya noya nicatënquën huayonanquën. Napoaton sëꞌhuamotorahuatënquën quëma marëꞌ Yosë nontërahuë,’ itërin.

Génesis 49:28

Ina pochin Cacopo shonca cato huiꞌninpita noya yaꞌhuëcaiso marëꞌ shaꞌhuitërin. Inapita quëran shonca cato Israiro huëntonoꞌsa pipipi.

Números 23:24

Yosë piyapinënpita nani huanipi huachi. Paꞌpiniꞌ yamapintërinso pochin inahuaso niponaꞌ. Mapintaquë huarëꞌ paꞌpiniꞌ chinotërin. Ina pochin inahuasoꞌ nisapi. Mapinën huënaiꞌ oꞌóta huarëꞌ sanorinso pochin nisapi,” tënin Paramo.

Mateo 10:16

Ina quëran itaantarin: “Niꞌcoꞌ iyaroꞌsaꞌ. Ohuicaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin huëntonën niꞌniroꞌsari mapi. Aꞌchintohuatamaꞌ, aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiarinënquëmaꞌ. Napoaton noya yonquicoꞌ. Noꞌhuipirinënquëmaontaꞌ, ama noꞌhuicosohuëꞌ. Noya cancantatomaꞌ, sanoanan quëran nontocoꞌ.

Mateo 7:15

Ina quëran itaantarin: “Niꞌcona iyaroꞌsaꞌ nonpin nanan pënëntonaꞌpiroꞌsaꞌ nonpintochinënquëmaꞌ. ‘Quiyantaꞌ imarai,’ itopirinënquëmahuëꞌ, co cancanëna quëran imapihuëꞌ. Tanan niꞌniꞌ yamapintërinso pochin cancantatonaꞌ, yatapicancaninquëmaꞌ. Co noꞌtëquën aꞌchinpihuëꞌ.

Hechos 20:29

Nani paꞌpato, co noyahuëꞌ quëmapiꞌsaꞌ huëꞌsapi. Canoniri maꞌsha maninso pochachin yaocoiarinënquëmaꞌ. Paꞌsápatonaꞌ, anishacancantapi. Co nosoroarinënquëmahuëꞌ. Ina nani nitotërahuë.

Hechos 8:3

Saonoso nipirinhuëꞌ Quisoso imapisopita aparisitaton, pëinënaquë huarëꞌ yaꞌconaꞌpiarin. Quëmapiꞌsaꞌ masahuaton, ohuararahuaton, tashinan pëiquë poꞌmorin. Sanapiꞌsantaꞌ inaquë poꞌmorin.

Hechos 9:1

Saonoso nipirinhuëꞌ noꞌhuitárin. Quisoso imapisopita noꞌhuiton, yatëparin. Napoaton corto huaꞌan chini chiníquën nanantërinsoꞌ nontonin.

Deuteronomio 33:12

Mincamin huënton israiroꞌsanta yonquiaton, tapon: “Mincamin huënton israiroꞌsasoꞌ, Siniorori nosororin. Napoaton inahuasoꞌ, sano yaꞌhuaponaꞌ. Chini chiníquën nanantërinsoari paꞌpoyarápon. Motopiaꞌhuanënpitaquë yaꞌhuëaton, paꞌpoyarápon,” tënin.

Filipenses 3:5

Casoꞌ Israiro piyapico. Mincamin huënton quëmapico. Posa tahuëritahuasoꞌ, marca acotërinaco. Tatahuë, mamahuë Israiro piyapiráchin. Co nishahuëꞌ. Israiro huaꞌan yaꞌconahuë, parisioroꞌsaꞌ itopisoꞌ. Yaꞌconato, yaꞌipi Moisësë pënëntërinsoꞌ imarahuë.