Génesis 49:24 - Chayahuita (Shahui)

²⁴ Quëmaso nipirinhuëꞌ, chini chiníquën tanpatëran. Pëꞌchinanënquë inimicoroꞌsa tëꞌyanantohuatan, co pacoitaranhuëꞌ. Yosë imarahuësoꞌ, chini chiníquën nanantërin. ¡Ina catahuarinquën inimicoroꞌsa minsëaran! Siniorosoꞌ ohuica huaꞌanën pochin niꞌton, aꞌpairinco. ¡Ina chachin quëmanta aꞌpaiatënquën catahuarinquën!

Génesis 49:24 ပူးပေါင်းရင်းမြစ်များ

Génesis 45:11

Naroꞌpa huachi carima cosharo quëtáponquëmaꞌ. Yaꞌipi huëꞌnamaso nápo chachin co manta ichipahuantaranquëmahuëꞌ. Aꞌnatërápo piꞌipi pahuanarin tanaro tahuëriꞌsa naꞌhuëcaso niꞌton, napotápënquëmaꞌ,’ itocoꞌ.

Génesis 45:5

Napotëramacoso marëꞌ ama canpitaora ninoꞌhuicosohuëꞌ. Co canpitaso yonquipiramahuëꞌ, Yosë chachin aquëchitiirinco. Notohuaroꞌ piyapiꞌsa ananpicaso marëꞌ aquëchitërinco.

Génesis 45:7

Napotëranquëmaso chachin nisarin. Yosëso nipirinhuëꞌ, aquëchitiirinco. Canpitanta shiparima yaꞌhuëtiinquëmaso marëꞌ naporin. Canpita chachintaꞌ, huëhuëpiro ninin quëran nichaꞌëinquëmaso marëꞌ aquëchitiirinco.

Génesis 47:12

Naporahuaton Cosisoꞌ, yaꞌipi quëmopinënpita cosharo quëtárin. Panca huënton nininsoꞌ naꞌcon naꞌcon, quëtërin. Caraya nininsoꞌ, piꞌpiyan quëtërin. Inapotërin.

Génesis 48:15

Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

Génesis 49:23

Pëꞌchinan camayoroꞌsaꞌ, noꞌhuirinquën. Noꞌhuitënën pëꞌchinan shinërëquë yaohuaninën. Napotatënën, co noya quëran yaꞌhuëchináchinhuë nitarinën.

Génesis 50:21

Napoaton ama paꞌyancosohuëꞌ. Carinquëma cosharo quëtáponquëmaꞌ. Huiꞌnamapitanta quëtapo. Naponontaton, Cosiso iinpita asanocancanin. Noyasha nontërin.

2 Samuel 5:2

Saonoꞌton copirnonënpoa yaꞌconin. Napoaponahuëꞌ, naporo quëran huarëꞌ quëmari Israiro sontaroꞌsa camairan. Ahuëtacaiso marëꞌ quëpahuatana, quëmari chachin quëantaran. Naporahuaton Sinioro chachintaꞌ, nani shaꞌhuitërinquën copirnonëhuëi nicamaso marëꞌ. Ohuicaroꞌsa huaꞌanëni aꞌpairinso pochin nitancoiso marëꞌ nani acorinquën,” itopi.

2 Reyes 13:16

Naporoꞌ Irisiori itaantapon: —Pëꞌchinanquë shinërë acorahuaton aꞌpacaso marëꞌ ótoroquëꞌ, itërin. Coasëri inapotasoꞌ, piquëimirarin. Inapotapon pochin: —Piꞌi pipirinso parti quëran huintana yaꞌhuërinsoꞌ, iꞌsoatëquëꞌ, itërin. Napotohuachina iꞌsoatërin. Naporoꞌ camaiantarin: —Iporasoꞌ: ¡Aꞌpaquë huachi! itërin. Ina natanaton, Coasëso aꞌparin. Shinërë paasoꞌ, Irisioso tapon: “¡Sinioro pëchinanën quëran chachin nichaꞌësarinquëmaꞌ! ¡Siriaroꞌsa minsërahuaton nichaꞌësarinquëmaꞌ! Ina nohuanton quëmari Siria sontaroꞌsa Ahuico ninanoquë minsëaran. ¡Tiquiaquë huarëꞌ nitaran!” itërin.

Salmos 118:22

Pëinaꞌpiroꞌsa naꞌpi nocanatona tëꞌyatopi. Tëꞌyatopirinahuëꞌ, huaꞌanëni maantarahuaton, noya noya naꞌpi pochin acoantarin.

Salmos 23:1

Quëmasoꞌ Sinioro nóya aꞌpairanco. Ohuicaroꞌsa huaꞌanëni aꞌpairinso pochin nitëranco. Co manta pahuantërincohuëꞌ.

Salmos 27:14

Napoaton chiníquën cancantato: “¡Siniorosoꞌ onpopionta catahuararinco! Chiníquën cancantato inasáchin ninarahuë. ¡Tëhuënchachin Sinioro catahuarinco!” tënahuë.

Salmos 73:23

Napoaporahuëꞌ, co aꞌporancohuëꞌ. Nosoroatonco inchinan imira quëran sëꞌquërëso pochin quëparanco.

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Salmos 89:1

Sinioro quëmasoꞌ nosoromiatëranco. Ina yonquiato cantanën cantarápo. Co nisha nisha cancantëransohuëꞌ, shaꞌhuirápo.

Éxodo 3:6

Ina quëran itaantarin: —Caso Yosëco. Shimashonënpita: Apraan, Isaco, Cacopo, inapita chinotërinaco, itërin. Ina natanahuaton, Moisësë paꞌyanin. Nipaꞌcopirayatahuaton, co huachi Yosë niꞌcaso nohuantërinhuëꞌ.

Isaías 1:24

Napoaton ca Sinioroco yaꞌipi nanitapato naporahuë: ‘Caso yaꞌipi nanitaparahuë. Co insonta Israiro nacionquë ca pochin yaꞌhuërinhuëꞌ. ¡Copi toco huachi! Inimicotërinacosopitasoꞌ, noꞌtëquën anaꞌintarahuë. ¡Iꞌhuërëtaꞌhuaso yaꞌhuërin!

Isaías 28:16

Napoaton Sinioro naporin: “Niꞌquëꞌ. Sionquë aꞌnara naꞌpi acoarahuë. Noyá huayonpinan nisahuaton, paꞌpi paꞌton. Inari pëi achiniarin. Ina, pëi simintonën pochin nisarin. Insosona natëhuachinco, co tëꞌhuarëꞌna yaꞌhuëaponhuëꞌ.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 49:26

Aparisitërinëmasopita, cari camaiarahuë inahuara noshinëna capatë pochin inahuara capini nitëpacaisoꞌ. Huënainënantaꞌ, huino oꞌotona noꞌpipiso pochin noꞌhuitonënaquë co nitënorocaisohuëꞌ camaiarahuë. Inapotohuato, yaꞌipi piyapiroꞌsa nichaꞌëranquëmasoꞌ nitotaponaꞌ: ‘Sinioro niꞌton, Cacopo quëran pipipisopita nichaꞌërin. Chiníquën nanantaton naporin,’ tosapi,” tënin.

Isaías 60:16

Noya noya cosharonënaꞌ, nacionoꞌsa quëshiponëmaꞌ. Copirnonënantaꞌ, paꞌton nininsopita maꞌshanëna quëshiponëmaꞌ. Ca Sinioroco niꞌton, nichaꞌëranquëmasoꞌ nitotaponaꞌ. Chiníquën nanantërahuëso marëꞌ iráca Cacopontaꞌ, chinotërinco. Inapochinco niꞌton, nichaꞌëranquëmasoꞌ nitotapi.

Mateo 21:42

—Iráca Yosë quiricanënquë ninshitërinsoꞌ ¿co nontëramahuëꞌ ti? Ninshitaton, naporin: “Naꞌpi quëran yapëihuachina, aꞌna naꞌpi quënanpirinahuëꞌ, pëinaꞌpiroꞌsaꞌ co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ. Huaꞌanëni maantarahuaton, ‘Iso naꞌpi naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin. Yosëri chachin inapotërin. Napoaton ‘ma noya’ tënëhuaꞌ,” tënin quiricanënquë.

Marcos 12:10

Iráca Yosë nohuanton, ninorin. Quiricanënquë ninshitërinsoꞌ ¿co nontëramahuëꞌ ti? Ninshitaton, naporin: ‘Naꞌpi quëran yapëihuachina, aꞌna naꞌpi yaꞌhuëpirinhuëꞌ, sacatoroꞌsari co nohuantopihuëꞌ. “Napoonin,” taꞌtonaꞌ, tëꞌyatopirinahuëꞌ. Huaꞌanëni maantarahuaton: Iso naꞌpi mini naꞌcon naꞌcon nohuantërahuë pëicaꞌhuaso marëꞌ, taꞌton, noya acoantarin.

Lucas 20:17

Napohuachinara, nirayarahuaton, itantarin: —Napopiramahuëꞌ, ¿maꞌtaꞌ tapon nipachin pënëntonaꞌpi iráca ninorinsoꞌ? Ninshitaton, tapon: “Naꞌpi quëran yapëihuachina, aꞌna naꞌpi yaꞌhuëpirinhuëꞌ, pëinaꞌpiroꞌsaꞌ co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ, huaꞌanëni maantarahuaton, ‘Iso naꞌpi mini naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin.

Hechos 4:11

Niꞌcochi. Yosë quiricanënquë naporin: “Pëiꞌ ninaꞌpiroꞌsaꞌ pëihuachinaꞌ, aꞌna naꞌpiraꞌ quënanpirinahuëꞌ, co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ. Huaꞌanëni maantarahuaton, ‘Iso naꞌpi naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin,” tënin. Quisocristosoꞌ ina naꞌpi pochin. Canpita co nohuantopiramahuëꞌ, Yosëri noya noya niꞌnin.

Romanos 14:4

Co aꞌnapita piyapinën nocanacaso yaꞌhuërinhuëꞌ. Piyapinën noya nipachina, co noyahuëꞌ nipachinantaꞌ huaꞌanëni nitotarinsoꞌ. Yosëíchin yaꞌipinpoaꞌ huaꞌanëntërinpoaꞌ niꞌton, noꞌtëquën shaꞌhuitarinpoaꞌ. Inasáchin nanitërin achinicancainpoasoꞌ. Co canpoa capinisoꞌ ninocanacasoꞌ yaꞌhuërinhuëꞌ.

Efesios 2:20

Yaꞌipi imarëhuasopita ina naponpoa chachin aꞌna pëi pochin ninëhuaꞌ, naꞌpi quëran nipisoꞌ. Naꞌpi quëran yapëihuatëra, acopoꞌ ihuatahuatëꞌ, simintoꞌton acorëꞌ. Inapochachin canpoantaꞌ Yosë pëinën pochin ninëhuaꞌ. Siminto acopiso pochin, caꞌtanoꞌsaꞌton nanamën aꞌchintërinënpoaꞌ. Ina quëran pënëntonaꞌpiroꞌsantaꞌ noꞌtëquën aꞌchinaꞌpiapi. Naꞌpi quëran yapëihuatëra, pëiꞌ taconorinquë naꞌpi noya noya nininsoꞌ acorëꞌ tantiacaso marëꞌ. Ina acohuatëra, aꞌnapita naꞌpiroꞌsaꞌ noꞌtëquën apanshinëꞌ. Naꞌpi noya noya nininso pochachin Quisocristosoꞌ achinirinpoaꞌ.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

Deuteronomio 33:27

Yaꞌhuëmiatërinso Yosë chachin paꞌpoyarinpoaꞌ. Chini chiníquën nanantaton catahuarinpoaꞌ. Co onporonta sanpataponhuëꞌ. Ina catahuarinpoa niꞌton, inimicoroꞌsa nicatonpoa taꞌananpirinënpoaꞌ. Nani inapita ataꞌhuantacaso marëꞌ nanan quëtërinpoaꞌ.

Deuteronomio 34:9

Moisësë coꞌhuara chiminyátëraponhuëꞌ, Cosoi marëꞌ Yosë nontërin. Sëꞌhuamotorahuaton huaꞌan acocaso marëꞌ, nontërin. Napoaton Siniorori catahuarin noya yonquiaton, israiroꞌsa camaicasoꞌ. Camaitohuachina, yaꞌipi israiroꞌsari natëpi. Siniorori Moisësë shaꞌhuitërinso chachin nipi.

Colosenses 1:11

Quëmasoꞌ, Sinioro, chini chiníquën nanantëran niꞌton, catahuaquëꞌ chiníquën cancanchinaꞌ. Maꞌsha onpohuachinaꞌ, catahuaquëꞌ noya cancantatonaꞌ, ahuanchinaꞌ. Aꞌnapitari aparisitohuachinaꞌ, catahuaquëꞌ ama noꞌhuiinasohuëꞌ,” itërai, Yosë nontatoi.

2 Timoteo 4:17

Taꞌananpipirinacohuëꞌ, Quisocristo catahuarinco. Co patërincohuëꞌ. Achinicancaninco niꞌton, inaquëntaꞌ yaꞌipi Yosë nanamën shaꞌhuirahuë. Nisha nisha piyapiꞌsaꞌ nani natanpi. Paꞌpiniꞌ yamaninposo pochin yatëpapirinacohuëꞌ, Yosë catahuarinco, chaꞌërahuë.