Génesis 49:23 - Chayahuita (Shahui)

²³ Pëꞌchinan camayoroꞌsaꞌ, noꞌhuirinquën. Noꞌhuitënën pëꞌchinan shinërëquë yaohuaninën. Napotatënën, co noya quëran yaꞌhuëchináchinhuë nitarinën.

Génesis 49:23 ပူးပေါင်းရင်းမြစ်များ

Génesis 37:18

Inapitarintaꞌ, áquë quëran Cosi quënanpi. Quënanahuatonaꞌ, coꞌhuara yaꞌcarichátërasohuëꞌ, tëpacaiso marëꞌ aꞌnaroáchin yonquipi.

Génesis 37:24

Matahuatona yaninantë posoquë, tëꞌyatopi.

Génesis 37:28

Nicatonoꞌsa inataquëchin naꞌhuërahuachinara, iinpitari Cosi ocoipi. Yaninantë poso quëran ocoirahuatonaꞌ, nicatonoꞌsa paꞌantopi. Cato shoncatë coriqui pahuërëtohuachinara, Iquipitoquë quëpapi huachi.

Génesis 37:4

Iinpitariso nipirinhuëꞌ, paꞌpini ina naꞌcon naꞌcon nosororinsoꞌ nicatonaꞌ, co quëꞌyapihuëꞌ. Co quëꞌyatonaraihuëꞌ, co nanitopihuëꞌ noya nontacaisoꞌ.

Génesis 42:21

Napoaponahuëꞌ, inahua capini ninontopi: —Tëhuënchachin canpoasoꞌ iráca paꞌpi co noyahuëꞌ ninëhuaꞌ. Iyaꞌhua maꞌsha onpotohuatëhuara, nosorochináchin nontopirinpoahuëꞌ, co nosororëhuahuëꞌ. Co napion ancantërinso nicarihuarahuëꞌ, co tahuërëtërëhuahuëꞌ. Napoaton iporasoꞌ canpoantaꞌ, poꞌsarëhua huachi, nitopi.

Génesis 49:22

‘Quëmaso Cosi, iꞌsha yonsanquë huayo huanirinso pochin ninan. Inasoꞌ huayo paꞌpi notohuaroꞌ nitërin. Sëꞌpaquënpitantaꞌ, paira paꞌtërin.

Génesis 49:24

Quëmaso nipirinhuëꞌ, chini chiníquën tanpatëran. Pëꞌchinanënquë inimicoroꞌsa tëꞌyanantohuatan, co pacoitaranhuëꞌ. Yosë imarahuësoꞌ, chini chiníquën nanantërin. ¡Ina catahuarinquën inimicoroꞌsa minsëaran! Siniorosoꞌ ohuica huaꞌanën pochin niꞌton, aꞌpairinco. ¡Ina chachin quëmanta aꞌpaiatënquën catahuarinquën!

Salmos 118:13

Atatinacoso marëꞌ chiníquën pitarëso pochin nitërinaco. Napotopirinacohuëꞌ, Sinioro oꞌmarahuaton catahuarinco.

Juan 16:33

Nani naꞌcon shaꞌhuitëranquëmaꞌ sano cancantacamaso marëꞌ. Casáchin yonquihuatamaco, sano cancantaramaꞌ. Co paꞌyanaramahuëꞌ. Piyapiꞌsaꞌ aparisitopirinënquëmahuëꞌ, catahuaranquëmaꞌ niꞌton, chiníquën cancantocoꞌ. Yaꞌipi isoroꞌpaquë co noyahuëꞌ nipisopita nani minsëarahuë, itërincoi Quisoso.

Hechos 14:22

Cara ninanoquë chachin Quisoso imapisopita pënënaꞌpiapi. “Ama iyaroꞌsaꞌ Quisoso aꞌpocosohuëꞌ. Imamiatocoꞌ. Aꞌnapita aparisitarinënpoaꞌ. Parisitacasoꞌ yaꞌhuërin. Parisitatëhuaꞌ, Yosë huaꞌanëntërinquë yaꞌconarëhuaꞌ. Napoaton noya ahuantocoꞌ,” itopi. Pënënpachinara, achinicancanpi.