Génesis 49:21 - Chayahuita (Shahui)

²¹ ‘Quëmasoꞌ Nipitari, co camainënquënso costaponhuëꞌ. Tanan yo, noyanpiaꞌhuaráchin huaꞌhuinpitarëꞌ paꞌninso pochin nisaran. Inapochachin quëmá quëran pipipisopitantaꞌ, naꞌa nisahuatonaꞌ, noyanpiaꞌhuaráchin nicaponaꞌ,’ itërin.

Génesis 49:21 ပူးပေါင်းရင်းမြစ်များ

Génesis 30:8

Naporoꞌ Naquira taantarin. “Iso huaꞌhuashasoꞌ, Nipitari itarahuë. Naꞌcon caipayarëꞌco nichinitërai, iporaso huachi nani minsërahuë,” taꞌton ina pochin nohuitërin.

Génesis 46:24

Nipitari huiꞌninpitantaꞌ: Casiiri, Coni, Quisiri, Sirimo, inapita.

Jeremías 14:5

Yo payaroꞌsanta tananquë nasha huaiaponaraihuëꞌ, huaꞌhuina patopi. Capa cosharonëna niꞌton, napopi.

Deuteronomio 33:23

Nipitari itopisoꞌ Israiro huëntonta yonquiaton, tapon: “Nipitari itopisoꞌ Israiro huëntonsoꞌ, Siniorori nóya niꞌnin. Paꞌpi notohuaroꞌ inari catahuarin. Sor parti yonsanquë huarëꞌ panca sono nininsoꞌ huaꞌanëntapon,” tënin.

Jueces 4:10

Inaquë Paracosoꞌ sontaroꞌsa ayontonin. Saporono, Nipitari, inapita huëntonoꞌsa quëran, ayontonin. Niyontonpachinara, shonca huaranca sontaroꞌsa camaicaso marëꞌ ananirin. Tiporanta inarë chachin paꞌsarin.

Jueces 4:6

Aꞌna tahuëri Tiporasoꞌ, Apinoamo itopisoꞌ huiꞌnin amatërin. Inasoꞌ, Paraco itopi. Quitisë ninanoquë yaꞌhuërin. Inaso ninanoꞌ, Nipitari israiroꞌsa huënton noꞌpaꞌ mapiquë yaꞌhuërin. Canquihuachina, itapon: —Israiroꞌsanpoa chinotërëhuaso Yosë, iso pochin camairinquën: “Taporo motopiquë paꞌsahuaton, shonca huaranca Israiro sontaroꞌsa ayontonquëꞌ. Saporono, Nipitari, inapita huëntonoꞌsa quëran ayontonquëꞌ.