Génesis 49:1 - Chayahuita (Shahui)

¹ Nani shinpita noya yaꞌhuëcaiso marëꞌ shaꞌhuitohuachina, Cacoposoꞌ yaꞌipi huiꞌninpita amatërin. Huëꞌpachinara itapon: “Amasha yaꞌcarico conparoꞌsaꞌ. Maꞌsona aꞌna tahuëri onpocamasoꞌ, carinquëma shaꞌhuichinquëma natancoꞌ.

Génesis 49:1 ပူးပေါင်းရင်းမြစ်များ

Salmos 105:15

“Ama huayonahuësopita noꞌhuicosohuëꞌ. Pënëntonaꞌpiroꞌsa acorahuësoꞌ, ama maꞌsha onpotocosohuëꞌ,” itërin.

Isaías 2:2

Ayaro tahuëri yaꞌcaritohuachin, Sinioro chinotacaso pëi yaꞌhuërinquë motopisoꞌ, Siniorori noya noya acoapon. Aꞌnapita motopiroꞌsa quëran ina inápa nisarin. Nisha nisha nacionquë yaꞌhuëpisopita inaquë huëcaponaꞌ.

Isaías 53:1

Noya nanan shaꞌhuitërinënpoasoꞌ natanpirëhuahuëꞌ, ¡caraíchinpoa natëtërëhuaꞌ! Sinioro chiníquën nanantërinsoꞌ, ¡co insonta yanitotërinhuëꞌ!

Jeremías 23:20

Ca Sinioroco noꞌhuitërahuësoꞌ, co copi tapohuëꞌ. Nohuantërahuësoꞌ naniquëhuarëꞌ, inachachin nisápon. Tahuëri nanihuachin, inapita canpitanta yonquiapomaꞌ. Ina yonquiatomaꞌ: ‘Tëhuënchachin noꞌtëquën Sinioro sacatërin,’ tëcapomaꞌ.

Daniel 2:47

Ina quëran Naniri itapon: —Canpita Yosë chinotëramasosoꞌ, yaꞌipi yosëroꞌsa quëran chini chiníquën nanantërin. Yaꞌipi copirnoroꞌsa huaꞌanëntërin. Inasáchin co nitotacasohuëꞌ nininsonta anitotërin. Napoaton huaꞌnarahuëso anitotatënquën, maꞌsona tapon naporinsontaꞌ, anitotërinquën, itërin.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.

Miqueas 4:1

Ayaro tahuëri yaꞌcaritohuachin, Sinioro chinotërëhuaso pëi yaꞌhuërinquë motopiaꞌhua, aꞌnapita motopiroꞌsa quëran noya noya Siniorori acoapon. Naporahuaton aꞌnapita motopiroꞌsa quëran ina inápa acoapon. Yaꞌipi isoroꞌpaquë yaꞌhuëpisopita inaquë huëcaponaꞌ.

Números 24:14

Iporasoꞌ mini quëma naporanso chachin, yaꞌhuërahuëquë paantarahuë. Napoaponahuëꞌ, coꞌhuara paꞌshátërasocohuëꞌ, maꞌsona pasopita aꞌna tahuëri onpotiinquëmaso shaꞌhuichinquën.

Lucas 2:26

Ina nohuanton, Simion nani ninorin. “Siniorori aꞌpaimarinsoꞌ nohuitapo. Coꞌhuara chimiyantërapohuëꞌ, Cristo oꞌmararin, niꞌsarahuë,” tënin yonquiaton.

Hechos 2:17

‘Aꞌna tahuëri ispiritonëhuë aꞌpamarahuë nisha nisha piyapiꞌsaꞌ yaꞌcoancantacaso marëꞌ. Yaꞌcoancantohuachin, huiꞌnamapita nanamëhuë shaꞌhuirapi. Huiꞌnapiꞌsantaꞌ co huëꞌëponaraihuëꞌ, huaꞌnarëso pochin quënanapi. Mashoroꞌsantaꞌ huaꞌnarapi.

Deuteronomio 31:12

Naporoꞌ yaꞌipi Israiro quëmapiꞌsaꞌ, sanapiꞌsaꞌ, huaꞌhuaroꞌsaꞌ, inapita niyontonaponaꞌ. Nisharoꞌsanta ninanonëmaquë yacaparimasopita, huëcaponaꞌ. Huëcatonaꞌ, pënëntërahuëso nontopisoꞌ natanacaiso yaꞌhuërin. Ina quëran tëꞌhuatatonaco, noya nicainacosoꞌ nitotapi. Inapoatona yaꞌipi camaitërahuëso natëcaiso marëꞌ natanacaiso yaꞌhuërin.

Deuteronomio 4:30

Nisha nisha parisitápatomaꞌ, mamanshi chinotëramaso aꞌpoaramaꞌ. Ina aꞌpoatoma Sinioroíchin chinotocoꞌ. Napohuatamaꞌ, inaso nóya nichinapon chachin, co aꞌpoarinquëmahuëꞌ. Co ataꞌhuantarinquëmahuëꞌ. Noya cancantaantahuatamaꞌ, shimashonëmapitarëꞌ anoyatërinso yonquiaton catahuantarinquëmaꞌ: ‘Caso Yosëco niꞌto, noꞌtëquën nontëranquën,’ itërin niꞌton, catahuarinquëmaꞌ.

1 Timoteo 4:1

Tëhuënchachin Ispirito Santo ninoton, aꞌninquëchin shaꞌhuitërinpoaꞌ: “Aꞌna tahuëri aꞌnaquën piyapiꞌsaꞌ Yosë nanamën aꞌporapi. Sopai natëtonaꞌ, nonpin nanan aꞌchinpachinaꞌ, imasapi. Ayaroꞌ tahuëri yaꞌcaritohuachin, naporapi,” tënin.

2 Timoteo 3:1

Isontaꞌ api pënëantaꞌinquën. Ayaroꞌ tahuëri yaꞌcaritohuachin, co huachi noya yaꞌhuapihuëꞌ.

Hebreos 1:2

Iporaso nipirinhuëꞌ, huiꞌnin quëran nontërinpoaꞌ. Iráca Yosëri shaꞌhuitohuachina, Quisocristori isoroꞌpaꞌ, inápaquë yaꞌhuërinsopita, yaꞌipi ninin. Aꞌna tahuëri Yosë nohuanton, yaꞌipi huaꞌanëntarin.

Hebreos 13:1

Yaꞌipi imaramasopita capini noya ninosorocoꞌ. Iyaparima pochin niꞌcoꞌ.

Apocalipsis 4:1

Ina quëran inápaquë nëꞌpërahuato, quënanahuë. Yosë yaꞌhuërinquë chachin yaꞌcoana niꞌsoatërin, niꞌnahuë. Naporahuaton, inápa quëran yaꞌnan nontërincosoꞌ nontaantarinco. Tronpita pihuipiso pochin natanahuë. —Isëquë huëntaquëꞌ. Nani maꞌsha aꞌnochinquën. Aꞌna tahuëri maꞌsha onpocasoꞌ ninoto, anitotaranquën, itërinco.