Génesis 48:5 - Chayahuita (Shahui)

⁵ Huiꞌnanpita Iprain, Manasisi, inapitaso coꞌhuara yacapaponquën huëꞌshamátërasocohuëꞌ yaꞌhuëtërinquën. Inapitasoꞌ caquën nicaponaꞌ. Napoatonaꞌ, Yosë noꞌpaꞌ huaꞌanëntaꞌhuaso shaꞌhuitërincosoꞌ, huaꞌanëntaponaꞌ. Nopino, Simion, inapita pochin niꞌtonaꞌ, huaꞌanëntaponaꞌ.

Génesis 48:5 ပူးပေါင်းရင်းမြစ်များ

Génesis 46:20

Cosisoꞌ, Asinaquë huiꞌnahuaninsopita: Manasisi, Iprain, inapita. Inapitasoꞌ, Iquipitoquë nasitopi. Asinantaꞌ, ayonquiantaꞌinquëmaꞌ. Inasoꞌ, Potihuira huiꞌnin. Potihuirantaꞌ, On ninanoquë corto huaꞌan yaꞌconin.

Génesis 48:1

Ina piquëran miachin Cacoposoꞌ caniorin. Napohuachina Cosi shaꞌhuitopi. Ina natanahuaton, nicapon paꞌnin. Huiꞌninpitanta cato chachin quëparin. Manasisi, Iprain, inapita.

Génesis 48:6

Inapita piquëran huiꞌnahuanpatan, quëmaoranquën nisapi huachi. Inapitasoꞌ Iprain, Manasisi, inapita iyaꞌhuainpita nicaponaꞌ. Ina niꞌtona iin mashonëna noꞌpanëna quëran, inapitantaꞌ, noꞌpaꞌ macaponaꞌ.

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Malaquías 3:17

Inapita yonquiaton Sinioro tapon: “Inapitaso noya yonquirinaco niꞌton, noya nicato piyapinëhuëpita pochachin niantarahuë. Anaꞌintaꞌhuaso tahuëri nanihuachin, inapitaso noya noya nicato, nichaꞌësarahuë. Huiꞌnini noya natëhuachin, paꞌpini nosororinso pochachin inapitantaꞌ, nosoroarahuë.

2 Corintios 6:18

Tataparinquëma pochachin noya nosoroaranquëmaꞌ. Huiꞌnahuëpita pochin cancantëranquëmaꞌ, itërinpoaꞌ Tata Yosë. Chini chiníquën nanantaton, yaꞌipiya huaꞌanëntërin,” tënin quiricanënquë.

Efesios 1:5

Iráca quëran huarëꞌ nosoroatonpoaꞌ, acorinpoaꞌ huëntonënquë yaꞌconacasoꞌ. Quisocristo anoyacancantërinpoaꞌ niꞌton, huiꞌnin pochachin niꞌninpoaꞌ. Inaora nohuanton, noya yonquirinpoaꞌ.

Hebreos 11:21

Cacopontaꞌ mashotahuaton, pitana paquëaponahuëꞌ, Yosë chinotarin. Yachiminpachina, ina natëton, Cosi huiꞌninpita catahuacaso marëꞌ Yosë nontërin.