Génesis 48:18 - Chayahuita (Shahui)

¹⁸ Inapoapon pochin paꞌpin itapon: —Co tata. ¡Ama inapoquësohuëꞌ! Isocha paninansoꞌ. Inchinan imira quëran, ina sëꞌhuamotoquëꞌ, itërin.

Génesis 48:18 ပူးပေါင်းရင်းမြစ်များ

Génesis 19:18

Notoriso nipirinhuëꞌ, itapon: —¡Co Siniororoꞌsa topirahuëꞌ! Tëhuënchachin canpitasoꞌ, naꞌcon catahuaramaco huachi. Noyanquëma niꞌton, nichaꞌëramaco. Napoaponahuëꞌ, motopiroꞌsa parti taꞌacaꞌhuasoꞌ, co nanitarahuëꞌ. Huancopi niꞌsoiꞌ, ayaroꞌ icantatoncoi tiquihuachincoi.

Génesis 27:15

Isao noya noya aꞌmorinsopita nëꞌmëtë pëinënquë taparinsontaꞌ, manin. Inaquë Cacopo aꞌmoantërin.

Génesis 29:26

—Isëquëso api, co huaꞌhua nininsoꞌton, asoꞌyaraihuëꞌ.

Génesis 43:33

Cosi iinpitasoꞌ, misaquë yahuënsëhuachinara, Cosiri aꞌnaya aꞌnaya shaꞌhuitërin huënsëcaiso marëꞌ. Paninanꞌton, ahuënsërahuaton, ina quëran niantarinsoꞌ ahuënsërin. Inapotaton, huinshoin nininquë huarëꞌ ahuënsërin. Napoaton: “Piꞌipinënpoa noꞌtëquën tantiarinpoaꞌ,” topi. Napoatona itohuara capini niniꞌpi. Niniꞌsahuatonaꞌ, paꞌyanpi.

Génesis 48:17

Cosiso nipirinhuëꞌ, paninantërinsoꞌ ahuënan quëran shiini sëꞌhuamotorinsoꞌ niꞌnin. Ina nicaton co noyahuëꞌ cancantërin. Napoaton paꞌpin inchinan imirin masahuaton, Iprain motën quëran chiꞌhuincatërin. Chiꞌhuincatahuaton Manasisi motënquë acotërin.

Génesis 48:19

Paꞌpinso nipirinhuëꞌ, co nohuantërinhuëꞌ inapocasoꞌ. Napoaton itapon: —¡Naporin mini conpa, nani nitotërahuë! Manasisinta shinpita quëran panca nacion nisarin. Iyaaꞌhuainso napoaponahuëꞌ, noya noya nicaton shinpita quëran naꞌcon naꞌcon nacionoꞌsa pipiarin.

Génesis 49:3

‘Quëmasoꞌ Nopino, paninanquën. Chiníquën nisoco, yaꞌnan huiꞌnahuananquënsoꞌ. Chini chiníquën nanantaton, noya noya nicamasoꞌ ninan.

Éxodo 10:11

Napopiramahuëꞌ, co yaꞌipinquëma pacamaso yaꞌhuërinhuëꞌ. Tëhuënchachin Yosë yachinotohuatamaꞌ, quëmapimasáchin pacoꞌ, itërin. Itahuaton, piyapinënpita camairin Moisësë, Aaron, inapita iquianan quëran aꞌpacaisoꞌ.

Mateo 25:9

‘Coꞌchi nanitëraihuëꞌ taꞌpantaꞌhuainquëmaso paya. Inapohuatoi, co huachi quiyantaꞌ orotarinhuëꞌ. Yaꞌipinpoaꞌ tacopianarihuaꞌ. Manóton paatomaꞌ, paꞌanconcoꞌ,’ itopi.

Hechos 10:14

—Inca Sinioro. Sopai inapitasoꞌ. Co onporontaꞌ ina pochin caꞌchinahuëꞌ. Iráca Moisësë pënënincoi ama ina pochin capacaꞌhuaiso marëhuëꞌ, itërin Pitrori.

Hechos 11:8

“Inca Sinioro. Sopai inapitasoꞌ. Co onporontaꞌ ina pochin caꞌchinahuëꞌ. Iráca Moisësë pënënincoi ama ina pochin capaꞌhuaiso marëhuëꞌ,” itohuatëra,