Génesis 48:17 - Chayahuita (Shahui)

¹⁷ Cosiso nipirinhuëꞌ, paninantërinsoꞌ ahuënan quëran shiini sëꞌhuamotorinsoꞌ niꞌnin. Ina nicaton co noyahuëꞌ cancantërin. Napoaton paꞌpin inchinan imirin masahuaton, Iprain motën quëran chiꞌhuincatërin. Chiꞌhuincatahuaton Manasisi motënquë acotërin.

Génesis 48:17 ပူးပေါင်းရင်းမြစ်များ

Génesis 28:8

Paꞌpin inaporin niꞌton, Isaosoꞌ: “Canaan sanapisoꞌ, co tatahuë costarinhuëꞌ,” tënin.

Génesis 38:10

Onan naporinso Sinioroso nitotaton, chiníquën noꞌhuitërin. Napoaton inantaꞌ, ina nohuanton chimiantarin.

Génesis 48:14

Cacoposo nipirinhuëꞌ, tanpaquënpita chiꞌhuaratahuaton, inchinanën quëran Iprain sëꞌhuamotorin. Manasisiso paninan nipirinhuëꞌ, ahuënanën quëran sëꞌhuamotorin.

Génesis 48:18

Inapoapon pochin paꞌpin itapon: —Co tata. ¡Ama inapoquësohuëꞌ! Isocha paninansoꞌ. Inchinan imira quëran, ina sëꞌhuamotoquëꞌ, itërin.

Proverbios 24:18

Naporinso marëꞌ noya ancantohuatan, co Sinioro costaponhuëꞌ. Co costatonhuëꞌ, anaꞌintërinso tananpitapon.

Números 11:1

Aꞌna tahuëri israiroꞌsa nisha nisha parisitatona amipi huachi. Amiatonaꞌ, Sinioro pinopi. Inaso natanahuaton, chiníquën noꞌhuitërin. Noꞌhuitaton, yaꞌnatiirinso nëꞌmëtë pëiroꞌsa ahuiquitacaso marëꞌ pën aꞌpatimarin.

Números 22:34

—Toꞌshitërancosoꞌ co nitotatohuëꞌ, oshahuanahuëꞌ. Napoaponahuëꞌ, quëma topatan ayamantaꞌi nipachin, itërin.

Romanos 9:11

“Huaꞌhua nininsoꞌ chini chiníquën nanantarin. Paninansoꞌ co onpopinchin chiníquën nanantaponhuëꞌ,” itërin. Ina quëran itantarin: “Cacopo nosoroato, huayonahuë. Isaoso nipirinhuëꞌ co onpopinchin nohuantërahuëꞌ,” tënin Yosë quiricanënquë. Coꞌhuara nasichátërasoihuëꞌ, naporin. Co yaꞌhuëyátërasoihuëꞌ, yonquiaton, huayonin. “Noya nininso marëꞌ Yosëri huayonin,” topiramahuëꞌ, co ina marëꞌ huayoninhuëꞌ. Inaora nohuanton, huayonin.

1 Samuel 16:7

Inariso napoaponahuëꞌ, itapon: “Noyapintërinsoꞌ, naporopitërinsoꞌ, ama inasáchin nicaton noya niꞌquësohuëꞌ. Carisoꞌ, co ina nohuantërahuëꞌ. Piyapinquëmasoꞌ, aipi yaꞌnorinsoráchin nicatoma noya niꞌnamaꞌ. Caso nipirinhuëꞌ, acopo cancanën quëran yonquirinso nitotërahuë. Insosona noya yonquihuachina, noya niꞌnahuë,” itërin. Napotërin niꞌton, Samoiroso co Iriapo huayoninsohuëꞌ, nitotërin.