Génesis 48:15 - Chayahuita (Shahui)

^15-16 Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

Génesis 48:15 ပူးပေါင်းရင်းမြစ်များ

Génesis 17:1

Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

Génesis 24:20

Itahuaton, aꞌnaromarëáchin pëꞌtahuaroꞌsa oꞌopiquë, taꞌpanarin. Yaꞌipi camiyoroꞌsaꞌ, oꞌocai huarëꞌ inaporin.

Génesis 24:40

Napotohuatora, shaꞌhuitërinco: “Niꞌquëꞌ, caso Sinioro iranën noꞌtëquën paꞌtërahuë niꞌton, anquëninën aꞌpararin catahuainquënso marëꞌ. Ina nohuanton, noya paꞌsahuaton sanapi quënamaran. Tatahuëi quëran quëmopinëhuë huiꞌnin chachin, huiꞌnahuë marëꞌ matomaran.

Génesis 27:27

Cacopori paꞌpin apinocaso marëꞌ yaꞌcaritohuachina, Isacori aꞌmorinso huëꞌëropinën imërin. Naporoꞌ noya yaꞌhuëcaso marëꞌ iso pochin shaꞌhuitërin: “Naporin taꞌa, ina pochin mini huëꞌëropitëran. Siniorori catahuahuachina imin noya noyatërin. Napohuachina pimoanahuaninso pochin quëmanta huëꞌëropitëran.

Génesis 27:4

Nani tëpahuatan, costarincoso chachin poꞌmorahuaton, quëshico caꞌi. Ina quëran noya yaꞌhuëcamaso marëꞌ shaꞌhuitaranquën huachi. Coꞌhuara chiminyátërasocohuëꞌ, inapochinquën, itërin.

Génesis 28:20

Inaquë Cacopori Yosë shaꞌhuitaton itapon: “Quëma chachin ipora iratërahuëquë caꞌtanco. Quëma nohuanton cosharoꞌ, aꞌmocaꞌhuasoꞌ, inapitanta yaꞌhuëchinco. Naporahuaton quëma nohuanton tatahuë yaꞌhuërinquë, noya huënantaꞌi. Inapo catahuahuatanco: ‘Sinioroíchin Yosënëhuë,’ taꞌto, chinotaranquën.

Génesis 28:22

Iso naꞌpi onë pochin ahuanirahuësontaꞌ, quëma pëinën nisarin. Naporahuaton, yaꞌipi quëtëranco quëran, piꞌpian quëtáponquën. Shonca canahuato aꞌnara quëchinquën,” itërin.

Génesis 28:3

Yosë yaꞌipi nanitaparinsoꞌ catahuainquën. Naꞌa huiꞌnanpita quëchinquën. Quëmá quëran naꞌa nacionoꞌsa pipicaso marëꞌ inapochinquën.

Génesis 35:3

Manóton Pitiriquë paꞌahuaꞌ. Inaquë Yosë chinotaꞌhuaso marëꞌ artaro nicaꞌhuaso yaꞌhuërin. Iráca nanan yaꞌhuëtaponco, Yosëso naꞌcon catahuarinco. Naporahuaton, itohua itohua paꞌnahuëquë, caꞌtanatonco catahuarinco, itërin.

Génesis 49:22

‘Quëmaso Cosi, iꞌsha yonsanquë huayo huanirinso pochin ninan. Inasoꞌ huayo paꞌpi notohuaroꞌ nitërin. Sëꞌpaquënpitantaꞌ, paira paꞌtërin.

Génesis 49:24

Quëmaso nipirinhuëꞌ, chini chiníquën tanpatëran. Pëꞌchinanënquë inimicoroꞌsa tëꞌyanantohuatan, co pacoitaranhuëꞌ. Yosë imarahuësoꞌ, chini chiníquën nanantërin. ¡Ina catahuarinquën inimicoroꞌsa minsëaran! Siniorosoꞌ ohuica huaꞌanën pochin niꞌton, aꞌpairinco. ¡Ina chachin quëmanta aꞌpaiatënquën catahuarinquën!

Génesis 49:28

Ina pochin Cacopo shonca cato huiꞌninpita noya yaꞌhuëcaiso marëꞌ shaꞌhuitërin. Inapita quëran shonca cato Israiro huëntonoꞌsa pipipi.

Génesis 6:9

Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

1 Reyes 3:6

Natanahuaton inarisoꞌ: “Tatacosoꞌ quëma piyapinën. Inasoꞌ, noꞌtëquënáchin imamiatërinquën. Noyasáchin nicaton, co manta ihuatërinhuëꞌ. Ina marëꞌ quëmarisoꞌ noya nicaton catahuaran. Ina nosoroaton israiroꞌsa huaꞌanëntaꞌhuaso marëꞌ acoranco cantaꞌ. Quëma nohuanton huiꞌnapico niporahuëꞌ, ina yaꞌhuërënamën huaꞌanëntaꞌhuaso marëꞌ acoranco. Co manta camaitaꞌhuaso nitotopirahuëꞌ, napotëranco.

Salmos 16:8

Nani tahuëri quëmasoꞌ caꞌtanaranco. Inchinanëhuë quëran yaꞌhuëaran niꞌton, co anotatë pochin nisarahuë.

Salmos 23:1

Quëmasoꞌ Sinioro nóya aꞌpairanco. Ohuicaroꞌsa huaꞌanëni aꞌpairinso pochin nitëranco. Co manta pahuantërincohuëꞌ.

Salmos 37:3

Canpitaso noya nicatoma Sinioro natëcoꞌ. Inasáchin cancantatoma isoroꞌpaquë yaꞌhuëcoꞌ.

Éxodo 4:5

Israiro huaꞌanoꞌsa niꞌtonënquë inapotëquëꞌ. Huaranën yaꞌhuan taraninso niꞌpachinaꞌ, yaꞌnotëranquënso natëtapi huachi: “Shimashonënpoapita Apraan, Isaco, Cacopo, inapitari Yosë chinotërin. Inari Moisësë yaꞌnotërin,” tosapi.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

1 Corintios 10:31

Maꞌsona tërantaꞌ nipatamaꞌ, Yosë yonquiatomaꞌ, noya nicoꞌ aꞌnapitantaꞌ Yosë noya yonquicaiso marëꞌ. Napoaton coshatohuatamaꞌ, oꞌopatamaꞌ, maꞌsona tërantaꞌ nipatamaꞌ, ina yonquicoꞌ.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.

Deuteronomio 33:1

Moisësësoꞌ, Yosëri anitotërinso shaꞌhuinaꞌpi. Coꞌhuara chimiyantërasohuëꞌ, israiroꞌsa noya yaꞌhuëcaiso marëꞌ shaꞌhuitaton iso pochin shaꞌhuitërin: “Sinai motopiquë niꞌsëhuaꞌ, Sinioro huëcapairinpoaꞌ. Itomo motopiroꞌsa parti quëran huarëꞌ, piꞌi aꞌpininso pochin, noya nicacasoꞌ anitotërinpoaꞌ. Paran ninano motopiroꞌsa quëran huarëꞌ, huënaratërinso imaquirëhuaꞌ. Ina naꞌhuëtahuaton, Miripa-Catisë quëran huarëꞌ noya quëninpoaꞌ. Inchinan quëran sëꞌquëatë pochin, pënëntërinso nanan quëshirinpoaꞌ. Chiníquën nanantërin niꞌton, naporo panca pën niꞌnëhuaꞌ.

Colosenses 2:6

Yaꞌnan imapomaꞌ, Quisocristo anoyacancantërinquëmaꞌ. Inasáchin huaꞌanëntërinquëmaꞌ. Iporahuantaꞌ inasáchin natëtomaꞌ, imamiatocoꞌ.

1 Tesalonicenses 2:12

Achinicancanainquëmaꞌ. “Yosë imaramaꞌ niꞌton, noyasáchin nicoꞌ Yosë noya niꞌinquëmaꞌ,” itërainquëmaꞌ. Ina acorinquëmaꞌ huaꞌanëntërinquë yaꞌconacamasoꞌ. Aꞌna tahuëri yaꞌhuërinꞌpaꞌ quëpantahuachinquëmaꞌ, noya noya yaꞌhuëcontaramaꞌ.

Hebreos 11:21

Cacopontaꞌ mashotahuaton, pitana paquëaponahuëꞌ, Yosë chinotarin. Yachiminpachina, ina natëton, Cosi huiꞌninpita catahuacaso marëꞌ Yosë nontërin.