Génesis 48:13 - Chayahuita (Shahui)

¹³ Ina quëran cato huiꞌninpita chachin manin. Iprainsoꞌ, inchinanën quëran sëꞌquërin. Yaꞌhuërëꞌ Manasisisoꞌ ahuënanën quëran sëꞌquërin. Inapo sëꞌquërin quëran paꞌpin ayaꞌcaririn. Napoaton Iprainsoꞌ, shiin ahuënanën quëran acorin. Yaꞌhuërëꞌ Manansisisoꞌ, shiin inchinanën quëran acorin.

Génesis 48:13 ပူးပေါင်းရင်းမြစ်များ

Génesis 41:51

Paninansoꞌ Manasisi itërin: “Yosë chachin parisitërahuësoꞌ, quëmopinëhuëpita, inapita ananiantërinco,” taꞌton, ina pochin huiꞌnin nohuitërin.

Génesis 46:20

Cosisoꞌ, Asinaquë huiꞌnahuaninsopita: Manasisi, Iprain, inapita. Inapitasoꞌ, Iquipitoquë nasitopi. Asinantaꞌ, ayonquiantaꞌinquëmaꞌ. Inasoꞌ, Potihuira huiꞌnin. Potihuirantaꞌ, On ninanoquë corto huaꞌan yaꞌconin.

Génesis 48:12

Paꞌpin toꞌtopitënquë huiꞌninpita huënsëápirinahuëꞌ, Cosiri ahuanirin. Ahuanirahuaton, paꞌpin notënanquë isonin. Isonin quëran noꞌpaquë huarëꞌ monshorin. Noya nicaton napotërin.

Génesis 48:14

Cacoposo nipirinhuëꞌ, tanpaquënpita chiꞌhuaratahuaton, inchinanën quëran Iprain sëꞌhuamotorin. Manasisiso paninan nipirinhuëꞌ, ahuënanën quëran sëꞌhuamotorin.

Mateo 25:33

Ohuicaroꞌsaꞌ inchinanën quëran acorahuaton, chiporoꞌsasoꞌ ahuënanën quëran acorin. Inapochachin cantaꞌ yaꞌipi piyapiꞌsaꞌ nisha nisha acoarahuë. Noya cancantopisopita inchinanëhuë quëran acoarahuë. Co noyahuëꞌ cancantopisopitaso nipirinhuëꞌ, ahuënanëhuë quëran acoarahuë.