Génesis 48:12 - Chayahuita (Shahui)

¹² Paꞌpin toꞌtopitënquë huiꞌninpita huënsëápirinahuëꞌ, Cosiri ahuanirin. Ahuanirahuaton, paꞌpin notënanquë isonin. Isonin quëran noꞌpaquë huarëꞌ monshorin. Noya nicaton napotërin.

Génesis 48:12 ပူးပေါင်းရင်းမြစ်များ

Génesis 18:2

Apraanso niꞌpirinhuëꞌ, cara quëmapi ina notënanquë huaniapi quënanin. Quënanahuaton, aꞌnaroáchin paaparin nontacaso marëꞌ. Isonin quëran noꞌpaquë huarëꞌ monshorahuaton, itapon: —Sinioro, piꞌpian yanontëranquën. Ama naꞌhuëtocosohuëꞌ.

Génesis 19:1

Nani yatashirahuasoꞌ, cato anquëniroꞌsaso Sotoma ninanoquë camapi. Ninano yaꞌcoanaquë chachin Noto huënsasoꞌ, camapi. (Inaquë yaꞌhuëhuanoꞌsa niyontonpi maꞌsha yonquiatona anoyatacaiso marëꞌ.) Cato yaꞌpi canquipiso quënanahuaton, paaparin nontapon. Isonin quëran noꞌpaquë huarëꞌ monshorin.

Génesis 23:7

Napotohuachinara, Apraanso huanirahuaton, itiroꞌsa nontaantacaso marëꞌ mónsho tënin: —Tëhuënchachin isoporinquë saꞌahuëcoꞌ poꞌmocaꞌhuaso nohuantohuatamaꞌ, catahuaco. Canpitari yaꞌhuërënamëhuë Sohuaro huiꞌnin Ipron itopisoꞌ, nontoco topirahuë.

Génesis 33:3

Inaporahuaton, Cacoposo quëchitërin. Iin masho yaꞌcariapon pochin, canchisëro mosharin. Isonin quëran noꞌpaquë huarëꞌ monshorahuaton mosharin.

Génesis 42:6

Nani shaꞌhuitëranquëmaso chachin Cosisoꞌ, huaraon yaꞌhuërënamën yaꞌipi Iquipitoquë camaitarin. Naporahuaton ina camaitohuachina, yaꞌipi parti quëran huëꞌpisopita, trico paꞌantapi. Iinpitanta camahuachinara, nontacaiso marëꞌ isonpi quëran noꞌpaquë huarëꞌ monshorahuatonaꞌ, moshaipi.

Génesis 48:11

Ina quëran Cosi itapon: —Co huachi onporo tëranta quënanaꞌhuanquënsoꞌ yonquipirahuëꞌ, Yosë nohuanton huiꞌnanpitanta quënanahuë.

Génesis 48:13

Ina quëran cato huiꞌninpita chachin manin. Iprainsoꞌ, inchinanën quëran sëꞌquërin. Yaꞌhuërëꞌ Manasisisoꞌ ahuënanën quëran sëꞌquërin. Inapo sëꞌquërin quëran paꞌpin ayaꞌcaririn. Napoaton Iprainsoꞌ, shiin ahuënanën quëran acorin. Yaꞌhuërëꞌ Manansisisoꞌ, shiin inchinanën quëran acorin.

2 Reyes 4:37

Napohuachina sanapisoꞌ, “Yosparinquën,” taꞌcaso marëꞌ, Irisio nantën pirayan isonin. Isonin quëran noꞌpaquë huarëꞌ, monshomarin. Ina quëran huaꞌhuin masahuaton, pipirin.

Éxodo 20:12

Tatama noya nicatoma natëcoꞌ. Mamamanta natëcoꞌ. Natëhuatamaꞌ, naꞌcon catahuaranquëmaꞌ. Canaan noꞌpaꞌ quëtohuatënquëmaꞌ, huaꞌqui inaquë noya yaꞌhuaramaꞌ.

Éxodo 34:8

Ina natanaton, Moisësëso isonin quëran noꞌpaquë huarëꞌ monshorin. Monshorahuaton, Sinioro chinotërin. Napotahuaton itapon: —¡Ai Sinioro! Tëhuënchachin nosorohuatancosoꞌ, caꞌtancoi. Tëhuënchachin piyapinënpita co natantochináchinhuëꞌ cancantopi. Napoaponahuëꞌ, yaꞌipi co noyahuëꞌ nicatoi oshahuanaisoꞌ, inquitatoncoi nanan anoyatocoi. Nanan anoyatatoncoi piyapinënpita pochin niꞌcoi huachi, itërin.

Proverbios 31:28

Huaꞌhuinpitari paꞌyatatona itaponaꞌ: “Noya sanapiꞌsa naꞌcon yaꞌhuëpirinhuëꞌ, quëmasoꞌ inapita quëran noya noyanquën,” itopi. Soꞌininta paꞌyataton inachachin, itërin.

Levítico 19:3

Tatama noya nicatoma natëcoꞌ. Mamamanta natëcoꞌ. Chinoto tahuëri shaꞌhuitëranquëmasoꞌ noya nicatoma chinotocoꞌ. Caso Yosëco napotaranquëma niꞌton, natëco.

Levítico 19:32

Mashoyaroꞌsaꞌ, paiyaroꞌsaꞌ, inapita noya niꞌquëꞌ. Huëꞌpachinaꞌ, huanirahuaton noya nontëquëꞌ. Canta tëꞌhuatatomaco, noya niꞌco. Ca Sinioroco napotaranquëmaꞌ.

Efesios 6:1

Canpitantaꞌ apiaꞌhuaroꞌsaꞌ, pënënanquëmaꞌ. Tatamaꞌ natëcoꞌ. Mamamantaꞌ natëcoꞌ. Quisocristo imaramaꞌ niꞌton, inapita natëcamasoꞌ yaꞌhuërin.