Génesis 48:10 - Chayahuita (Shahui)

¹⁰ Cacoposoꞌ noyá mashoya niꞌton, co huachi ina inahuë quënantërin. Napoaton Cosiri huiꞌninpita ayaꞌcaririn. Napohuachinara, Cacoposo shinpita iporahuaton apinorin.

Génesis 48:10 ပူးပေါင်းရင်းမြစ်များ

Génesis 27:1

Isaco noyá mashotohuachina, pëtorayataton co huachi quënantërinhuëꞌ. Aꞌna tahuëri huiꞌnin paninan Isao itopisoꞌ përarin. Huëꞌpachina: —Conpa, itërin. —Maꞌta tata yaꞌhuarahuë, itërin Isaori.

Génesis 27:27

Cacopori paꞌpin apinocaso marëꞌ yaꞌcaritohuachina, Isacori aꞌmorinso huëꞌëropinën imërin. Naporoꞌ noya yaꞌhuëcaso marëꞌ iso pochin shaꞌhuitërin: “Naporin taꞌa, ina pochin mini huëꞌëropitëran. Siniorori catahuahuachina imin noya noyatërin. Napohuachina pimoanahuaninso pochin quëmanta huëꞌëropitëran.

Génesis 31:55

Tahuëririnquë tashíramiachin Napanosoꞌ huënsëintarahuaton, huiꞌninpita, shinpita, inapita apinoraꞌpiarin: “Yosë catahuainquëma noya pacoꞌ,” itahuaton yaꞌhuërinquë paꞌmantarin huachi.

Génesis 45:15

Ina quëran Cosisoꞌ, yaꞌipi iinpita noya nontaton sëꞌquërin. Inapitanta iporahuaton naꞌnërin. Ina piquëran inapitarinta co huachi tëꞌhuatatonahuëꞌ, noya nontopi huachi.

Génesis 48:11

Ina quëran Cosi itapon: —Co huachi onporo tëranta quënanaꞌhuanquënsoꞌ yonquipirahuëꞌ, Yosë nohuanton huiꞌnanpitanta quënanahuë.

Génesis 48:8

Ina taꞌsochachin aꞌnanaya Cacoposoꞌ tahuërëtahuaton niꞌpirinhuëꞌ, Cosi huiꞌninpita quënanin. Inapita quënanaton, huiꞌnin natanin: —¿Inpitata isopitasoꞌ? itërin.

1 Reyes 19:20

Naporo chachin Irisiosoꞌ, tororoꞌsa aꞌporin. Ina quëran taꞌarahuaton icantoonin: —Imasaranquën mini sinioro. Napoaponahuëꞌ, quëtoco paato, tata, mama, inapita nonta nontaꞌi, itërin. —Noya paquëꞌ. Ama napoaponahuëꞌ, napotëranquënsoꞌ naniantëquësohuëꞌ, itërin Iniasëri.

Eclesiastés 12:3

Mashotohuatan, pëi mocarinso pochin nisaran. Naporoꞌ aꞌpairinquënsopita pochin nininsoꞌ, ropatapona huachi. Pëi nonoropitërinso pochin monconpicasoꞌ yaꞌhuëapon. Morinoroꞌsa nitoꞌquiratërinso pochin natëroꞌsanta capa niraꞌpiapon. Inapoaton co huachi noya coshataranhuëꞌ. Huintana quëran costatërëso pochin quënantopiranhuëꞌ, oshaquëran oshaquëran pëtorayataramaꞌ.

Isaías 6:10

Piyapinëhuëpita yonquinëna tapitëquëꞌ. Nëꞌhuëya pochin cancanchinaꞌ. Somarayapiso pochin cancantatonaꞌ, ama manta noꞌtëquën yonquiꞌinasohuëꞌ. Shaꞌhuitërahuësoꞌ noꞌtëquën yonquipi naporini, oshanëna aꞌpoitonahuëꞌ. Inapopi naporini, co huachi anaꞌintaꞌhuasoꞌ yaꞌhuëitonhuëꞌ,” itërinco.

Deuteronomio 34:7

Pasa cato shonca piꞌipitapasoꞌ chiminin. Chini mashorapaso niꞌton, co yaꞌpirionta sanpachátërapirinhuëꞌ naporin.

1 Samuel 3:2

Aꞌna tashiso napoaponahuëꞌ, poꞌnin: Irisoꞌ patoananënquë huëꞌësárin. Inasoꞌ yasomarayaton, co huachi noya quënantërinhuëꞌ. Samoironta Yosë chinotacaso nëꞌmëtë pëiquë huëꞌësárin. Siniororë anoyatopiso caposonën yaꞌcariya huëꞌësárin. Sëꞌparahuan nanpariontaꞌ, co tacopiyátërarinhuëꞌ.