Génesis 48:1 - Chayahuita (Shahui)

¹ Ina piquëran miachin Cacoposoꞌ caniorin. Napohuachina Cosi shaꞌhuitopi. Ina natanahuaton, nicapon paꞌnin. Huiꞌninpitanta cato chachin quëparin. Manasisi, Iprain, inapita.

Génesis 48:1 ပူးပေါင်းရင်းမြစ်များ

Génesis 46:20

Cosisoꞌ, Asinaquë huiꞌnahuaninsopita: Manasisi, Iprain, inapita. Inapitasoꞌ, Iquipitoquë nasitopi. Asinantaꞌ, ayonquiantaꞌinquëmaꞌ. Inasoꞌ, Potihuira huiꞌnin. Potihuirantaꞌ, On ninanoquë corto huaꞌan yaꞌconin.

Génesis 48:2

Cosiri nicapon huëꞌninso shaꞌhuitohuachinara, chiníquën cancantaton pëꞌsaranënquë huënsërin.

Génesis 48:5

Huiꞌnanpita Iprain, Manasisi, inapitaso coꞌhuara yacapaponquën huëꞌshamátërasocohuëꞌ yaꞌhuëtërinquën. Inapitasoꞌ caquën nicaponaꞌ. Napoatonaꞌ, Yosë noꞌpaꞌ huaꞌanëntaꞌhuaso shaꞌhuitërincosoꞌ, huaꞌanëntaponaꞌ. Nopino, Simion, inapita pochin niꞌtonaꞌ, huaꞌanëntaponaꞌ.

Génesis 50:23

Huaꞌqui yaꞌhuaton, Iprain huiꞌninpita niꞌnin. Inahuanta huiꞌnahuanpiso shiꞌahuainpitaquë huarëꞌ, niꞌnin. Naporahuaton Manasisi shiin Maquiri itopiso huiꞌninpitantaꞌ, macaton asoꞌsorin. Ina marëꞌ toꞌtopitënquë ahuënsëraꞌpiarin.

2 Reyes 13:14

Naporo tahuëriꞌsa Irisiosoꞌ, chiminchináchin caniorin. Ina natanaton, Coasë copirnori paaparin. Quënanconahuaton iporin quëran naꞌnëtërin. Naꞌnëtapon pochin: —¡Quëmasoꞌ tatahuë pochin ninan! ¡Panca sontaroꞌsa huënton pochin nicaton yaꞌipi israiroꞌsacoi paꞌpoyarancoi! itërin.

2 Reyes 13:20

Ina quëran Irisioso chiminin. Chiminpachina, quëmopinënpitari paꞌpitopi. Ina piquëransoꞌ Moapo ihuatë huëntonoꞌsari israiroꞌsa ihuacaiso marëꞌ yáhuëcapaipi. Nani piꞌipiquë napopi.

Copo naporinso' 42:16

Parisitaponahuëꞌ noyataantarinso piquëran Coposoꞌ, pasa catapini shonca piꞌipi aquëtë yaꞌhuëantarin. Ina nápo tahuëri nicaton, huiꞌninpita, shinpita, inapita niꞌnin. Shinpitanta huiꞌnahuanpisoꞌ, huiꞌnina yaꞌhuëtai huarëꞌ tahuëri niꞌnin.

Juan 11:3

Caniohuachina, oshinpitari piyapi aꞌpapi Quisoso shaꞌhuitacaso marëꞌ: —Nosororansoꞌ Sinioro, chiníquën caniorin. Huëcaton niꞌquiquëꞌ, itërin.

Hebreos 11:21

Cacopontaꞌ mashotahuaton, pitana paquëaponahuëꞌ, Yosë chinotarin. Yachiminpachina, ina natëton, Cosi huiꞌninpita catahuacaso marëꞌ Yosë nontërin.