Génesis 47:9 - Chayahuita (Shahui)

⁹ —Nani pasa cara shonca piꞌipi yaꞌhuëtërinco. Co yaꞌhuëmia yaꞌhuëatohuëꞌ, patë patë́rantarahuë. Inapoato naꞌcon parisitërahuë. Shimashonëhuëpitasoꞌ, naꞌcon naꞌcon tahuëri niꞌpi. Co caso inapita icantapohuëꞌ nimara tënahuë, itërin.

Génesis 47:9 ပူးပေါင်းရင်းမြစ်များ

Génesis 11:11

Ina piquëran Simosoꞌ, aꞌnatërápo pasa piꞌi aquëtë yaꞌhuaantarin. Aꞌnapita huiꞌninpitanta quëmapiꞌsaꞌ, sanapiꞌsaꞌ, yaꞌhuëtërin.

Génesis 35:28

Pasa posa shonca piꞌipitasoꞌ, Isaco chiminin.

Génesis 47:28

Cacoposo shonca canchisë piꞌipi, Iquipitoquë yaꞌhuëantarin. Yaꞌipiya quëran pasa catapini shonca canchisë piꞌi icanin.

Génesis 47:8

Huaraoni niꞌsahuaton natanin: —¿Onpo piꞌita yaꞌhuëtërinquën? itërin.

Génesis 5:27

Yaꞌipiya quëran Matosarinosoꞌ, iscon pasa saota shonca iscon piꞌi icanin. Ina quëran chiminin huachi.

Génesis 50:26

Pasa shonca piꞌipitasoꞌ, Cosi Iquipitoquë chiminin. Chiminpachina, nonën ama chanatacaso marëhuë taparahuatonaꞌ, aꞌna atahuaroquë poꞌmopi. Ina pochin Cacopo huiꞌninpita nipi.

Copo naporinso' 14:1

Piyapicoisoꞌ, sanapi quëran huaꞌhuatatoi, co chiniraihuëꞌ. Co huaꞌqui nanpipiraihuëꞌ, naꞌcon parisitërai.

Éxodo 6:4

Canaan noꞌpaꞌ quëtaꞌhuaso marëꞌ nani inapitaroꞌco anoyatërahuë. Inaquë yaꞌhuëpirinahuëꞌ, nisharoꞌsa pochin topinan yacapatopi.

Éxodo 7:7

Moisësë posa shonca piꞌipitapasoꞌ, Aaronta posa shonca cara piꞌipitarin. Naporoꞌ Iquipito copirno nontopi.

2 Corintios 5:6

Napoaton chiníquën cancantërëhuaꞌ. “Aꞌna tahuëri Yosëꞌpaꞌ paꞌsarëhuaꞌ,” taꞌtëhuaꞌ, noya cancantarëhuaꞌ. Tëhuënchachin isoroꞌpaquë nanpihuatëhuaꞌ, co Quisocristo nirayarihuahuëꞌ.

Deuteronomio 34:7

Pasa cato shonca piꞌipitapasoꞌ chiminin. Chini mashorapaso niꞌton, co yaꞌpirionta sanpachátërapirinhuëꞌ naporin.

Hebreos 13:14

Co isoroꞌpaquë yaꞌhuëmiatarihuahuëꞌ. Yosë yaꞌhuërinꞌpaꞌ pantacasoꞌ ninarëhuaꞌ. Inatohuaꞌ yaꞌhuëmiatarihuaꞌ.

Santiago 4:14

Co tashiraya tërantaꞌ nanitaramahuëꞌ ninocamasoꞌ. Maꞌsona onpocamasoꞌ co nitotëramahuëꞌ. Co canpitaora nohuanton nanpiramahuëꞌ. Chitoroꞌ aꞌnaroáchin sacorinso pochachin aꞌnanaya aꞌnaquën chiminin.

Josué 24:29

Co huaꞌquiya quëranhuëꞌ Cosoisoꞌ chiminin. Pasa shonca piꞌipitapasoꞌ chiminin. Inasoꞌ, Yosë piyapinën ninin. Shaꞌhuitëranquëmaso chachin Non huiꞌnin.

1 Pedro 2:11

Nosororanquëmaꞌ iyaroꞌsaꞌ niꞌton, pënënaranquëmaꞌ. Quisocristo imatomaꞌ, co isoroꞌpaquë yaꞌhuëmiataramahuëꞌ. Yosëꞌpaꞌ yaꞌhuëmiataramasoꞌ. Napoaton ama maꞌsha isoroꞌpaquë yaꞌhuërinsopitaráchin yonquicosohuëꞌ. Isoroꞌpaquë noꞌpiápi, monshihuanapi, taparosáchin nonatonaꞌ, capa cancantapi. Ama ina pochin cancantocosohuëꞌ. Ina pochin cancantohuatamaꞌ, sopai minsëarinquëmaꞌ, co Yosë pochin cancantaramahuëꞌ.