Génesis 47:4 - Chayahuita (Shahui)

⁴ Canaan parti yaꞌhuëpiraihuëꞌ, naꞌcon tanarotërai. Pastontaꞌ, ohuicaroꞌsa capacaisoꞌ, yanirin. Napoaton noꞌpanënquë oꞌmarai yaꞌhuapoi. Yosë marëꞌ nohuantëquëꞌ, Cosin parti yaꞌhuëꞌi topiraihuëꞌ, itopi.

Génesis 47:4 ပူးပေါင်းရင်းမြစ်များ

Génesis 12:10

Naporo tahuëriꞌsa ina parti panca tanarotopi. Napoaton Apran piyapinënpitarë chachin Iquipito parti yacapatacaiso marëꞌ paꞌpi. Yaꞌhuëpiquë co manta capacaiso yaꞌhuërinhuëꞌ niꞌton, inatohua paꞌpi.

Génesis 15:13

Naporoꞌ Siniorori itapon: —Aꞌna tahuëri shiparinpita, nisharoꞌsataquë yacapataponaꞌ. Inaquë piyapitatonaꞌ, camaiyaponaꞌ. Aparisitaponaꞌ. Catapini pasa piꞌi inapoaponaꞌ.

Génesis 43:1

Canaan parti co manta capacaso yaꞌhuërinhuëꞌ niꞌton, aquë aquëtë tanarotapi. Napoaton iꞌhua Iquipitoquë trico paꞌanpisoꞌ pëꞌyapi. Pëꞌyahuachinara, Cacoposoꞌ naquëranchin huiꞌninpita camaiantarin: —Paꞌmantatoma trico paꞌamantacoꞌ, itërin.

Génesis 45:10

Yaꞌipi huiꞌnanpita, shiaꞌhuaroꞌsaꞌ, inapitarë chachin, oꞌmacoꞌ. Pëꞌtahuanëmapita, maꞌshanëmapita, yaꞌipi yaꞌhuëtërinquëmasoꞌ, quiquiimacoꞌ. Oꞌmahuatamaꞌ, Cosin parti acoaranquëmaꞌ. Inapohuatamaꞌ, co aquëya quëranhuëꞌ niniꞌsáparihuaꞌ.

Génesis 47:5

Napotohuachinara, huaraonisoꞌ Cosi itapon: —Yacapainënquënso marëꞌ tataparin, iyaparinpita, inapita oꞌmapi. Nani oꞌmapi niꞌquëhuarëꞌ,

Salmos 105:23

Ina quëran Israironta inátohua paꞌmarin. Ina chachin Cacopo itopi antaꞌ. Paꞌmarahuaton nisharoꞌsa pochin Iquipitoquë yacapatërin. Iráca Noi huiꞌnin Camo itopisoꞌ noꞌpaꞌ maninquë yacapatërin.

Isaías 52:4

Yosëso chini chiníquën nanantaton naporin: “Piyapinëhuëpita yaꞌnan paꞌpachinara, Iquipitoquëꞌton paꞌpi. Inaquë nisharoꞌsa pochin yacapatopi. Ina piquëran asiriaroꞌsari topinan quëran aparisitopi.

Hechos 7:11

Naporoꞌ Iquipito parti cosharoꞌ co noya papotërinhuëꞌ. Huaꞌquiꞌ co mantaꞌ papotërinhuëꞌ niꞌton, tanarotopi. Canaan partintaꞌ capa cosharoꞌ. Shimashonënpoaꞌ co mantaꞌ yaꞌhuëtopihuëꞌ capacaisoꞌ. Parisitápi.

Hechos 7:6

Ina quëran Yosëri itantarin: “Aꞌna tahuëri quëma shiparinpita nisha parti yacapataponaꞌ. Inaquë nisha piyapiꞌsari chiníquën asacatapi. Co pahuërëaponaraihuëꞌ, asacatapi. Catapini pasa piꞌipi aparisitapi.

Deuteronomio 26:5

Nani Sinioro notënanquë acohuachina, iso pochin Sinioro nontaran: ‘Shimashonëhuëpitasoꞌ, Aran piyapiꞌsaꞌ. Caraíchin niꞌsoiꞌ, paatona patë patë́rantapi. Oshaquëran Iquipito roꞌtëquë yaꞌhuëcaiso marëꞌ paꞌmapi. Inaquë naꞌatona panca nacion tarancoantapi.