Génesis 47:30 - Chayahuita (Shahui)

³⁰ Shimashonëhuëpita quënanconaꞌhuaso tahuëri nanitohuachinco, Iquipito noꞌpa quëran quëpaco. Quëparahuatonco, inapita poꞌmopiquë, canta poꞌmoontaco, itërin. —Noyapaꞌ. Inapochinquën nipachin, itërin Cosiri.

Génesis 47:30 ပူးပေါင်းရင်းမြစ်များ

Génesis 15:15

Quëmaso nipirinhuëꞌ, noyá mashoya nicama huarëꞌ chiminapon. Co parisitaranhuëꞌ. Inapoaton shimashonënpita quënancoanan.

Génesis 23:17

Inapoaton Apraani, Ipron noꞌpanën Maquipiraquë yaꞌhuërinsoꞌ, paꞌanin. Ina noꞌpasoꞌ, insina nararo Mamiriri huaꞌanëntërin quëran, piꞌi pipirinso parti quëparitërin. Noꞌpaꞌ, nanin, nararoꞌsa inainpichin yaꞌhuërinsoꞌ, inapita Apraani huaꞌanëntërin huachi. Iti huaꞌanoꞌsari yaꞌipiya quëran nitotopi. Ninano yaꞌcoanataquëchin naꞌhuëpisopitantaꞌ, nitotopi.

Génesis 23:19

Nani anoyatahuaton Apraansoꞌ, Maquipira naninquë saꞌincoꞌ poꞌmorin huachi. Noꞌpaꞌ paꞌaninquë napotërin. Ina noꞌpasoꞌ shaꞌhuirahuëso chachin, Mamiriri huaꞌanëntërinso noꞌpa quëran, piꞌi pipirinso parti quëparitërin. Ina roꞌtësoꞌ, Ipron itopi antaꞌ. Canaan parti yaꞌhuërin.

Génesis 25:10

Ina noꞌpa chachin iráca Apraan nanpipon itiroꞌsaꞌ, paꞌantërin. Inaquë inantaꞌ, saꞌincoꞌ Sara itopisoꞌ pirayan, poꞌmopi.

Génesis 25:9

Huiꞌninpita: Isaco, Ismairo, inapitari, paꞌpitopi. Maquipira naninquë poꞌmopi. Maquipirasoꞌ, shaꞌhuirahuëso chachin, insina nararo Mamiriri huaꞌanëntërin quëran, piꞌi pipirinso parti quëparitërin. Soaro huiꞌnin Ipron itopisoari, ina noꞌpasoꞌ huaꞌanëntopirinhuëꞌ. (Inapitasoꞌ itiroꞌsaꞌ.)

Génesis 35:29

Noyá mashoya nicaquë huarëꞌ chiminin. Chiminpachina, huiꞌninpita Isao, Cacopo, inapitari nipaꞌpichantopisoꞌ naninquë poꞌmopi.

Génesis 50:25

Ina quëran iinpita camairin: “Yoscoarëꞌ taꞌtomaꞌ, nohuantërahuëso nitoco,” itërin. Napotohuachina: “Yoscoarëꞌ nohuantëransoꞌ, nisarai,” itopi. Naporoꞌ Cosiri itapon: “Tëhuënchachin Yosë oꞌmararin catahuainquëmaso marëꞌ. Ina tahuëri nanihuachin, nansënëhuë isëquëran quëpanantamaso yaꞌhuërin,” itërin.

2 Samuel 19:37

Iso tëhuënchinso natainquën. Yaꞌhuërahuë ninanoquë panantaꞌhuaso quëtoco. Inaquë chiminpato, quëmopinëhuëpita paꞌpichinaco. Shimashonëhuëpita poꞌmopiquë cantaꞌ, poꞌmoinaco. Huiꞌnahuë Quiman itërahuësoꞌ tëhuënchinsoꞌ yaꞌhuëarin. Inantaꞌ, carinquën natëranquënso pochin natëarinquën. Ina tëhuënchinsoꞌ imainquën. Imapachinquën nosoroaton catahuahuatan, noya nisarin topirahuë, itërin.

Nehemías 2:3

—Quëmasoꞌ huaꞌanëhuënquën. Nanpimiataton huaꞌanëntocoi. Iráca shimashonëhuëpita Quirosarinquë yaꞌhuëpi. Chiminpachinara, inaquëranchin nipaꞌpitopi. Inasoꞌ ninano pairanën, inimicoroꞌsari iráca ohuatopi. Onconanënpitanta ahuiquitopi. Ipora huanta ina chachin nisárin. ¡Napoaton iporasoꞌ, co nanitërahuëꞌ capa cancantaꞌhuasoꞌ! itërahuë. —¿Ma quërancha catahuainquën nicaya? itërinco copirno. Napotohuachincora, Yosë inápaquë yaꞌhuërinso nontahuato copirno natanahuë: —Noya niꞌpatancosoꞌ, onpopionta Cotia parti aꞌpaco pantaꞌi. Inaquë paato Quirosarin ninano anoyatontaꞌi, itërahuë.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.