Génesis 47:23 - Chayahuita (Shahui)

²³ Ina quëran Cosiri piyapiꞌsa itapon: —Iporasoꞌ, huaraon huaꞌanëntërinquëma huachi. Noꞌpanëmanta huaꞌanëntërin. Maꞌtana yaꞌpirin yaꞌhuëarin quëpatomaꞌ, shaꞌcoꞌ.

Génesis 47:23 ပူးပေါင်းရင်းမြစ်များ

Génesis 41:27

Canchisë ohuacaꞌ capa nishinahuën nansëyaráchin nipisontaꞌ, huaꞌnaran. Inapitasoꞌ, amoshinoꞌsa piquëran pipipi. Inapitanta canchisë piꞌipi chachin tapon naporin. Ina pochachin noya noyatërinsoꞌ trico motoꞌ pirayan, canchisë chachin papoantarin huaꞌnaran. Piꞌiri ahuiquitërinso pochin yaꞌnopisopitantaꞌ, ina chachin anitotërinpoaꞌ.

Génesis 45:6

Ipora huarëꞌ iso noꞌpaquë, cato piꞌipi nisarin tanarotopisoꞌ. Aꞌnatërápo piꞌi chachin, pahuanarin. Ina nápo piꞌi shaꞌtopirinahuëntaꞌ, co manta nitërinsoꞌ macaponahuëꞌ.

Génesis 47:22

Corto huaꞌanoꞌsa noꞌpanënáchin co Cosiri paꞌantërinhuëꞌ. Inapitasoꞌ huaraoni topinan trico quëtárin niꞌton, co noꞌpanëna paꞌanacaiso yaꞌhuërinhuëꞌ.

Génesis 47:24

Napoaponahuëꞌ, shaꞌnamasoꞌ nanitohuachin, aꞌnatërápo costaro quëran aꞌna costarora huaraon quëtamaso yaꞌhuërin. Catapini costaroso nipirinhuëꞌ, canpitaora marëꞌ nisarin. Huiꞌnamapita, yacaparinquëmasopita, inapitanta capacaiso marëꞌ nisarin. Naporahuaton ina quëran chachin shacacamaso yaꞌhuërin, itërin.

Eclesiastés 11:6

Napoaton tashiramiachin shaꞌtëquëꞌ. Iꞌhuanahuanquëntaꞌ, shaꞌtaantaquëꞌ. Co nitotërëhuahuëꞌ insoso noyatapon nimara. Yaꞌnan shaꞌnëhuaso aꞌna nimara, piquëran shaꞌtërëhuaso aꞌna nimara. Cato chachin aꞌna nimara.

Isaías 55:10

Ina quëran Sinioro taantarin: “Ocaiꞌ, oꞌnan, inapitaso inápa quëran anotërin. Napohuachina co topinan panantarinhuëꞌ. Isoroꞌpaꞌ ashipirotaton anoyatërin, yaꞌpirin apaporin, naporin. Nitohuachina, yaꞌpirin shacacaiso yaꞌhuërin. Cosharonta yaꞌhuërin huachi.

Mateo 24:45

Ina quëran itaantarin: “Niꞌcoꞌ, iyaroꞌsaꞌ. Oꞌmacaꞌhuasoꞌ tahuëri aꞌna patron pochin nisarahuë. Inasoꞌ aquë yapaꞌpachina, inpriatonën shaꞌhuitërin. ‘Piyapinëhuëpita noya niꞌquëꞌ. Cosharoꞌ, maꞌsha, inapita pahuantohuachinaꞌ, quëtëraꞌpiaquëꞌ,’ itahuaton, paꞌnin.

2 Corintios 9:10

Niꞌcoꞌ. Yosë nohuanton, yaꞌpirin yaꞌhuërin shacacaso marëꞌ. Shaꞌpatëra, ina nohuanton, naꞌa papotërin capacaso marëꞌ. Inapochachin ina nohuanton, maꞌsha yaꞌhuëtarinquëmaꞌ. Aꞌnapita topinan quëtohuatamaꞌ, Yosë catahuarinquëmaꞌ noya noya cancantacamaso marëꞌ.