Génesis 47:22 - Chayahuita (Shahui)

²² Corto huaꞌanoꞌsa noꞌpanënáchin co Cosiri paꞌantërinhuëꞌ. Inapitasoꞌ huaraoni topinan trico quëtárin niꞌton, co noꞌpanëna paꞌanacaiso yaꞌhuërinhuëꞌ.

Génesis 47:22 ပူးပေါင်းရင်းမြစ်များ

Génesis 14:18

Aꞌna copirnorintaꞌ, Apran nacapirin. Inasoꞌ, Miriquiso itopi. Sarimoquë copirno yaꞌconahuaton, corto huaꞌan nimantarin. Yosë chini chiníquën nanantërinso marëꞌ sacatërin. Inaso Apran aꞌcarahuaton, huinonta oꞌshitërin. Piyapinënpitantaꞌ, aꞌcarin, oꞌshitërin, napotërin.

Génesis 41:45

Copirnori, Cosi Iquipito nananquë nisha nininën acotërin: Sahuinato-paniya, itërin. Naporahuaton Potihuira huiꞌnin Asina itopisoꞌ acoantërin. Potihuirasoꞌ, On ninanoquë corto huaꞌan yaꞌconin. Ina pochin Cosi, yaꞌipi Iquipito noꞌpaꞌ huaꞌanëntacaso marëꞌ acopi.

Génesis 41:50

Coꞌhuara tanarotacaiso caniarichátërasohuëꞌ, Cosiso cato huiꞌninpita yaꞌhuëtërin.

Génesis 47:21

Naporahuaton yaꞌipi Iquipito noꞌpaquë iquipitoroꞌsa yaꞌhuërinsoꞌ, Cosiri paꞌanaton piyapitërin.

Génesis 47:23

Ina quëran Cosiri piyapiꞌsa itapon: —Iporasoꞌ, huaraon huaꞌanëntërinquëma huachi. Noꞌpanëmanta huaꞌanëntërin. Maꞌtana yaꞌpirin yaꞌhuëarin quëpatomaꞌ, shaꞌcoꞌ.

Génesis 47:26

Inapoaton Cosi camaitërin yaꞌipi Iquipito noꞌpaquë piyapinënpita maꞌsona nicacaisoꞌ. Shaꞌtopiso nanitohuachina, aꞌnatërápo costaro quëran, aꞌnara huaraon quëtacaiso yaꞌhuërin. Iso quirica ninshitasoco huarëntaꞌ, ina camaitërinsoꞌ, ipora huanta Iquipitoquëso ina chachin nisapi. Corto huaꞌanoꞌsaso nipirinhuëꞌ, co huaraon marëꞌ quëtacaiso yaꞌhuërinhuëꞌ. Inapita noꞌpanënasoꞌ, co huaraoni paꞌantërinhuëꞌ niꞌton, co quëtopihuëꞌ.

Esdras 7:24

Naporahuaton, isonta nitotocoꞌ: Corto huaꞌanoꞌsaꞌ, nihuiroꞌsaꞌ, cantanaꞌpiroꞌsaꞌ, yaꞌcoana aꞌpairoꞌsaꞌ, Yosë chinotacaso pëiquë sacatopisopita, inapitasoꞌ, co aꞌnapita pahuërërinacoso pochin pahuërëtapihuëꞌ. Apahuërëtohuatamasoꞌ, naꞌinaramaꞌ.

Mateo 10:10

Ama pëꞌpëto, pitana, sapatëꞌ, inapita quëpacosohuëꞌ. Ama aꞌmoramaso tërantaꞌ catoꞌ quëpacosohuëꞌ. ‘Asacatohuatëra, aꞌcacasoꞌ yaꞌhuërin,’ topi. Napoaton aꞌchintohuatamaꞌ, aꞌcaarinënquëmaꞌ, catahuaarinënquëmaꞌ ama maꞌsha pahuantinquëmaso marëhuëꞌ.

1 Corintios 9:13

Iráca aꞌnaquën Yosë chinotopiso pëiquë sacatohuachinara, inaquë chachin coshatopi. Maꞌsha Yosë chinotacaiso marëꞌ tëpahuachinara, patoma caꞌpi. Topinan quëtohuachinara, noya caꞌpi. Nani ina nitotëramaꞌ.

Gálatas 6:6

Aꞌnaquën paatonaꞌ, nani tahuëri Yosë nanamën aꞌchinápi. Aꞌchintohuachinquëmaꞌ, maꞌsha quëtocoꞌ ama pahuanchinasohuëꞌ.

Deuteronomio 12:19

Sinioro noꞌpaꞌ quëtarinquëmaquë yaꞌhuapoma pochin ama nihuiroꞌsa naniantocosohuëꞌ. Catahuaco ama pahuanchinasohuëꞌ.

2 Tesalonicenses 3:10

Canpitataquë yaꞌhuasocoi, pënënainquëmaꞌ. “Insosona co yasacatohuachinhuëꞌ, ama coshachinsohuëꞌ,” itërainquëmaꞌ.

1 Timoteo 5:17

Aꞌnaquën ansianoꞌsaꞌ noya noya Yosë marëꞌ sacatopi. Paatonaꞌ, nani tahuëri aꞌchinápi, pënëntápi. Inapita noya noya niꞌcoꞌ.