Génesis 47:2 - Chayahuita (Shahui)

² Ina piquëran aꞌnatërápo iinpita huayonin. Huayonahuaton, huaraoni nohuitacaso marëꞌ quëparin.

Génesis 47:2 ပူးပေါင်းရင်းမြစ်များ

Génesis 46:33

Napotohuato, huaraon përasarinquëmaꞌ. Përatënquëmaꞌ maquësona sacatëramasoꞌ natanpachinquëmaꞌ: “Quiyasoꞌ, shimashonëhuëipita pochachin, ohuica pëꞌtahuanaꞌpiroꞌsacoi,” itocoꞌ. Napohuatamaꞌ, Cosin partiquë yaꞌhuapomaꞌ. Iquipitoroꞌsasoꞌ, ohuica pëꞌtahuanaꞌpiroꞌsarëꞌ, napopináchin yaꞌhuëcaisoꞌ, naꞌin. Napohuatamaꞌ, canpitaráchin inaquë yaꞌhuapomaꞌ, itërin.

Hechos 7:13

Ina quëran pëꞌyahuachinara, paꞌpini aꞌpaantarin. Naporoꞌ Cosiri shaꞌhuitërin. “Casoꞌ co nishacohuëꞌ. Cosico. Iyaya, itoco,” itërin. Copirnontaꞌ iinpita anohuitërin.

2 Corintios 4:14

Tëpapirinacoihuëntaꞌ, Quisocristo imarai niꞌtoi, Yosë ananpitaantarincoi, tënai. Iráca Quisocristo ananpitaantarinsoꞌ pochin quiyantaꞌ ananpitaantarincoi. Yosëꞌpaꞌ quëpantarincoi. Canpitaroꞌcoi chachin yaꞌhuëcontarihua huachi.

Colosenses 1:28

Napoaton Quisocristo nanamën aꞌchinárai. Yaꞌipi piyapi pënënárai. Noya yonquiatoi, aꞌchintarai Quisocristo imacaiso marëꞌ. Ina imapatamaꞌ, noya noya cancantaramaꞌ.

Judas 1:24

Tata Yosësoꞌ yaꞌipi nanitaparin. Noya aꞌpaiarinquëmaꞌ ama anotërëso pochin tëhuëcamaso marëhuëꞌ. Catahuahuachinpoaꞌ, co sopai minsëarinpoahuëꞌ. Noya noya tapararinpoaꞌ imamiatacaso marëꞌ. Aꞌna tahuëri yaꞌhuërinquë noya niꞌsarinpoaꞌ. Inatohuasoꞌ noya noya. Capa cancantarihuaꞌ. Tata Yosëíchin huaꞌanëntërinpoaꞌ. Ina nohuanton, Quisocristo nichaꞌësarinpoaꞌ. Inasáchin catahuarinpoaꞌ noya chinotacasoꞌ. Ma noyacha Tata Yosëso paya. Iráca quëra huarëꞌ chini chiníquën nanantërin. Noya noya niꞌton, yaꞌipi piyapiꞌsari chinochinaꞌ. Inasáchin natëahuaꞌ. Ama onporontaꞌ naniantahuasohuëꞌ. Amen. Nani huachi. Cotasë