Génesis 47:14 - Chayahuita (Shahui)

¹⁴ Inaquëpita yaꞌhuëpisopita, Cositaquë trico paꞌanápirinahuëꞌ, niiꞌquianapi huachi. Yaꞌipi coriqui trico marëꞌ pahuërëtopisoꞌ, Cosiso yontonin. Yontonahuaton huaraon pëinënquë taparin.

Génesis 47:14 ပူးပေါင်းရင်းမြစ်များ

Génesis 41:56

Yaꞌipi Iquipito noꞌpaquë piyapiꞌsa tanarotacaiso caniaritohuachina, Cosiso chirinchiroꞌsa camairin: “Cosharo taparëhuaso pëiroꞌsa iꞌsoatatomaꞌ, yaꞌhuëhuanoꞌsa paꞌantocoꞌ,” itërin. Aquë aquëtë tanarotapi niꞌton, paꞌantapi huachi.

Génesis 41:57

Naporahuaton yaꞌipi parti quëran huëꞌsapi. Cosi trico taparinsoꞌ paꞌantacaiso marëꞌ Iquipitoquë huëꞌsapi. Co inso noꞌpaquë tërantaꞌ, cosharo noyatërinhuëꞌ niꞌton, naporapi huachi.

Génesis 47:15

Cananoꞌsaꞌ, iquipitoroꞌsaꞌ, inapita coriquinëna iꞌquihuachinara, iquipitoroꞌsasoꞌ, Cosi nontapona paꞌpi: —¡Yosë marëꞌ cosharo quëtocoi! Capa niiꞌquianarai huachi. Capa coriqui niꞌton, co huachi cosharo quëtohuatancoihuëꞌ, tana tëpaponcoi quiyasoꞌ. Ina marëꞌ quëmanta co huachi noya nisaranhuëꞌ, itopi.

1 Corintios 4:2

Inpriatonpoꞌ nipatëra, huaꞌanënpoꞌ noꞌtëquën natëcasoꞌ yaꞌhuërin. Inapochachin Yosë huaꞌanëntërincoi niꞌton, inasáchin natëcasoꞌ yaꞌhuërin.

1 Pedro 4:10

Yosë imarëhuasopita acorinpoaꞌ nisha nisha nicacasoꞌ. Inaora nohuanton, aꞌnaya aꞌnayanpoaꞌ catahuarinpoaꞌ maꞌsona nohuantërinsoꞌ nitotacasoꞌ. Napoaton ama topinan quëran yaꞌhuëcosohuëꞌ. Maꞌsona nitotohuatamaꞌ, noya nicoꞌ aꞌnapita catahuacaso marëꞌ. Noya noya imacamaso marëꞌ nicatahuacoꞌ.