Génesis 46:5 - Chayahuita (Shahui)

⁵ Ina quëran Cacoposoꞌ, Piirsipa quëran paantarin. Huiꞌninpitari toronanquë aꞌmitopi. Huaraoni quëpamacaiso marëꞌ toronanoꞌsa aꞌpatontarinquë, inapotopi. Saꞌinaꞌ, huiꞌninaꞌ, inapitanta aꞌmitopi.

Génesis 46:5 ပူးပေါင်းရင်းမြစ်များ

Génesis 21:14

Tahuëririnquë tashiramiachin Apraansoꞌ, Acara quëtacaso marëꞌ cosharo manin. Aꞌnara shaꞌhuëtë morsaquë iꞌsha taꞌpanahuaton, quëtërin. Huiꞌnionta Ismairo itërinsoꞌ, aꞌpaantërin quëpacaso marëꞌ. Inahuaso paꞌpachinara, Piirsipa inotëro parti chihuëatonaꞌ, topinan paꞌsápi.

Génesis 45:19

Saꞌinaꞌ, huiꞌninaꞌ, paꞌpinaꞌ, inapita quëmacaiso marëꞌ, camaiquë toronanoꞌsa isëran quëpaꞌinaꞌ. Shaꞌhuitëquë aꞌnaroáchin huëꞌinaꞌ.

Génesis 45:21

Napotohuachina, Cacopo huiꞌninpitasoꞌ ina inachachin nipi. Huaraon camaitërinso chachin, Cosiri toronanoꞌsa quëtërin. Naporahuaton cosharo iraquë caracaisontaꞌ, quëtërin.

Génesis 45:27

Napoaponahuëꞌ, Cosiri nanan aꞌpatërinso natanin. Ina natanahuaton, toronanoꞌsa quëpamacaiso marëꞌ aꞌpatontarinsontaꞌ, niꞌnin. Naporo huarëꞌ capa cancantomiatërin huachi.

Éxodo 10:24

Naporoꞌ copirnosoꞌ, Moisësë amataantarin. Huëꞌpachina itapon: —Paco nipachin Yosënëma chinotocoꞌ. Huaꞌhuaroꞌsanta quëpacoꞌ. Napoaponahuëꞌ, ama ohuacanëmaꞌ, ohuicanëmaꞌ, inapitaso quëpacosohuëꞌ, itërin.

Hechos 7:15

“Huëquëꞌ, tata, isëquë yaꞌhuëaꞌahuaꞌ,” itohuachina, Cacopontaꞌ Iquipitoꞌpaꞌ paꞌmarin. Yaꞌipiya paꞌmapi. Inatohuaꞌ Cacopo chiminin. Yaꞌipi shimashonënpoantaꞌ inaquë yaꞌhuërapi quëran chiminpi.

1 Samuel 12:8

Cacopo huiꞌninpita, shinpita, inapita iráca Iquipitoquë paꞌpi. Paꞌpachinara, iquipitoroꞌsari chiníquën aparisitopi. Inapotohuachinara shimashonënpoapitasoꞌ, Sinioro nontopi huachi. Inariso natanahuaton, Moisësë, Aaron, inapita acorin catahuacaiso marëꞌ. Inapitari Iquipito quëran ocoirahuatonaꞌ, shimashonënpoapitasoꞌ iso noꞌpaquë yaꞌhuëcaiso marëꞌ quëpi.