Génesis 46:29 - Chayahuita (Shahui)

²⁹ Iin cantomarahuaton Cotasoꞌ, paꞌpini nanan aꞌpatërinso shaꞌhuitërin. Shaꞌhuitohuachina Cosisoꞌ, aꞌnaroáchin piyapinënpita camairin toronanën tapacaiso marëꞌ. Inaquë huënsërahuaton, Cotarë chachin paꞌnin. Paꞌsahuaton paꞌpin quënanconpachina, iporin. Iporinquëranchin huaꞌqui naꞌnërárin.

Génesis 46:29 ပူးပေါင်းရင်းမြစ်များ

Génesis 33:4

Cacoposoꞌ tëꞌhuaton naporin. Napopirinhuë Isaorisoꞌ, taꞌaquirahuaton iin iporin. Iporahuaton, apinorin, naporin. Cato chachin noya ancantatonaꞌ, ninaꞌnëtopi.

Génesis 41:43

Ina quëran, toronanëhuëquë paꞌpatora, imaquirinso toronanquë ananpëcoꞌ. Inapotahuatomaꞌ, quëpacoꞌ. Ina quëpasëmaꞌ, piyapinëhuëpitari chiníquën shaꞌhuiinaꞌ: ‘¡Isoncoꞌ!’ tëraꞌinaꞌ,” itërin. Ina pochin copirnori Cosi acorin yaꞌipi Iquipito noꞌpaquë, camaitacaso marëꞌ.

Génesis 45:19

Saꞌinaꞌ, huiꞌninaꞌ, paꞌpinaꞌ, inapita quëmacaiso marëꞌ, camaiquë toronanoꞌsa isëran quëpaꞌinaꞌ. Shaꞌhuitëquë aꞌnaroáchin huëꞌinaꞌ.

Génesis 45:2

Shaꞌhuiton Cosisoꞌ, naꞌnëmiatarin huachi. Chiníquën naꞌnërin niꞌton, yaꞌipi iquipitoroꞌsa nitotopi. Huaraon pëinënquë huarëꞌ aꞌnaquënso paꞌsahuatonaꞌ, shaꞌhuitonpi.

Génesis 45:21

Napotohuachina, Cacopo huiꞌninpitasoꞌ ina inachachin nipi. Huaraon camaitërinso chachin, Cosiri toronanoꞌsa quëtërin. Naporahuaton cosharo iraquë caracaisontaꞌ, quëtërin.

Génesis 46:30

Naporoꞌ Cacopori, itapon: —Ayapiranhuëꞌ, quënaantaranquën niꞌton: ¡Iporasoꞌ chiminpatonta noyatapon huachi tënahuë! tënin.

Génesis 50:9

Sontaroꞌsantaꞌ, aꞌnaquën toronanoꞌsaquë, aꞌnaquënso cahuarioroꞌsaquë, Cosi caꞌtanpi. Napoaton huaꞌhuayátërahuë piyapiꞌsa paꞌpi.

Lucas 15:20

Ina quëran paꞌpin yaꞌhuërinꞌpaꞌ paantarin. Yaꞌcaritëriahuasoꞌ, aquë quëran paꞌpini quënanin. Quënanahuaton, naꞌcon nosoroaton, taꞌaparin. Iporahuaton, apinorin.

Hechos 20:37

Naporoꞌ yaꞌipiya sëtatonaꞌ, naꞌnëpi. Paono iporahuatonaꞌ, apinopi.