Génesis 46:2 - Chayahuita (Shahui)

² Naporo tashi Yosëri huaꞌnarëso pochin yaꞌnotërin. Yaꞌnotahuaton, nininën quëran përarin: “Cacopo” itërin. Napotohuachina, inariso itapon: —Maꞌta Sinioro yaꞌhuarahuë, itërin.

Génesis 46:2 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 15:13

Naporoꞌ Siniorori itapon: —Aꞌna tahuëri shiparinpita, nisharoꞌsataquë yacapataponaꞌ. Inaquë piyapitatonaꞌ, camaiyaponaꞌ. Aparisitaponaꞌ. Catapini pasa piꞌi inapoaponaꞌ.

Génesis 20:3

Napoaponahuëꞌ, naporo tashi chachin Yosëri huëꞌënquë pënënin: “Quëmaso chiminaran. Sanapi mananso soꞌyahuan niꞌton, chiminamaso yaꞌhuërin,” itërin.

Génesis 22:1

Ina piquëran Yosëri: “¿Tëhuënchachin taꞌma Apraan natërinco to?” taꞌton, tënicaso marëꞌ përarin: —Apraan, itërin. —Maꞌta Sinioro yaꞌhuëarahuë, tënin Apraan.

Génesis 22:11

Naporo chachin Sinioro anquëninëni, inápa quëran përarin: —¡Apraan! ¡Apraan! itërin. —Maꞌta Sinioro yaꞌhuëarahuë, itërin Apraani.

Génesis 31:11

Naporo chachin Yosë anquëninën përarinco: “¡Cacopo!” itërinco. Itohuachincora: “Isëquë nisarahuë,” itërahuë.

Copo naporinso' 4:13

Yono tashi piyapiꞌsa huëꞌësoiꞌ, huëꞌëhuëquë nocorinco. Capayatohuatora, paꞌyan tënahuë.

Daniel 2:19

Naporo tashi Siniorori huaꞌnarëso pochin yaꞌnotahuaton, yaꞌipi anitotërin. Napoaton “Yosparinquën,” itaton, iso pochin Yosë nontërin: “¡Ma noyanquëncha quëmaso Sinioro paya! Quëmasáchin yaꞌipi piyapiꞌsa chinochinën. Yaꞌipi nitotëran. Yaꞌipi nanitaparan.

Números 24:4

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso yaꞌipi nanitaparin.

Hechos 10:13

Ina quëran noninsoꞌ natanin. “Huanirahuaton Pitro, tëpaton caꞌquëꞌ,” itërin.

Hechos 10:3

Piꞌi tëhuërënahuasoꞌ, co huëꞌëponahuëꞌ, huaꞌnarëso pochin aꞌninquëchin quënanin. Yosë anquëninëni huëcapaimarahuaton: “¡Cornirio!” itërin.

Hechos 16:9

Inaquë Yosë nohuanton, tashiꞌ Paono huaꞌnarëso pochin quënanin. Masitonia piyapi huaniarin, quënanin. “Huëquëꞌ isëquë. Nosoroatoncoi, catahuacoi,” itërin.

Hechos 9:10

Ina ninanoquë chachin aꞌna quëmapi yaꞌhuërin, Quisoso imarinsoꞌ. Ananiasë itopi. Yosë nohuanton, co huëꞌëponahuëꞌ, huaꞌnarëso pochin niꞌnin. Nontërinsontaꞌ natanin. “Ananiasë, ¿yaꞌhuaran?” itërin Quisosori. “Yaꞌhuarahuë Sinioro,” itërin inarintaꞌ.

Hechos 9:4

Noꞌpaquë anotahuaton, inápa quëran nontërinsoꞌ natanin. “Saono, Saono, ¿onpoatontaꞌ aparisitaranco?” itërin.

Jueces 7:2

Naporoꞌ Siniorori, Quitiono itapon: “Notohuaroꞌ sontaroꞌsa quësaran. Ina nápo chachin ahuëtopiquë matianoꞌsa minsëamaso catahuahuatënquëmaꞌ, sontaronënpitasoꞌ nocantapi: ‘Co Yosë catahuapirincoihuëꞌ, quiyaora ahuëtatoi canatërai,’ tëcaponaꞌ.

Jueces 7:9

Naporo tashi Siniorori Quitiono camaiapon: “Huënsërahuaton matianoꞌsa ahuëcaso marëꞌ paꞌmaquëꞌ. Carinquën catahuaranquën inapita minsëamasoꞌ.

1 Samuel 3:10

Ina quëran Sinioroso huëantarahuaton, achin pochin përaantarin: —¡Samoiro! ¡Samoiro! itaantarin. —Nontoco Sinioro, caso piyapinënco niꞌto, natanaranquën, itërin

1 Samuel 3:4

Naporoꞌ Siniorori përaton itapon: —¡Samoiro! itërin. Inasoꞌ capayatahuaton: —Maꞌta api yaꞌhuëarahuë, tënin.