Génesis 46:1 - Chayahuita (Shahui)

¹ Cacoposoꞌ yaꞌipi huëntonënë chachin paꞌsarin. Yaꞌipi maꞌshanënpitarëꞌ paꞌsarin. Piirsipaquë canconpachinara, maꞌsha tëparin. Tëparahuaton, paꞌpincoꞌ Yosë chinotërinso chachin chinotërin.

Génesis 46:1 ပူးပေါင်းရင်းမြစ်များ

Génesis 12:8

Ina quëran motopiroꞌsa parti paꞌpi. Ina motopiroꞌsasoꞌ, Pitiri ninano quëran, piꞌi pipirinso parti quëparitërin. Inaquë nëꞌmëtë pëiroꞌsa otënpi yaꞌhuëcaiso marëꞌ. Pitiri ninanosoꞌ, piꞌi yaꞌconinso parti acorahuatonaꞌ, Ai ninanontaꞌ, piꞌi pipirinso parti acopi. Ina huancánachin yaꞌhuëipi. Inaquë naquëranchin Apran Sinioro chinotacaso marëꞌ aꞌna yaꞌhuërëꞌ artaro niantarin.

Génesis 21:14

Tahuëririnquë tashiramiachin Apraansoꞌ, Acara quëtacaso marëꞌ cosharo manin. Aꞌnara shaꞌhuëtë morsaquë iꞌsha taꞌpanahuaton, quëtërin. Huiꞌnionta Ismairo itërinsoꞌ, aꞌpaantërin quëpacaso marëꞌ. Inahuaso paꞌpachinara, Piirsipa inotëro parti chihuëatonaꞌ, topinan paꞌsápi.

Génesis 21:31

Napoaton ina roꞌtësoꞌ, Piirsipa itopi. Inaquë cato chachin Yoscoarëꞌ taꞌtonaꞌ, anoyatopi niꞌton, ina pochin nohuitopi.

Génesis 21:33

Nani paꞌpachinara, Apraanso inaranchin Sinioro chinotërin. Inasoꞌ: “Yosë yaꞌhuëmiatërinsoꞌ,” itopi antaꞌ. Inaquë chinotaton, aꞌnara tamarisco nara shaꞌnin. Nani shaꞌhuirahuë chachin ina noꞌpasoꞌ, Piirsipa itopi.

Génesis 22:13

Naporoꞌ Apraan tahuërërahuaton niꞌpirinhuëꞌ, aꞌnara carniro quënanin. Yosë nohuanton pomonën quëran, naraꞌhuaya sëꞌpaquënquë aꞌtënin. Ina masahuaton huiꞌnin yaꞌhuërënamën tëparin. Inapotaton, Yosë chinotacaso marëꞌ yaꞌipi ahuiquitërin.

Génesis 28:10

Cacopo Piirsipa quëran pipirahuaton, Aran ira paꞌtërin. Iꞌhuatohuachina, quëparitërin huëꞌëton pacacaso marëꞌ. Aꞌnara naꞌpi masahuaton, motoantacaso marëꞌ acorin. Ina motoantaton huëꞌërin.

Génesis 28:13

Naporahuaton, Sinioro chachiontaꞌ, ina pirayan huaniarin niꞌnin. Inari nontaton, itapon: “Caso Sinioroco. Quëmaquën Tata masho, Apraan itopisoꞌ chinotërinco. Tata parionta chinotërinco. Quëhuëntëransoꞌ noꞌpaꞌ quëtaranquën. Shiparinpitantaꞌ, iso noꞌpa chachin huaꞌanëntaponaꞌ. Isoso noꞌpaꞌ, Canaan itopi.

Génesis 31:42

Apraan chinotërinso catahuarinco. Tata Isacontaꞌ, inachachin chinotërin. Coꞌsoꞌ ina catahuarincohuë naporini, topinamiáchin yaꞌhuërahuëquë aꞌpaꞌitoncohuëꞌ. Yosëso nipirinhuëꞌ, parisitërahuësoꞌ nitotërin. Chiníquën sacatato maꞌsha yaꞌhuëtërincosontaꞌ, nitotërin. Napoaton achin tashi pënëninquën, itërin Cacopori.

Génesis 31:53

Canpo capini nanan yaꞌhuëhuachin, Yosë chachin anitochinpoꞌ, inquënposona tëhuërësoꞌ. Ina Yosë chachin quëmaquën tata masho Apraan, chinotërin. Caquën tata masho Nacoronta chinotërin. Inquënposo tëhuëhuatëꞌ, ina chachin anaꞌinchinpoꞌ, itërin. Napotohuachina, Cacoposoꞌ: “Caquën tata chinotërinso niꞌsárinco niꞌton, co napoarahuëꞌ,” tënin.

Génesis 33:20

Ina piquëran Cacoposoꞌ, Yosë chinotacaso marëꞌ aꞌnara artaro ninin. Ina nisahuaton aninihuanin: Ir Iroi Israiro, itërin.

Génesis 35:3

Manóton Pitiriquë paꞌahuaꞌ. Inaquë Yosë chinotaꞌhuaso marëꞌ artaro nicaꞌhuaso yaꞌhuërin. Iráca nanan yaꞌhuëtaponco, Yosëso naꞌcon catahuarinco. Naporahuaton, itohua itohua paꞌnahuëquë, caꞌtanatonco catahuarinco, itërin.

Génesis 35:7

Inaquë canconahuaton, artaro ninin huachi. Inaquë Yosë chinotërin niꞌton, ina roꞌtë aninihuanin: “Iri Pitiri” itërin. Iráca iin tëꞌhuataton taꞌananpihuachina, inaquë chachin Yosëri huëꞌënquë yaꞌnotërin niꞌton, napo nohuitërin.

Génesis 4:4

Apiriso nipirinhuëꞌ, ohuicanënpita yaꞌnan huaꞌhuatopiso quënin. Amo amoshin nininsopita Yosë chinotaton tëpacaso marëꞌ quënin. Yosëso Apiri nóya niꞌnin. Ofrendanëonta nóya niꞌnin.

Génesis 45:28

Capa cancantaton tapon: “¡Tëhuënchachin Cosi nanpiárin! Coꞌhuara chimiantërasocohuëꞌ paꞌmato nimai,” tënin.

Génesis 8:20

Nani pipihuachinara, Noiso aꞌnara artaro ninin. Yosë chinotacaso marëꞌ maꞌsharoꞌsa tëpacaiso nipisopita masahuaton, tëparin. Anpiantëhuanoꞌsantaꞌ, manin. Aꞌnaya aꞌnaya nisha nisha nipisopita quëran tëparin. Tëparahuaton, Sinioro chinotacaso marëꞌ artaro aipi yaꞌipi ahuiquitërin.

Copo naporinso' 1:5

Nipërapiso tahuëriꞌsa naꞌhuëhuachina, Coposo tashíramiachin huënsëintarin. Yaꞌipi huiꞌninpita amatahuaton aꞌnaya aꞌnaya marëꞌ maꞌsharoꞌsa tëparin. Inapotahuaton oshanëna marëꞌ yaꞌipi ahuiquitërin: “Tapona huiꞌnahuëpitasoꞌ, cancanëna quëran Yosë noꞌhuitonaꞌ, pinoápirinahuëꞌ,” taꞌton naporin. Nani nichicoshatopiquë naporin.

Copo naporinso' 42:8

Noꞌhuiranquëmasoꞌ sanocaꞌhuaso marëꞌ, isopocoꞌ: Canchisë toro, nápo chachin carnironta quëpatomaꞌ, Copo niꞌconcoꞌ. Inari canpita marëꞌ inapita tëparahuaton yaꞌipi ahuiquitapon. Inapotahuaton canpita marëꞌ nontarinco. Nontohuachinco, noya natanahuato co maꞌsha onpotaranquëmahuëꞌ. Co noꞌtëquën yonquirapitomacohuëꞌ Copo shaꞌhuitëramaso marëꞌ, naꞌinamaꞌ. Napopiramahuëꞌ, co maꞌsha onpotaranquëmahuëꞌ. Coposoꞌ, noꞌtëquën yonquiarapitonco shaꞌhuirin,” itërin.

Amós 7:9

Isaco quëran pipipisopita mamanshi moshacaiso marëꞌ inahuara nohuanton artaroroꞌsa acopi. Inapitasoꞌ, yaꞌipi taꞌhuantaponaꞌ. Israiroꞌsa mamanshi moshacaiso marëꞌ pëipisopitantaꞌ, tapiarahuë. Quiropoamo copirno quëmopinënpitantaꞌ, co huachi israiroꞌsa huaꞌanëntaponahuëꞌ, tënin.

Hechos 7:15

“Huëquëꞌ, tata, isëquë yaꞌhuëaꞌahuaꞌ,” itohuachina, Cacopontaꞌ Iquipitoꞌpaꞌ paꞌmarin. Yaꞌipiya paꞌmapi. Inatohuaꞌ Cacopo chiminin. Yaꞌipi shimashonënpoantaꞌ inaquë yaꞌhuërapi quëran chiminpi.

Josué 24:4

Isaconta ca nohuanton cato huiꞌnahuanin. Cacopo, Isao, inapita. Isaosoꞌ, Sëir motopiroꞌsa parti noꞌpaꞌ quëtërahuë. Cacoposo napoaponahuëꞌ, huiꞌninpitarë chachin Iquipitoquë paꞌmapi.

1 Samuel 3:20

Yaꞌipi israiroꞌsari Samoiro natëpi: “Tëhuënchachin inasoꞌ, Yosëri anitotërinso shaꞌhuitërinpoaꞌ,” topi. Tano ninano quëran, Piirsipa ninanoquë huarëꞌ israiroꞌsa napopi.

1 Samuel 8:2

Paninansoꞌ, Coiro itërin. Ina quëran niantarinsosoꞌ, Apiasë itopi. Inapitaso Piirsipaquë yaꞌhuëatonaꞌ, huaꞌanëntopi.