Génesis 45:6 - Chayahuita (Shahui)

⁶ Ipora huarëꞌ iso noꞌpaquë, cato piꞌipi nisarin tanarotopisoꞌ. Aꞌnatërápo piꞌi chachin, pahuanarin. Ina nápo piꞌi shaꞌtopirinahuëntaꞌ, co manta nitërinsoꞌ macaponahuëꞌ.

Génesis 45:6 ပူးပေါင်းရင်းမြစ်များ

Génesis 37:2

Cacopo huiꞌninpita naporinso shaꞌhuichinquëma nitotocoꞌ. Cosi shonca canchisë piꞌipitapon pochin, iinpitarë chachin paꞌpin ohuicanënpita aꞌpairin. Paꞌpin cosonanënpita: Pira, Siripa, inapita huaꞌhuinpitarëꞌ aꞌpairin. Iinpitaso co noyahuëꞌ nipi niꞌton, Cosisoꞌ paꞌpinquë yáshaꞌhuirapirin.

Génesis 41:35

Naporoꞌ piꞌipiroꞌsaquë trico yontonpisoꞌ, niquë tapainaꞌ. Quëma chachin anitotahuatënën, ninanoroꞌsaquë tapainaꞌ. Tanaro tahuëriꞌsa canquihuachina, capacaiso marëꞌ inapoꞌinaꞌ.

Génesis 41:46

Cosi cara shonca piꞌipitohuachina, Iquipito copirno marëꞌ caniaritërin sacatacasoꞌ. Nani acohuachina, huaraon nontahuaton caniaritërin yaꞌipi Iquipito noꞌpaꞌ paꞌtacasoꞌ.

Génesis 41:53

Canchisë piꞌipi Iquipitoquë maꞌsha noya noyatacaisoꞌ piꞌipiroꞌsaꞌ, naꞌhuërin huachi.

Génesis 41:54

Naporoꞌ Cosi naporinso chachin, tanarotacaiso caniaritërin. Canchisë piꞌipi chachin naporin. Yaꞌipi aꞌnapita noꞌparoꞌsaquëntaꞌ, tanarotopi. Iquipitoquëráchin cosharo tapapinan yaꞌhuërin.

Génesis 41:56

Yaꞌipi Iquipito noꞌpaquë piyapiꞌsa tanarotacaiso caniaritohuachina, Cosiso chirinchiroꞌsa camairin: “Cosharo taparëhuaso pëiroꞌsa iꞌsoatatomaꞌ, yaꞌhuëhuanoꞌsa paꞌantocoꞌ,” itërin. Aquë aquëtë tanarotapi niꞌton, paꞌantapi huachi.

Génesis 47:18

Ina piꞌi naꞌhuëanatopi. Aꞌna piꞌi maantarinquë naquëranchin iquipitoroꞌsasoꞌ, Cosi paapantapi nontaantacaiso marëꞌ: —Nani quëma nitotëran capa coriqui yaꞌhuëtërincoisohuëꞌ. Yaꞌipi pëꞌtahuanëhuëipitanta canpitanquën ninin. Co huachi maꞌsha tëranta yaꞌhuëtërincoihuëꞌ pahuërëtaꞌhuaisoꞌ. Noꞌpanëhuëíchin yaꞌhuërin. Naporahuaton quiyanta yaꞌhuëarai.

Génesis 47:23

Ina quëran Cosiri piyapiꞌsa itapon: —Iporasoꞌ, huaraon huaꞌanëntërinquëma huachi. Noꞌpanëmanta huaꞌanëntërin. Maꞌtana yaꞌpirin yaꞌhuëarin quëpatomaꞌ, shaꞌcoꞌ.

Éxodo 34:21

Saota tahuëri sacataramaꞌ. Tahuëririnquëso nipirinhuëꞌ, chinotaramaꞌ. Shaꞌto tahuëri nisapirinhuëꞌ, chinotocoꞌ. Nitërinsoꞌ macamaso tahuëri nisapirinhuë tërantaꞌ, chinotacaso yaꞌhuërin.

1 Samuel 8:12

Aꞌnaquëntaꞌ, huaranca sontaroꞌsa camaiapon. Aꞌnaquënsoꞌ, aꞌnatërápo shonca camaiapon. Aꞌnaquëontaꞌ, iminënpitaquë noꞌpaꞌ ohuërëaton shaꞌtapon. Nitërinsopitanta macapon, napoapon. Aꞌnaquënsoꞌ, ahuëtacaiso marëꞌ ohuarapisopita nitaponaꞌ. Naporahuaton ahuëtacaiso toronanënpita maquënpitasona nininsoꞌ, nitaponaꞌ.