Génesis 45:5 - Chayahuita (Shahui)

⁵ Napotëramacoso marëꞌ ama canpitaora ninoꞌhuicosohuëꞌ. Co canpitaso yonquipiramahuëꞌ, Yosë chachin aquëchitiirinco. Notohuaroꞌ piyapiꞌsa ananpicaso marëꞌ aquëchitërinco.

Génesis 45:5 ပူးပေါင်းရင်းမြစ်များ

Génesis 37:28

Nicatonoꞌsa inataquëchin naꞌhuërahuachinara, iinpitari Cosi ocoipi. Yaninantë poso quëran ocoirahuatonaꞌ, nicatonoꞌsa paꞌantopi. Cato shoncatë coriqui pahuërëtohuachinara, Iquipitoquë quëpapi huachi.

Génesis 47:25

Napotohuachina, inapitaso taantapi: —Noyapaꞌ. Inapochin nisarai. Quëmaso noya piyapinquën niꞌton, tana tëpaincoiso nipirinhuëꞌ, nichaꞌërancoi. ¡Huaraon nipachin piyapichincoi! itopi.

Génesis 50:19

Napotopirinahuëꞌ, Cosiriso itapon: —Ama iyaroꞌsa paꞌyancosohuëꞌ. Caso piyapico niꞌto, co nanitërahuëꞌ Yosë yaꞌhuërënamën pochin nicaꞌhuasoꞌ.

Génesis 50:20

Canpitaso mini, maꞌsha onpotamacoso yonquipiramahuëꞌ, Yosëso nipirinhuëꞌ, inaporamaso anoyatërin. Ama notohuaroꞌ piyapiꞌsa taquicaiso marëhuëꞌ, inaporin.

Génesis 50:21

Napoaton ama paꞌyancosohuëꞌ. Carinquëma cosharo quëtáponquëmaꞌ. Huiꞌnamapitanta quëtapo. Naponontaton, Cosiso iinpita asanocancanin. Noyasha nontërin.

2 Samuel 12:12

Quëmasoꞌ poꞌoana quëran naporan. Caso nipirinhuëꞌ, yaꞌipi israiroꞌsa niꞌtonënquë tahuëri anaꞌintaranquën,” tënin Sinioro, itërin. Napotohuachina: “Tëhuënchachin naporahuë,” taꞌton, Natan itapon: —Tëhuënchachin co Sinioro natëtohuëꞌ oshahuanahuë, itërin. Napotohuachina inari itapon: —Inaporanso marëꞌ chiminamaso yaꞌhuëpirinhuëꞌ, Sinioro co ina pochin anaꞌintarinquënhuëꞌ.

2 Samuel 17:14

Apësaron, Israiro ansianoꞌsaꞌ, inapitaso Osai naporinso natanpi. Ina natanatonaꞌ: “Osaicha, Aitohuiro quëran noya noya pënëninpoa paya,” topi. Aitohuirori noꞌtëquën pënënpirinhuëꞌ, Sinioro nohuanton co ina imapihuëꞌ. Tapiri, Apësaron canacaso marëꞌ naporin.

Copo naporinso' 1:21

—Ipora huaꞌhuatapo, co manta yaꞌhuëtërincohuëꞌ. Chiminpatontaꞌ, co manta quëpapohuëꞌ. Sinioro nohuanton maꞌsha yaꞌhuëtopirincohuëꞌ, ina nohuanton capa niantarin. ¡Ma noyacha Sinioroso paya! tënin.

Lucas 23:34

Patanantopirinahuëꞌ, Yosë nontërin. —Tëparinacoso marëꞌ Tata, ama anaꞌintëquësohuëꞌ. Co nohuitatonacohuëꞌ, napotarinaco, itërin.] Ina quëran sontaroꞌsa capini ninontopi. “Huëcoꞌ nicanatëhuaꞌ Quisoso aꞌmorinsoꞌ maahuaꞌ,” nitatonaꞌ, yaꞌnipirapi. Naporahuatonaꞌ, aꞌnaya aꞌnaya mapi.

2 Corintios 2:11

Co nanan anoyatohuatëhuahuëꞌ, Satanasë minsëarinpoaꞌ. Inasoꞌ nisha nisha yanonpintërinpoasoꞌ nitotërëhuaꞌ.

2 Corintios 2:7

Iporasoꞌ nanan anoyatocoꞌ. Noya nontaantacoꞌ chiníquën cancanchin. Iporahuantaꞌ sëtárin. Napoaton catahuacoꞌ ama aquëtëꞌ sëchinsohuëꞌ, sëtori yaꞌcoancantohuachin.

Filemón 1:15

Yosë nohuanton, taꞌananpirinquën nimara Quisocristo nohuitacaso marëꞌ, tënahuë. Co huaꞌquiꞌ patërinquënhuëꞌ. Iporasoꞌ paahuamantarinquën inaquë yaꞌhuëmiatacaso marëꞌ.

1 Samuel 1:19

Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.