Génesis 45:23 - Chayahuita (Shahui)

²³ Paꞌpiontaꞌ, shonca moraquë, noya noya maꞌsha Iquipitoquë yaꞌhuërinsoꞌ, aꞌpatontarin. Naporahuaton shonca moraquë chachin, trico, pan, cosharoꞌ, inapita aꞌpatontarin. Oꞌmahuachina carimacaiso marëꞌ aꞌpatontarin.

Génesis 45:23 ပူးပေါင်းရင်းမြစ်များ

Génesis 24:10

Itahuaton, tapatarin huachi. Huaꞌanën maꞌshanënpita, paꞌton paꞌton nininsopita, huayonahuaton, nicanatacaso marëꞌ tapararin. Shonca camiyoquë apëꞌpëtahuatonaꞌ, Nacoro ninano itopiquë, paꞌpi huachi. Inaso ninanoꞌ, Misopotamia parti yaꞌhuërin.

Génesis 43:11

Napotohuachina, paꞌpini itapon: —Co onpotacasohuëꞌ niꞌquëhuarëꞌ, isopoco nipachin: Huaꞌan nicanacamaso marëꞌ iso noꞌpaquë maꞌsha noya noyatërinsopita costaronëmaquë quëpacoꞌ: Parsamo nimirio, ninoiꞌ, pimo huaꞌsaiꞌ, pimo yaquiꞌ, tanpapi nitërinsoꞌ, niꞌto nitërinsoꞌ, inapita piꞌpian piꞌpian poꞌmotahuatomaꞌ, quëpacoꞌ.

Génesis 45:22

Oꞌnanpiracaisontaꞌ, yaꞌipi iinpita ananitëraꞌpiarin. Mincaminso nipirinhuëꞌ, cara pasa coriqui prata quëran nininsoꞌ quëtahuaton, aꞌnatërápo aꞌmocaso quëtërin.

Génesis 45:24

Pacacaiso marëꞌ nontohuachinara, Cosiso iinpita itapon: —Osharan pacoꞌ. Amana iraquë ninoꞌhuíracosohuëꞌ, itërin. Napotohuachina paꞌpi huachi.

Éxodo 16:3

“Canpitaso co quëꞌyatoncoirahuëꞌ, inotëro parti tana tiquiincoiso marëꞌ quënancoi. ¡Iquipitoquë chachin Yosë tëparincoi naporini, noya noya niitonhuëꞌ! Inaquëso noya coshatatoi, natërai. Naꞌa nosha yaꞌhuërin,” itopi.