Génesis 45:20 - Chayahuita (Shahui)

²⁰ Naporahuaton, ama aquëtë maꞌshanënapita yonquiꞌinasohuëꞌ. Iquipitoquë maꞌsha noya noya nininsopita, inapitari huaꞌanëntaponaꞌ, itëquëꞌ, itërin.

Génesis 45:20 ပူးပေါင်းရင်းမြစ်များ

Génesis 20:15

Ina quëtahuaton, itërin: —Niꞌquë iya, noꞌpanëhuëso pancana, insëquëso costaranquë yaꞌhuëquëꞌ, itërin.

Génesis 45:18

Paantatonaꞌ, paꞌpina quëmaꞌinaꞌ. Yaꞌipi quëmopinënpitarë chachin, oꞌmaꞌinaꞌ. Oꞌmahuachinaꞌ, Iquipitoquë noya noya noꞌpaꞌ nininsoꞌ, cari quëtarahuë. Napoaton inapitasoꞌ, iso noꞌpaquë maꞌsha noya noyatërinsopita, caponaꞌ.

Génesis 45:19

Saꞌinaꞌ, huiꞌninaꞌ, paꞌpinaꞌ, inapita quëmacaiso marëꞌ, camaiquë toronanoꞌsa isëran quëpaꞌinaꞌ. Shaꞌhuitëquë aꞌnaroáchin huëꞌinaꞌ.

Génesis 45:21

Napotohuachina, Cacopo huiꞌninpitasoꞌ ina inachachin nipi. Huaraon camaitërinso chachin, Cosiri toronanoꞌsa quëtërin. Naporahuaton cosharo iraquë caracaisontaꞌ, quëtërin.

Génesis 47:6

yaꞌipi Iquipito noꞌpaꞌ huaꞌanëntërahuëquë, noya inapita yaꞌhuëcaisoꞌ. Cosin parti noya noya noꞌpaꞌ ninin. Inaquë yaꞌhuëcaiso marëꞌ quëtëquëꞌ. Aꞌnaquën quëmopinënpita pëꞌtahuatacasoꞌ noyá nitotohuachinaꞌ, caquën pëꞌtahuanëhuëpita, aꞌpaicaiso marëꞌ acoquëꞌ, itërin.

Isaías 1:19

Natëhuatamaco, sharoꞌsa noya noyatërinsoꞌ caꞌsaramaꞌ.

Mateo 24:17

Pëinëma aipi yaꞌhuëhuatamaꞌ, ama maꞌshanëmapita quëpacaso marëꞌ yaꞌconcosohuëꞌ. Aꞌnaroáchin topinan taꞌacoꞌ.

Lucas 17:31

“Ina tahuëri nanihuachin, co maꞌshanëmapita yonquicasoꞌ yaꞌhuaponhuëꞌ. Pëinëma aipi yaꞌhuëhuatamaꞌ, ama maꞌsha macacaso marë tërantaꞌ yaꞌconcosohuëꞌ. Aꞌnaroáchin taꞌacoꞌ. Iminquë yaꞌhuëhuatamaꞌ, ama pëinëmaquë paantacosohuëꞌ. Topinan pacoꞌ.

Deuteronomio 19:21

Insosona co noyahuëꞌ nipachina, ama nosorocosohuëꞌ. Tëpatohuachina, inanta tëpacaso yaꞌhuërin. Aꞌna piyapi yaꞌpirin tapirayahuachin, inanta tapirayacaso yaꞌhuërin. Natëquën nipantohuachin, inanta inapotacaso yaꞌhuërin. Nantënahuë nipon, imirinahuë nipon tapihuachin, inanta inapotacaiso yaꞌhuërin,” itërin.

Deuteronomio 7:16

Canpitaso napoaponahuëꞌ, nisha nisha piyapiroꞌsa Sinioro nohuanton minsëhuatamaꞌ, ataꞌhuantochinacaso yaꞌhuërin. Ama inapitaso nosorocosohuëꞌ. Co mamanshinëna tëranta moshacamaso yaꞌhuërinhuëꞌ. Ina moshahuatamasoꞌ, co huachi noyatatomarahuëꞌ chiminarama huachi.

1 Samuel 10:22

Napoaton naquëranchin Sinioro nataantapi: “¿Isëquë Sinioro Saono nisarin?” topachinara: “Nani isëquë nisarin. Pëꞌpëtoroꞌsa huáncana naꞌpirarin,” itërin Yosëri.