Génesis 44:17 - Chayahuita (Shahui)

¹⁷ Napotopirinahuëꞌ, Cosiriso itapon: —Co napoarinhuëꞌ. Insosona minënëhuë quënapapisoíchin piyapinëhuë nisarin. Aꞌnapitanquëmasoꞌ, tatama yaꞌhuërinquë noya panantacoꞌ. Co insonta maꞌsha onpotarinquëmahuëꞌ, itërin.

Génesis 44:17 ပူးပေါင်းရင်းမြစ်များ

Génesis 18:25

¡Ama Sinioro napoquësohuëꞌ! ¡Tëhuëpisopita, co tëhuëpisopitahuëꞌ co napopináchin oshahuanpiso pochin anaꞌintamaso yaꞌhuërinhuëꞌ! ¡Ama napoquësohuëꞌ! ¡Quëmasoꞌ, noya noya coisë yaꞌipi isoroꞌpaꞌ marëꞌ ninan niꞌton, noꞌtëquënáchin anaꞌintamaso yaꞌhuërin! itërin.

Génesis 26:29

Quiyaso yaꞌhuëraiquë, co maꞌsha onpotërainquënhuëꞌ, noya nicatëinquën, noya quëran aꞌparainquën. Napoaton quëmantaꞌ, ama maꞌsha onpotocoisohuëꞌ. Yosë quëmasoꞌ ipora noya nicatënquën catahuarinquën niꞌton, napotarainquën, itërin.

Génesis 44:10

Napotohuachina, Cosi piyapinënsoꞌ taantarin: —Noyapaꞌ. Naporama niꞌquëhuarëꞌ, inapochinquëma nipachin. Nipirinhuëꞌ, insosona minë quënaparahuësoíchin, piyapinëhuë nisarin. Aꞌnapitanquëmasoꞌ, co manta onpoaramahuëꞌ, itërin.

Génesis 44:16

Napotohuachina, Cotari itapon: —¡Tëhuënchachin co onpo aꞌpaniaꞌhuainso nanitëraihuëꞌ! ¡Co naporaihuëꞌ, co taꞌcahuaiso yaꞌhuërinhuëꞌ! Oshahuanaisoꞌ, nani Yosë nitotërin. Maꞌtana yaꞌhuarai. Minënën maninsorë chachin asacatocoi, itopi.

Génesis 44:18

Cosi napohuachina, Cotari amasha yaꞌcarirahuaton, itapon: —Piꞌpiyan sinioro nonchinquën topirahuë. Yonquirahuëso noꞌtëquën shaꞌhuichinquën. Quëmasoꞌ huaraon pochachin chiníquën nanantëran. Napoaton ama noꞌhuitonco anaꞌintaancoso marëhuëꞌ napotaranquën.

2 Samuel 23:3

Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.