Génesis 44:16 - Chayahuita (Shahui)

¹⁶ Napotohuachina, Cotari itapon: —¡Tëhuënchachin co onpo aꞌpaniaꞌhuainso nanitëraihuëꞌ! ¡Co naporaihuëꞌ, co taꞌcahuaiso yaꞌhuërinhuëꞌ! Oshahuanaisoꞌ, nani Yosë nitotërin. Maꞌtana yaꞌhuarai. Minënën maninsorë chachin asacatocoi, itopi.

Génesis 44:16 ပူးပေါင်းရင်းမြစ်များ

Génesis 37:9

Ina piquëran Cosisoꞌ, huaꞌnaantarin. Naporonta iinpita shaꞌhuitaantarin: —Natanco iyaroꞌsa aꞌna huaꞌnaantarahuëso shaꞌhuitaantaꞌinquëmaꞌ. Huaꞌnato niꞌpirahuëꞌ, piꞌi, yoqui, shonca aꞌna tayoraroꞌsaꞌ, inapita monshorahuatona moshararinaco niꞌnahuë, itërin.

Génesis 44:17

Napotopirinahuëꞌ, Cosiriso itapon: —Co napoarinhuëꞌ. Insosona minënëhuë quënapapisoíchin piyapinëhuë nisarin. Aꞌnapitanquëmasoꞌ, tatama yaꞌhuërinquë noya panantacoꞌ. Co insonta maꞌsha onpotarinquëmahuëꞌ, itërin.

Génesis 44:32

Coꞌhuara huëꞌshamátërapoihuëꞌ shaꞌhuitërahuë: “Iyaꞌhua aꞌpaantohuatancoi, cari niꞌsarahuë. Maꞌsha onpohuachinsoꞌ, ca anaꞌintoco huachi,” itërahuë. Naporahuaton napotomantarahuë: “Coꞌsoꞌ quëshintahuatënquënhuëꞌ, chiminaquë huarëꞌ naꞌinarahuë,” itërahuë.

Génesis 44:9

Quiyasoꞌ piyapinënpita pochincoi ninai. Incoi tëranta minë quënapahuatancoi, chimiin. Quiyantaꞌ, piyapinënpita pochin asacatocoi tënai, itopi.

1 Reyes 17:18

Huaꞌhuin chiminpachina, inaso Iniasë itapon: —Quëmasoꞌ Yosë nohuanton pënëntëran. ¡Co carinquënsoꞌ, manta onpotëranquënhuëꞌ! Co Yosë natëtohuëꞌ oshahuanahuë. Napoaton ina ayonquiancoso marëꞌ huaꞌhuahuë tëpatëranco. ¡Inapotatonco anaꞌintëranco tënahuë! itërin.

Isaías 5:3

Iporasoꞌ Quirosarinquë yaꞌhuëramasopita, carima natainquëma shaꞌhuitoco. Cota huënton israiroꞌsanquëmantaꞌ, shaꞌhuitoco. ¿Inta tëhuërin niꞌton, oparonëhuë naporin? ¿Ca nica, inaora chachin nica?

Daniel 9:7

Quëmasoꞌ noya coisë pochin nicaton, noꞌtëquën anaꞌintërancoi. Ina marëꞌ quiyasoꞌ yaꞌipi cotioroꞌsacoi tapanai. Quirosarinquë yaꞌhuëpisopita, aꞌnapita israiroꞌsa yaꞌcaria yaꞌhuëpisoꞌ, áquë yaꞌhuëpisoꞌ, quëma nisha nisha noꞌparoꞌsaquë tëꞌyatërancoi. Yaꞌipicoi oshahuanai niꞌton, inapotërancoi.

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.

Lucas 12:2

Aꞌnaquën poꞌoana quëran maꞌsha nipi. Maꞌsha poꞌorëso pochin nipirinahuëntaꞌ, aꞌna tahuërisoꞌ yaꞌipi piyapiꞌsari nitotapi.

Hechos 2:37

Piyapiꞌsaꞌ natanahuatonaꞌ, naꞌcon sëtopi. —Co noyahuëꞌ ninai. ¿Maꞌtaꞌ iyaroꞌsaꞌ, onpoꞌiisoꞌ? itopi caꞌtanoꞌsaꞌ.

Deuteronomio 25:1

Aꞌnaquëma nanan yaꞌhuëtohuachinquëmaꞌ, coisëroꞌsa sacatërinquë pacoꞌ. Inapita noyá natanarinquëmaꞌ. Insosona tëhuëhuachin, noꞌtëquën anaꞌintacaso shaꞌhuitapi. Co tëhuërinsopitasohuëꞌ nipirinhuëꞌ, co anaꞌintaponahuëꞌ.