Génesis 43:9 - Chayahuita (Shahui)

⁹ Iyaꞌhua paꞌpachin, cari niꞌsarahuë. Maꞌsha onpohuachinsoꞌ, ca anaꞌintoco huachi. Coꞌsoꞌ quëshintahuatënquënhuëꞌ, chiminaquë huarëꞌ naꞌinarahuë.

Génesis 43:9 ပူးပေါင်းရင်းမြစ်များ

Génesis 31:39

Niꞌniroꞌsari pëꞌtahuanënpita tëpahuachinara, co onporo tëranta aꞌnotaꞌhuanquënso marëꞌ quëshiranquënhuëꞌ. Caoranquën masahuato, acoantarahuë. Tahuërihuë nipon, tashihuë nipon, ihuatohuachinantaꞌ, ca apahuërëtëranco.

Génesis 42:37

Naporoꞌ Nopinori, paꞌpin itapon: —Iyaꞌhua aꞌpahuatan, cari tata aꞌpaiarahuë. Coꞌsoꞌ quëshintahuatënquënhuëꞌ, cato huiꞌnahuëpita nininsoꞌ, nanitëran tëpamasoꞌ, itërin.

Génesis 43:10

Iꞌhua chachin napotasënquën aꞌpantërancoi naporini, ¡nani catoro paꞌsahuatoi, huënantaꞌitoihuëꞌ! itërin.

Génesis 9:5

Canpita capinisoꞌ, co nitëpamaso yaꞌhuërinhuëꞌ. Tëpatohuatamaꞌ, anaꞌintaꞌhuanquëmaso yaꞌhuërin. Maꞌsharoꞌsarinta piyapi tëpahuachin, anaꞌintarahuë. Tëpatohuatamaꞌ, aꞌnaya aꞌnayanquëma tëhuënchachin anaꞌintaranquëmaꞌ.

1 Reyes 1:21

Coꞌsoꞌ ina pochin Saromon acoyátërasënquënhuëꞌ, maꞌsha onpohuatan, Atoniasë quiyasoꞌ tëpaponcoi.

Ezequiel 3:18

Aꞌnaquën co noyahuëꞌ nininso marëꞌ: ‘Isosoꞌ, chiminacaso yaꞌhuërin,’ tosarahuë. Napotohuato, quëma nanan quëtaranquën co noyahuëꞌ nininsoꞌ aꞌpocaso marëꞌ shaꞌhuitaran. Natëhuachinquën co chiminaponhuëꞌ. Co shaꞌhuitohuatansohuëꞌ, tëhuënchachin chiminapon. Napoaponahuëꞌ, chimininso marëꞌ quëma naꞌintarinquën.

Ezequiel 3:20

Aꞌna tahuëriso nipirinhuëꞌ, aꞌnaquën noya nicacaso noꞌquiponahuëꞌ, amirahuaton co noyahuëꞌ nisarin. Tënihuato cá quëran aꞌpotochináchin cancantarin. Inapoasoꞌ co quëmari shaꞌhuitohuatanhuëꞌ, chiminapon. Huaꞌqui noya nipirinhuë tërantaꞌ, co ina marëꞌ nichaꞌësarahuëꞌ. Oshanën marëꞌ chiminacaso yaꞌhuërin. Quëmaso napoaponahuëꞌ co shaꞌhuitëranhuë niꞌton, ina chimininsoꞌ, naꞌintarinquën.

Ezequiel 33:6

Aꞌpaitonaꞌpisoꞌ, inimicoroꞌsa huëꞌsarinso nicaponahuëꞌ, co pomon pihuirinhuëꞌ. Inapitaso canquirahuatona inso tëranta tëpahuachinaꞌ, inasoꞌ, inaora oshanën marëꞌ chiminapon. Napoaponahuëꞌ ina chimininso marëꞌ, aꞌpaitonaꞌpintaꞌ anaꞌintaꞌhuaso yaꞌhuërin.

Ezequiel 33:8

Aꞌna piyapi co noyahuëꞌ nipachin, chiminacaso shaꞌhuitaranquën. Napotohuatënquën, co noyahuëꞌ nininsoꞌ aꞌpocaso marëꞌ quëmari shaꞌhuitaran. Shaꞌhuitopiranhuë co natëhuachinquënhuëꞌ, inasoꞌ oshanën marëꞌ chiminapon. Inapohuachin, co quëma naꞌintarinquënhuëꞌ. Shaꞌhuitacaso nipirinhuëꞌ, co shaꞌhuitohuatansohuëꞌ, inaso oshanën marëꞌ chiminapon. Napoaponahuëꞌ, ina chimininsoꞌ, quëma naꞌintarinquën,” itërinco.

Lucas 11:50

Isoroꞌpaꞌ ninin quëran huarëꞌ noya quëmapiꞌsaꞌ pënëntopirinahuëꞌ, naꞌa tëpapi. Apiriꞌton noya quëmapi nipirinhuëꞌ, iini tëparin. Ina piquëran aꞌnaya aꞌnaya noya pënëntopirinahuëꞌ, tëparaꞌpiapi. Naꞌa piꞌipi napopi. Napoin quëran Sacariasë tëpapi antaꞌ. Yosë chinotopiso pëiquë chachin tëpapi. Canpitaso nipirinhuëꞌ ina nitotapomarahuëꞌ, co natantochináchinhuëꞌ cancantëramaꞌ. Napoaton Yosë naꞌcon naꞌcon anaꞌintarinquëmaꞌ.

Hebreos 7:22

Napoaton Quisocristosoꞌ, nasha quëran canpoarëꞌ anoyatërin. Co nonpintarinpoahuëꞌ. Co onporontaꞌ nisha shaꞌhuitarinpoahuëꞌ. Ina anoyatërinpoasoꞌ noya noya. Pënëntërinsoꞌ nanan iráca imapisosoꞌ, co onpopinchin noyahuëꞌ.