Génesis 43:8 - Chayahuita (Shahui)

⁸ Naporoꞌ Cotari paꞌpin itaantarin: —Tëhuënchachin tata nanpicasoꞌ nohuantohuatëhuaꞌ, iyaꞌhua aꞌpaquë paꞌi. Cari aꞌpaiarahuë. Aꞌpaantohuatancoi aꞌnaroáchin paꞌsarai. Inapohuatëhuaꞌ, co chiminarihuahuëꞌ. Huiꞌnapoapitantaꞌ, noya nanpiapi.

Génesis 43:8 ပူးပေါင်းရင်းမြစ်များ

Génesis 42:2

Nani shaꞌhuitërinaco Iquipito noꞌpaquë trico paꞌanacaso marëꞌ yaꞌhuërinsoꞌ. Napoaton inaquë paꞌmatomaꞌ, paꞌamacoꞌ. Ama tana tiquiinpoaso marëhuëꞌ inapocoꞌ,” itërin

Génesis 42:38

Cacoposo nipirinhuëꞌ, tapon: —Huiꞌnahuësoꞌ, co onporo paꞌsarinhuëꞌ. Iin mashonën nani chiminin. Inaíchin ina yoꞌnanquëranchin nipisoꞌ yaꞌhuëarin. Paꞌnamaquë ina yaꞌhuërëꞌ maꞌsha onpoantahuachin, caso mashoco, sëto tëpaponco huachi, tënin.

Génesis 44:20

Quiyarinta naporo shaꞌhuitëranquën: “Tatahuëi yaꞌhuëtërincoi, nani máshoya,” itërainquën. Aꞌna iyaꞌhuanta huiꞌnapi yaꞌhuëtërincoisoꞌ, shaꞌhuitërainquën. Inasoꞌ, tatahuëi nani máshoya nisoꞌ huaꞌhuatërin. Naporo chachin shaꞌhuitëranquën tatahuëri naꞌcon nosororinsoꞌ. Ina yoꞌnanquëranchin huaꞌhuatopisopita cato yaꞌhuëpirinahuëꞌ, aꞌnaso ayarin niꞌton, inaíchin quëparitërin. Napoaton nosoromiatërin.

Génesis 45:19

Saꞌinaꞌ, huiꞌninaꞌ, paꞌpinaꞌ, inapita quëmacaiso marëꞌ, camaiquë toronanoꞌsa isëran quëpaꞌinaꞌ. Shaꞌhuitëquë aꞌnaroáchin huëꞌinaꞌ.

Génesis 50:21

Napoaton ama paꞌyancosohuëꞌ. Carinquëma cosharo quëtáponquëmaꞌ. Huiꞌnamapitanta quëtapo. Naponontaton, Cosiso iinpita asanocancanin. Noyasha nontërin.

2 Reyes 7:13

Aꞌna huaꞌanso napoaponahuëꞌ, tapon: —Aꞌnatërapoíchin cahuario quëparitërin. Napoaton inaquë yaꞌmitëatonaꞌ, niꞌcontacaiso marëꞌ sontaroꞌsa paꞌinaꞌ. Nanpihuachinaꞌ, noyatapon. Chiminpachinantaꞌ, noyatapon chachin. Canpoanta isëquë co noya yaꞌhuëáparihuahuëꞌ, tënin.

2 Reyes 7:4

Acoana yaꞌconpatëhuaꞌ, inaquënta tanari piyapiꞌsa quëtarin. Isëranchinta ninapatëhuaꞌ, tana tëpaonpoaꞌ. Huëco paꞌahua nipachin siriaroꞌsa yaꞌhuëapiꞌpaꞌ niꞌcontaꞌahuaꞌ. Nosorohuachinënpoasoꞌ, nanpiarëhuaꞌ. Tëpahuachinënpoanta maꞌta pini. Copitochanꞌahua huachi, niitopi.

Salmos 118:17

¡Co chiminarahuëꞌ! Yosë catahuararinco. Sinioro naporinso shaꞌhuicaꞌhuaso marëꞌ nanpiarahuë.

Éxodo 20:12

Tatama noya nicatoma natëcoꞌ. Mamamanta natëcoꞌ. Natëhuatamaꞌ, naꞌcon catahuaranquëmaꞌ. Canaan noꞌpaꞌ quëtohuatënquëmaꞌ, huaꞌqui inaquë noya yaꞌhuaramaꞌ.

Números 14:31

Huiꞌnamanta yonquiatomaꞌ: ‘Inimicoroꞌsa mataponënpoaꞌ,’ topiramahuëꞌ, co napoarinhuëꞌ. Inapitasoꞌ canpita noꞌpaꞌ nocanamaquë poꞌmohuato, nóya yaꞌhuëaponaꞌ.

Deuteronomio 33:6

Nopino huënton israiroꞌsa yonquiaton, Moisësë tapon: “¡Nopino huënton israiroꞌsasoꞌ, ama taꞌhuantatonaraihuëꞌ yaꞌhuëꞌinaꞌ! ¡Ama napoaponahuë naꞌamiachinasohuëꞌ. Chini chiníquën nanantohuachinaꞌ!” tënin.