Génesis 43:34 - Chayahuita (Shahui)

³⁴ Cosiso inaora caꞌninso chachin, iinpitanta aꞌcarin. Mincaminso nipirinhuëꞌ oꞌhuintohuachinara, aꞌnapita iinpita quëran naꞌcon naꞌcon acotopi. Nani coshatohuachinara, napopináchin oꞌopi. Inapoatona capa cancantopi.

Génesis 43:34 ပူးပေါင်းရင်းမြစ်များ

Génesis 35:24

Naquiraquëya nipisopitanta isopita: Cosi, Mincamin, inapita.

Génesis 45:22

Oꞌnanpiracaisontaꞌ, yaꞌipi iinpita ananitëraꞌpiarin. Mincaminso nipirinhuëꞌ, cara pasa coriqui prata quëran nininsoꞌ quëtahuaton, aꞌnatërápo aꞌmocaso quëtërin.

2 Samuel 11:8

Shaꞌhuitohuachina, Tapiri itapon: “Noyapaꞌ. Iporaso huachi pëinënquë paaton nipaꞌmorantëquëꞌ,” itërin. Napotohuachina, Oriasësoꞌ Tapi pëinën quëran pipirin. Nani paꞌpachina, piyapinënpita quëran noya noya cosharo nininsoꞌ aꞌpatërin.

Eclesiastés 9:7

¡Huëco paꞌahua capa cancantahuaꞌ! Noya coshatahuaꞌ, noya oꞌoahuaꞌ, napoaꞌahuaꞌ. Sacatërëhuaso marëꞌ nani Sinioro noya niꞌninpoaꞌ.

Habacuc 1:6

Ca nohuanton papironiaroꞌsa chiníquën nanantatona ahuëarinënquëmaꞌ. Inapitasoꞌ co tënorotochináchinhuëꞌ cancantopi. Itohua itohua pacatonaꞌ, aꞌnapitari noꞌpaꞌ huaꞌanëntopiso osërëtëraꞌpiapi.

Mateo 11:19

Caso nipirinhuëꞌ, Yosë quëran quëmapico niporahuëꞌ coshatërahuë, oꞌorahuë. Ina marëꞌ pinoramaco cantaꞌ. ‘Quisoso coshatárin, oꞌopatárin. Oshahuanoꞌsarëꞌ nipayarin. Copirno marëꞌ coriqui maꞌpatonaꞌpiroꞌsarëntaꞌ nipayarin,’ toconamaꞌ. Nisha nisha yonquiconamaꞌ. Aꞌnaquënso nipirinhuëꞌ noya yonquiatonaꞌ, Yosë natëapi huachi. Noꞌtëquën pënënahuë niꞌton, noꞌtëquën yonquiapi huachi,” tënin Quisoso.

Juan 2:10

Huëꞌpachina, itërin: —¡Maꞌpitacha ninan paya! Iso huinosoꞌ noya noya, yashin yashin oꞌocasoꞌ. Yaꞌipi piyapiꞌsaꞌ noya noya huino nininsoꞌton oꞌshipi. Ina quëran nani natëhuachinara, co onpopinchin noyahuëꞌ nininsoꞌ oꞌshiantarapi. Quëmaso nipirinhuëꞌ ipora huarëꞌ noya noya huino oꞌshitërancoi, itërin. Quisoso naporinsoꞌ co nitotatonhuëꞌ, naporin.

1 Samuel 1:5

Anaso nipirinhuëꞌ, panca panca quëtërin. Sinioro nohuanton co huaꞌhuanaꞌpihuë nipirinhuëꞌ, nosororin. Nosoroaton yánapotërin.