Génesis 43:31 - Chayahuita (Shahui)

³¹ Naꞌnërinsoꞌ paꞌcotohuachina, nipaꞌmorayaton, pipiantarin. Pipirahuaton piyapinënpita camairin: “¡Oꞌhuinco huachi!” itërin.

Génesis 43:31 ပူးပေါင်းရင်းမြစ်များ

Génesis 45:1

Yaꞌipi piyapinënpita niꞌtonënquë Cotari nontërinso tonitohuachina, Cosiso co huachi ahuantërinhuëꞌ. Co huachi ahuantatonhuëꞌ, Iquipito nananquë chiníquën nonin: “¡Yaꞌipinquëma pipicoꞌ!” itërin. Napotohuachina, yaꞌipi piyapinënpita pipipi. Iinpitarëáchin nicasoꞌ, nohuitacaiso marëꞌ shaꞌhuirin.

Isaías 42:14

Ina quëran Sinioro taantapon: “Huaꞌqui tahuëri pochin taꞌtërahuë. Noꞌhuípiro nipirinahuëꞌ, ahuantërahuë. Iporaso napoaporahuëꞌ, sanapi yahuaihuachina ‘huiyo,’ tosárinso pochin nisarahuë. ‘Sëco sëcoꞌ,’ taꞌton canotarinso pochin nisarahuë.

Jeremías 31:16

Napopirinhuëꞌ, cari chachin itapo: ‘Naquira. Ama aquëtë naꞌnëquësohuëꞌ. Sëtëransoꞌ co topinan nisarinhuëꞌ. Amiparinpita áquë quëpapirinahuëꞌ, inimiconënapita yaꞌhuëpi quëran huënantaponaꞌ. Aꞌna tahuëri noya acoantaꞌhuanquënsoꞌ, yonquiráquëꞌ. Amiparinpitasoꞌ, yaꞌhuëpiquë chachin huënantaponaꞌ. Ca Sinioroco shaꞌhuitaranquën,’ itërahuë.

1 Pedro 3:10

Iráca quiricanën quëran itërinpoaꞌ: “Noya yaꞌhuëcamasoꞌ nohuantohuatamaꞌ, noyasáchin noncoꞌ. Ama insontaꞌ nonpintocosohuëꞌ. Inapohuatamaꞌ, noya cancantatomaꞌ, noya yaꞌhuaramaꞌ.