Génesis 43:27 - Chayahuita (Shahui)

²⁷ Cosiri iinpita nontahuaton itapon: —Iꞌhua oꞌmapomaꞌ: ¿Tatahuëi yaꞌhuëarin itëramaco pora? ¿Noya yaꞌhuëarin? ¿Nanpiarin ipora huanta ti? itërin.

Génesis 43:27 ပူးပေါင်းရင်းမြစ်များ

Génesis 37:14

—Inta conpa. Paꞌsahuaton iyamashoroꞌsa niꞌcontaquëꞌ. Ohuicaroꞌsaꞌ, chiporoꞌsaꞌ, inapitanta onpoinsona nisapisoꞌ, nahuicontaquëꞌ. Ina quëran huëꞌsahuaton, onpoapisona shaꞌhuitiico canta nitochi, itërin. Cacoposo Ipron motopianaroꞌsa quëran, Cosi aꞌparin. Inaso paꞌsápaton Siquimoquë canconin.

Génesis 41:16

—Co caora nohuanton nitotërahuëꞌ. Quëma piyapinënco niꞌto, Yosë chachin anitotohuachinco, shaꞌhuitaranquën. Maꞌsona noya nicacaso marëꞌ, shaꞌhuitaranquën, itërin.

Génesis 42:13

Napotopirinhuëꞌ, inapitariso itaponaꞌ: —Quiyasoꞌ quëma piyapinënpita pochin ninai. Yaꞌipiya quëran ina tataquëranchin, shonca catocoi ninai. Canaan parti yaꞌhuërai. Huaꞌhua nininsosoꞌ, tatarëꞌ quëparitërin. Aꞌnaso nipirinhuëꞌ, ayarin, itaantapi.

Génesis 43:7

—Naꞌcon natanincoi onpo yaꞌhuëtërëhuasona nininsoꞌ: “¿Nanpiárin tataparimaꞌ?” itahuatoncoi: “¿Aꞌna iyaparimanta yaꞌhuërin?” itomantarincoi. Napo natanpachincoira, topinan aꞌpanitërai. ¡Co quiyasoꞌ nitotëraihuëꞌ: “Iyaparima huaꞌhua nininso quëshimacoi,” itiincoisoꞌ! itopi.

Génesis 45:3

Naporo huarëꞌ Cosisoꞌ, inahuara nanamënaquë iinpita nontërin: —¡Ca mini Cosico! ¿Nanpiárin iporahuanta tata? itërin. Napotopirinhuëꞌ, iinpitariso paꞌpi tëꞌhuatatonaꞌ, co nanitopihuëꞌ nonacaisoꞌ.

2 Reyes 4:26

Taꞌarahuaton nacapiquëꞌ. Quënamarahuaton, soꞌin, huaꞌhuin, inapita onpohuinsona yaꞌhuëapiso natamaquëꞌ, itërin. Inasoꞌ paꞌsahuaton natamapirinhuëꞌ: “Noya yaꞌhuëapi,” itërin topinan.

1 Samuel 17:22

Tapisoꞌ quëparinsopita, aꞌna sontaro quëtërin aꞌpaitacaso marëꞌ. Cosharoꞌ, ahuëtacaiso marëꞌ ohuarapisopita, inapita aꞌpairinsoꞌ quëtërin. Sontaroꞌsa panshinpiquë taꞌaontarahuaton, iin mashonënpita nontoonin.