Génesis 42:9 - Chayahuita (Shahui)

⁹ Naporoꞌ Cosisoꞌ, iráca huaꞌnaton iinpita shaꞌhuitërinsoꞌ yonquirin. Ina yonquiaton itapon: —Canpitasoꞌ, nëhuëtonaꞌpirosanquëma tënahuë. Noꞌpanëhuëi insëquësona co noya aꞌpaipinanhuëꞌ niꞌcamaso marëꞌ huëꞌnamaꞌ, itërin.

Génesis 42:9 ပူးပေါင်းရင်းမြစ်များ

Génesis 37:11

Iinpitariso noyapatonaꞌ, aquë aquëtë noꞌhuirápi. Paꞌpinso nipirinhuëꞌ, huiꞌnin naporinso naꞌcon yonquirárin.

Génesis 42:16

Aꞌnaquëma paaton macontaꞌin. Aꞌnapitanquëmaso nipirinhuëꞌ, tashinan pëi yaꞌcontaramaꞌ. Ina huëꞌpachin, naporo huarëꞌ naporamaso natëaranquëmaꞌ. Coꞌsoꞌ huëꞌpachinhuëꞌ, tëhuënchachin nëhuëtonaꞌpiroꞌsanquëmaꞌ. ¡Huaraon yaꞌhuërin niꞌton, noꞌtëquën nontaranquëmaꞌ! itërin.

Éxodo 32:35

Ina tosahuaton, Siniorori israiroꞌsa anaꞌintërin. Toroaꞌhua Aaroni nonaninsoꞌ moshapi niꞌton, chiníquën canio tëꞌyanantërin.

Lucas 20:20

Napoaton aꞌnaquën quëmapiꞌsaꞌ amatahuatonaꞌ, itaponaꞌ: “Nonpintatomaꞌ, Quisosoquë pacoꞌ. Yaimaramaso pochin nicatomaꞌ, ina nontocoꞌ atëhuëcaso marëꞌ. Ina quëran shaꞌhuirapihuatamaꞌ, huaꞌani sontaroꞌsaꞌ aꞌpaarin ina macacaso marëꞌ,” itopi.

Hebreos 11:31

Yaꞌipi yaꞌhuëhuanoꞌsaꞌ co Yosë yanatëpihuëꞌ niꞌton, chiminpi. Aꞌna sanapiáchin natëton, chaꞌërin. Oshahuanaꞌpi inasoꞌ, Nacapa itopisoꞌ. Inimico niponahuëꞌ, Israiro comisionënpita huëꞌpachinara, inari poꞌorin ama sontaroꞌsari tëpacaiso marëhuëꞌ.

Josué 2:1

Israiroꞌsasoꞌ, Sitin itopisoꞌ roꞌtëquë yaꞌhuëantarapi. Ina quëran Cosoisoꞌ catoyaꞌpi nëhuëtacaiso marëꞌ aꞌparin. Coꞌhuara paꞌshátërasoihuëꞌ itapon: “Poꞌoana quëran Canaan parti paatoma niꞌcontacoꞌ. Inaquë paꞌsahuatoma Quirico ninano noya niꞌcoꞌ. Nani niꞌsahuatomaꞌ, shaꞌhuitiimaco,” itërin. Napotohuachina, paꞌpi. Paꞌsápatona Quirico ninanoquë canconpi. Inaquë aꞌnara monshihuantë sanapi yaꞌhuërin. Inasoꞌ, Nacapa itopi. Ina pëinënquë cansahuatonaꞌ, huëꞌëpatacaiso marëꞌ quëparitopi.

Josué 6:23

Napotohuachina, inapitaso paꞌsahuatona ocoiconpi. Paꞌpin, aꞌshin, yoꞌinpita, cainpita, inapitanta ocoiconpi. Aꞌnapita áquë quëmopinënpitanta ocoiconpi. Yaꞌipi inapita ocoirahuatonaꞌ, yaꞌhuëapi aquëcha acoonpi. Ama maꞌsha onpotacaiso marëhuëꞌ inaquë acopi.