Génesis 42:4 - Chayahuita (Shahui)

⁴ Mincaminso nipirinhuëꞌ, paꞌpini co nohuantërinhuëꞌ aꞌpacasoꞌ. Inasoꞌ, Cosi iin miachin. Ina yoꞌnanquëranchin pipipisoꞌ. “Paꞌninquë tapona maꞌsha yaonpoápirinhuëꞌ,” taꞌton, co yaaꞌparinhuëꞌ.

Génesis 42:4 ပူးပေါင်းရင်းမြစ်များ

Génesis 11:4

Ina quëran ninontaantapi: “Huëco chiníquën cancantatëhuaꞌ, ninano ocoiaꞌahuaꞌ. Ina nisahuatëhuaꞌ, aꞌna torinta piꞌiroꞌtëquë huarëꞌ nincaninso niahuaꞌ. Inapoatëhuaꞌ, sacóshin nahuinarihuaꞌ. Naporahuaton, co huachi itohua itohua yanquëcaso yaꞌhuaponhuëꞌ,” nitopi.

Génesis 3:22

Naporo chachin tënin: “Iporasoꞌ, piyapi canpoa pochachin nitotërin. Noya nininso nitotahuaton, co noyahuëꞌ nininsonta nitotërin. Niꞌquëna nanpirin nara nitërinsonta caꞌpachin. Napohuachinsoꞌ, nanpimiatarin,” tënin.

Génesis 35:24

Naquiraquëya nipisopitanta isopita: Cosi, Mincamin, inapita.

Génesis 42:3

Paꞌpini napotohuachina, Cosi iinpitasoꞌ, shonca yaꞌpi trico paꞌanapona Iquipitoquë paꞌpi.

Génesis 42:38

Cacoposo nipirinhuëꞌ, tapon: —Huiꞌnahuësoꞌ, co onporo paꞌsarinhuëꞌ. Iin mashonën nani chiminin. Inaíchin ina yoꞌnanquëranchin nipisoꞌ yaꞌhuëarin. Paꞌnamaquë ina yaꞌhuërëꞌ maꞌsha onpoantahuachin, caso mashoco, sëto tëpaponco huachi, tënin.

Génesis 43:14

Yosë yaꞌipi nanitaparinsoꞌ nontarahuë catahuainquëmaꞌ. Ina nohuanton huaꞌan nosoroꞌinquëmaꞌ. Simionta nosoroaton ocoiꞌin. Naporahuaton, Mincanta aꞌpaintaꞌin. ¡Canta co huiꞌnahuan mashoco pochin quëparitaꞌhuaso Yosë nohuantohuachin, inapoꞌi nipachin! itërin.

Génesis 43:29

Cosiso yonquitopirinhuëꞌ, Mincamin quënanin. Inaso iyaꞌhuain. Ina yoꞌnanquëranchin nipisoꞌ. Ina tasatahuaton, natanin: —¿Isona: “Iyaꞌhua aꞌna huëshirai” tënamaso ti? itahuaton, iin itapon: “¡Yosë chachin huaꞌhua catahuainquën!” itërin. Napotaso chachin iin niꞌsahuaton, naꞌnëchináchin cancantërin. Napoaton aꞌnaroáchin patoananënquë yaꞌconahuaton, naꞌnërin.