Génesis 42:36 - Chayahuita (Shahui)

³⁶ Naporoꞌ Cacopori itapon: —Canpitaso huiꞌnahuëpita tiquitaramaco. Cosi ayarin. Simionta capa. ¡Iporaso Mincanta yaquëpataantaramaco! ¡Yaꞌipi inapita casaꞌ, ahuantaꞌhuaso yaꞌhuërin! itërin

Génesis 42:36 ပူးပေါင်းရင်းမြစ်များ

Génesis 42:37

Naporoꞌ Nopinori, paꞌpin itapon: —Iyaꞌhua aꞌpahuatan, cari tata aꞌpaiarahuë. Coꞌsoꞌ quëshintahuatënquënhuëꞌ, cato huiꞌnahuëpita nininsoꞌ, nanitëran tëpamasoꞌ, itërin.

Génesis 43:14

Yosë yaꞌipi nanitaparinsoꞌ nontarahuë catahuainquëmaꞌ. Ina nohuanton huaꞌan nosoroꞌinquëmaꞌ. Simionta nosoroaton ocoiꞌin. Naporahuaton, Mincanta aꞌpaintaꞌin. ¡Canta co huiꞌnahuan mashoco pochin quëparitaꞌhuaso Yosë nohuantohuachin, inapoꞌi nipachin! itërin.

Génesis 44:12

Iꞌshiritohuachina yonisarin. Paninan nininso costaronën quëran caniaritahuaton, huaꞌhua nininso costaronënquë huarëꞌ, yonirin. Yonípachina, Mincamin costaronënquë quënanin huachi.

Génesis 45:28

Capa cancantaton tapon: “¡Tëhuënchachin Cosi nanpiárin! Coꞌhuara chimiantërasocohuëꞌ paꞌmato nimai,” tënin.

Génesis 47:12

Naporahuaton Cosisoꞌ, yaꞌipi quëmopinënpita cosharo quëtárin. Panca huënton nininsoꞌ naꞌcon naꞌcon, quëtërin. Caraya nininsoꞌ, piꞌpiyan quëtërin. Inapotërin.

Salmos 34:19

Noyasáchin nipisopitantaꞌ, nisha nisha maꞌsha onpopi. Napopirinahuëꞌ, nani maꞌsha onpopi quëran Siniorori nichaꞌësarin.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Jeremías 31:15

Naquëranchin Sinioro taantarin: “Namaquë chiníquën naꞌnërarin natanahuë. Co napion ancantaton naporin. Naquira huaꞌhuinpita marëꞌ naꞌnërárin. ‘Ama sëtëquësohuëꞌ,’ itopirinahuëꞌ, huaꞌhuinpita chiminpi niꞌton, co natëtërinhuëꞌ.

Mateo 14:31

Aꞌnaroáchin Quisosori maimirarin. Oshirahuaton, ahuaniintarin: —Co yaꞌipi cancanën quëran natërancohuëꞌ niꞌton, acopoiꞌ paꞌsapiranhuëꞌ. ¿Onpoatontaꞌ co noya natërancohuëꞌ? itërin.

Romanos 8:28

Yosë nosorohuatëhuaꞌ, noyasáchin yonquirinpoaꞌ. Maꞌsha onpohuatëhuara, naꞌcon catahuarinpoaꞌ. Piꞌpian parisitapirëhuahuëꞌ, ina nohuanton, parisitërëhua quëran noya noya pipiarëhuaꞌ. Achinicancaninpoaꞌ niꞌton, noya noya imarihuaꞌ. Nani huayoninpoaꞌ ina nohuantërinsoꞌ nicacaso marëꞌ.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

1 Corintios 10:13

Sopai yaꞌipi piyapinpoaꞌ shaꞌhuitërinpoaꞌ co noyahuëꞌ nicacaso marëꞌ. Yosëso nipirinhuëꞌ catahuarinpoaꞌ. Aꞌnaya aꞌnayanpoaꞌ co nanitërëhuasohuëꞌ nitotaton, niꞌsarinpoaꞌ. “Tananpitëquëꞌ,” itohuachina, co sopai nanitërinhuëꞌ aquëtëꞌ tëniinpoasoꞌ. Cancanënpoa quëran huarëꞌ Yosë natëhuatëhuaꞌ, co sopai minsëarinpoahuëꞌ. Maꞌsha onpopirëhuahuëntaꞌ, Yosë ananitarinpoaꞌ ahuantacasoꞌ. Yosë chachin catahuarinpoaꞌ sopai minsëcaso marëꞌ.

2 Corintios 4:17

Tëhuënchachin iporasoꞌ piꞌpian parisitapirëhuahuëꞌ, co huaꞌquiꞌ isoroꞌpaquë yaꞌhuarihuahuëꞌ. Yosëꞌpaꞌ paꞌpatëhuaꞌ, co onporontaꞌ pipiarëhuahuëꞌ. Imarëhuaso marëꞌ parisitapirëhuahuëꞌ, inapaquësoꞌ noya noya cancantarihuaꞌ. Yosë pochachin cancantarihuaꞌ.